Kan Lêvi 4:4 - Nau Brah Ndu Ngơi 2023

⁴ Nơm nây mra têk ndrôk nây tât ta bôk mpông Ngih Bok Nau Tâm Rƀŭn tanăp Brah Yêhôva, pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 4:4 ပူးပေါင်းရင်းမြစ်များ

II Nau Rêh Jêng 29:23

Jêh nây, khân păng têk leo be nkuăng dŏng ƀư ndơ ƀư brah chuai nau tih tât tanăp măt hađăch jêh ri phung tâm rƀŭn, jêh ri khân păng pah ti khân păng ta klơ be nây.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Kan Lêvi 16:21

Y-Arôn lĕ bar ti păng pah ta klơ bôk be nkuăng hôm rêh nây, jêh ri mbơh lĕ rngôch nau djơh mhĭk phung ƀon lan Israel, jêh ri lĕ rngôch nau ƀư tih jêh ri nau tih khân păng, jêh ri dơm lĕ rngôch nau tih nây ta bôk be, jêh nây jao păng ma du huê bunuyh bu hŏ jao kan gay têk njŭn păng leo tâm bri rdah jêh ri mƀơk păng luh.

Kan Lêvi 4:15

Phung bu ranh tâm phung Israel mra pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 4:29

Păng mra pah ti ta klơ bôk mpa ƀư brah chuai nau tih jêh nây nkhĭt mpa nây tâm ntŭk bu vay nkhĭt lĕ mpa ƀư ndơ ƀư brah gŭch.

Kan Lêvi 8:14

Păng đă têk đŏng ndrôk gay ƀư ndơ ƀư brah chuai nau tih. Y-Arôn jêh ri phung kon bu klâu păng pah ti ta klơ bôk ndrôk.

Nau Kơp Bunuyh 8:12

Phung Lêvi mra pah ti ta klơ bôk lĕ bar mlâm ndrôk nkuăng jêh ri may nhhơr hom du mlâm jêng ndơ ƀư brah chuai nau tih, du mlâm êng dŏng ma ndơ ƀư brah gŭch ma Brah Yêhôva, gay chuai nau ƀư kloh nau tih ma phung Lêvi.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;