Kan Lêvi 4:34 - Nau Brah Ndu Ngơi 2023

³⁴ Kôranh ƀư brah mra dŏng nglau ti sŏk djê̆ mham jêh ri mhĭng ta klơ ăp nke nơng ƀư brah nhhơr ndơ ƀư brah gŭch, jêh nây nkhŭt lơi lĕ mham hôm e tâm dâng jâng nơng ƀư brah.

Kan Lêvi 4:34 ပူးပေါင်းရင်းမြစ်များ

Êsai 42:21

Brah Yêhôva maak yor nau sŏng srăng Păng, Ƀư ăn bu yơk jêh ri ƀư chrêk rmah nau vay Păng.

Kan Lêvi 4:18

Kôranh ƀư brah toyh lơn mra mhĭng mham ta klơ lĕ nke nơng ƀư brah tâm Ngih Bok Nau Tâm Rƀŭn tanăp Brah Yêhôva, jêh ri nkhŭt mham hôm e tâm dâng jâng nơng ƀư brah nhhơr ndơ ƀư brah gŭch n'gân tanăp mpông Ngih Bok Nau Tâm Rƀŭn.

Kan Lêvi 4:25

Kôranh ƀư brah mra dŏng nglau ti păng sŏk djê̆ mham tă bơh mpa ƀư brah chuai nau tih jêh ri mhĭng ta lĕ nke nơng ƀư brah nhhơr ndơ ƀư brah gŭch, jêh nây nkhŭt mham hôm e tâm dâng jâng nơng ƀư brah.

Kan Lêvi 4:30

Kôranh ƀư brah mra dŏng nglau ti sŏk djê̆ mham jêh ri mhĭng ta klơ lĕ nke nơng ƀư brah nhhơr ndơ ƀư brah gŭch jêh nây nkhŭt lĕ mham hôm e tâm dâng jâng nơng ƀư brah.

Kan Lêvi 4:7

Kôranh ƀư brah mra mhĭng mham ndrôk ta lĕ nke Nơng ƀư brah gŭch ndơ ƀâu kah dơm tâm Ngih Bok Nau Tâm Rƀŭn, tanăp Brah Yêhôva, jêh nây nkhŭt lĕ rngôch mham hôm e tâm dâng jâng nơng ƀư brah nhhơr ndơ ƀư brah gŭch n'gân tanăp bôk mpông Ngih Bok Nau Tâm Rƀŭn.

Yôhan 17:19

Kon jao săk Kon ma khân păng, gay ma khân păng geh nau kloh ueh tâm nau ngăn.

Samƀŭt Pôl Njuăl Ăn Ma Phung Nsing Ta Ƀon Rôm 10:4

yorlah Brah Krist jêng nglĕ ma nau vay, gay lĕ rngôch bunuyh chroh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

ហេឞ្រើ 2:10

Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;