Kan Lêvi 5:1 - Nau Brah Ndu Ngơi 2023

¹ “Lah du huê ƀư tih yor păng mâu ŭch mbơh du nau kan păng hŏ saơ jêh mâu lah lĕ gĭt, nđâp lah bu đă păng ngơi nau ton ma nau păng saơ nây, pôri păng mra tuy nau tih păng nơm.

Kan Lêvi 5:1 ပူးပေါင်းရင်းမြစ်များ

I Phung Hađăch 22:16

Ƀiălah hađăch lah ma păng: “Ndah nâm hŏ tơ̆ gâp sŏk nau ton nchâp ma may knŏng sŏk amoh Brah Yêhôva gay ngơi nau n'hêl nanê̆ ma gâp.”

I Phung Hađăch 8:31

Tơlah geh mbu moh ƀư tih đah nơm chiau meng păng nơm jêh ri bu nchâp păng sơm ton, pôri păng tât ton săk panăp nơng ƀư brah May tâm ngih brah aơ,

II Nau Rêh Jêng 18:15

Hađăch lah ma păng: “Ndah nâm hŏ tơ̆ gâp nchâp ma may ton jêng may ngơi knŏng nau ngơi ngăn tâm amoh Brah Yêhôva!”

Nau Mprơ Ơm 38:4

Yorlah nau djơh mhĭk gâp bun dăp hao rlau bôk gâp; Khân păng tŭn gâp ta klơ gâp tâm ban ma du ntil anh jâk.

Nau Ngluh Êjipt 22:11

ăn bar đah sŏk hom amoh Brah Yêhôva gay ton jêh ri mpơl gĭt lah nơm chiăp mpô mpa mâu sŏk ôh drăp ndơ nơm chiau meng păng. Ăn nơm tơm mpô mpa dơn nau ton nây, jêh ri nơm chiăp mâu ntrok ôh.

Nau Hôr 29:24

Mbu nơm tâm rnglăp ndrel bunuyh ntŭng jêng rlăng đah huêng păng nơm; Păng tăng nau rak rtăp ƀiălah mâu mpơl ôh du ntil nau.

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Êsêkiêl 18:4

Aơ, lĕ rngôch huêng jêng ndơ Gâp; huêng mbơ̆ tâm ban ma huêng kon jêng ndơ Gâp da dê; moh huêng ƀư tih mra khĭt.

Kan Lêvi 17:16

Bi ma mbu nơm mâu pih ôh kho ao mâu lah mâu ŭm ôh, păng mra tuy nau tih păng.’ ”

Kan Lêvi 19:8

Bunuyh nây mra anh nau tih păng nơm, yorlah păng hŏ ƀư mhĭk tât ta ndơ kloh ueh Brah Yêhôva jêh ri mprơh lơi păng luh bơh phung ƀon lan.

Kan Lêvi 20:17

Tơlah du huê bu klâu sŏk ruh mâu lah oh păng nơm, mâu lah du mbơ̆, mê̆ êng êng, mâu lah du mê̆, mbơ̆ êng êng, nây jêng du nau dŭt bêk prêng, bu mra ngluh lơi khân păng luh bơh phung ƀon lan. Nơm hŏ ƀư bêk jêh oh ruh păng, nơm nây mra tuy nau djơh păng.

Kan Lêvi 4:2

“May ngơi hom ma phung ƀon lan Israel pô aơ: Tơlah geh du huê bunuyh mâu mĭn ƀư tih tâm du ntil lĕ nau vay Brah Yêhôva ntăm jêh ri ƀư nau mâu dơi vay ƀư ôh:

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Kan Lêvi 5:17

Tơlah du huê lăn ƀư tih ta du nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh, jêh ri păng mra tuy nau rmal.

Kan Lêvi 7:18

Tơlah mbu nơm sa puăch ndơ ƀư brah đăp mpăn tâm nar tal pe, ndơ ƀư brah bơh nơm nây nhhơr mra mâu dơn jêh ri ndơ hŏ nhhơr ƀư brah nây bu mâu kơp ôh. Nĕ jêng du ntil nau ƀơ̆ ƀơch, mbu nơm sa puăch nây mra tuy nau tâm rmal.

Nau Kơp Bunuyh 9:13

Ƀiălah nơm jêng kloh jêh ri mâu nsong ôh ntŭk ngai, ƀiălah mâu kah gĭt prăp ôh Rƀŭn Nau Găn, bu mra nsot lơi nơm nây luh bơh phung ƀon lan păng nơm, yorlah păng mâu mâp nhhơr ôh ndơ ƀư brah ma Brah Yêhôva ta nar tâm nal jêh. Nơm nây mra anh nau tih păng.

Mathay 26:63

Ƀiălah Brah Yêsu ăt gŭ rklăk. Kôranh ƀư brah toyh lơn lah ma păng: “Gâp đă may tâm amoh Brah Ndu gŭ rêh mro mrăng ma nau sơm ton jêh ri lah ma hên gĭt, di lĕ may jêng Brah Krist, Kon Brah Ndu?”

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

Phung Kôranh Phat Dôih 17:2

Păng lah ma mê̆ păng: “Yorlah du rbăn du rhiăng glo prăk bu sŏk tă bơh ay jêh ri yor ndơ nây ay ngơi jêh nau rak rtăp, jêh ri tôr gâp hŏ tăng jêh. Aơ, prăk nây gŭ ndrel ma gâp, gâp yơh sŏk păng.” Mê̆ păng lah: “Dăn ma Brah Yêhôva ăn nau ueh lăng ma kon!”