Kan Lêvi 4:6 - Nau Brah Ndu Ngơi 2023

⁶ mbŭk nglau ti păng tâm mham jêh ri nsrih pơh tơ̆ tanăp Brah Yêhôva, tanăp blah bok Ngih Brah Kloh Ueh.

Kan Lêvi 4:6 ပူးပေါင်းရင်းမြစ်များ

Nau Ngluh Êjipt 40:21

jêh nây njŭn Hip Nau Tâm Rnglăp lăp tâm Ngih Bok jêh ri ntă bok nkŭm ndâp. Hip Nau Tâm Rnglăp tĭng nâm nau Brah Yêhôva hŏ ntĭnh jêh ma Y-Môis.

Nau Ngluh Êjipt 40:26

Păng dơm đŏng nơng ƀư brah ma mah tanăp blah bok tâm Ngih Bok Nau Tâm Rƀŭn

Kan Lêvi 14:16

mbŭk nglau ti ma păng tâm dak ngi ăn tâm ti chiau păng jêh ri nsrih pơh tơ̆ tanăp Brah Yêhôva.

Kan Lêvi 14:18

Bi dak ngi hôm e tâm mpang ti, kôranh ƀư brah mra mhĭng ta bôk nơm dơi ƀư kloh. Kôranh ƀư brah mra ƀư nau rƀŭn chuai nau tih ăn ma nơm nĕ tanăp Brah Yêhôva.

Kan Lêvi 14:27

mbŭk nglau ti ma tâm dak ngi hŏ nkhŭt jêh tâm mpang ti chiau jêh ri nsrih pơh tơ̆ tanăp Brah Yêhôva

Kan Lêvi 14:7

Kôranh ƀư brah mra nsrih mham nây pơh tơ̆ ta klơ nơm dơi ƀư kloh jêh ri mbơh nơm geh ji phŭng jêng kloh, jêh ri mƀơk sĭm hôm rêh luh tâm mir.

Kan Lêvi 16:14

Y-Arôn sŏk djê̆ mham ndrôk nây, jêh ri sŏk nglau ti mbrih pơh tơ̆ mpeh luh nar ma ndrŭp nau yô̆ an, ntĭt jêng panăp ndrŭp nau yô̆ an.

Kan Lêvi 16:19

jêh ri sŏk nglau ti nsrih mham pơh tơ̆ ta klơ nơng ƀư brah gay ƀư kloh jêh ri ƀư kloh ueh nơng ƀư brah tă bơh lĕ nau mâu kloh phung ƀon lan Israel.”

Kan Lêvi 25:8

‘Ăn khân may kơp pơh pơh năm, nâm bu ntĭt pơh tơ̆ pơh năm yơh; mông nar tâm pơh năm nây mra jêng puăn jât ma sĭn năm.

Kan Lêvi 26:18

Tơlah tât kơt nây, ƀiălah khân may ăt mâu iăt đŏng nau Gâp, Gâp mra tâm rmal khân may pơh tơ̆ âk lơn yor nau tih khân may,

Kan Lêvi 26:24

Gâp mra tâm rdâng đŏng đah khân may, Gâp nơm yơh mra nkhŭt nau tât ji tưp ma khân may pơh tơ̆ âk lơn yor nau tih khân may.

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Kan Lêvi 4:17

mbŭk nglau ti tâm mham jêh ri nsrih pơh tơ̆ tanăp Brah Yêhôva, tanăp blah bok.

Kan Lêvi 4:25

Kôranh ƀư brah mra dŏng nglau ti păng sŏk djê̆ mham tă bơh mpa ƀư brah chuai nau tih jêh ri mhĭng ta lĕ nke nơng ƀư brah nhhơr ndơ ƀư brah gŭch, jêh nây nkhŭt mham hôm e tâm dâng jâng nơng ƀư brah.

Kan Lêvi 4:30

Kôranh ƀư brah mra dŏng nglau ti sŏk djê̆ mham jêh ri mhĭng ta klơ lĕ nke nơng ƀư brah nhhơr ndơ ƀư brah gŭch jêh nây nkhŭt lĕ mham hôm e tâm dâng jâng nơng ƀư brah.

Kan Lêvi 4:34

Kôranh ƀư brah mra dŏng nglau ti sŏk djê̆ mham jêh ri mhĭng ta klơ ăp nke nơng ƀư brah nhhơr ndơ ƀư brah gŭch, jêh nây nkhŭt lơi lĕ mham hôm e tâm dâng jâng nơng ƀư brah.

Kan Lêvi 8:11

Păng sâm mbrih đŏng dak ngi nây pơh tơ̆ ta klơ nơng ƀư brah jêh ri mhĭng dak ngi ta nơng ƀư brah jêh ri lĕ ndơ dŏng tâm nơng ƀư brah, thŭng dak nđâp jâng păng, gay prăp êng ăn kloh ueh.

Kan Lêvi 8:15

Y-Môis nkhĭt păng, jêh nây dŏng nglau ti sŏk mham mhĭng ta lĕ nke jŭm nơng ƀư brah, ƀư kloh nơng ƀư brah, jêh ri nkhŭt mham hôm e tâm dâng jâng nơng ƀư brah. Kơt nĕ, Y-Môis hŏ prăp êng nơng ƀư brah ăn kloh ueh gay ƀư nau rƀŭn chuai nau tih ta nây.

Kan Lêvi 9:9

Phung kon bu klâu Y-Arôn djôt mham mpa ƀư brah tât ta păng; păng mbŭk nglau ti păng tâm mham, mhĭng ta lĕ nke nơng ƀư brah, jêh nây nkhŭt mham tâm dâng jâng nơng ƀư brah.

Nau Kơp Bunuyh 19:4

Kôranh ƀư brah Y-Êlêasar mra sŏk nglau ti mbŭk mham ndrôk nsrih pơh tơ̆ mham nây panăp Ngih Bok Nau Tâm Rƀŭn.

Yôsuê 6:4

Pơh nuyh kôranh ƀư brah mra djôt pơh mlâm nŭng ma nke hăn lor Hip Nau Tâm Rnglăp. Ƀiălah tât nar tal pơh, ăn khân may hăn ndăch văr jŭm ƀon pơh tơ̆, jêh ri kôranh ƀư brah mra uh nŭng.

Yôsuê 6:8

Lah Y-Yôsuê ntăm jêh ma phung ƀon lan, pơh phung kôranh ƀư brah djôt pơh mlâm nŭng ma nke gŭ panăp Brah Yêhôva, nkre ma chuat nkre ma uh nŭng, bi ma Hip Nau Tâm Rnglăp Brah Yêhôva tĭng groi pakơi khân păng.