Kan Lêvi 4:29 - Nau Brah Ndu Ngơi 2023

²⁹ Păng mra pah ti ta klơ bôk mpa ƀư brah chuai nau tih jêh nây nkhĭt mpa nây tâm ntŭk bu vay nkhĭt lĕ mpa ƀư ndơ ƀư brah gŭch.

Kan Lêvi 4:29 ပူးပေါင်းရင်းမြစ်များ

II Phung Hađăch 12:16

Bi rnoh prăk ma ndơ ƀư brah chuai nau tih jêh ri ndơ ƀư brah chuai nau tih nây mâu dơi leo ôh lăp tâm ngih Brah Yêhôva; rnoh prăk nây jêng ndơ ma phung kôranh ƀư brah.

II Nau Rêh Jêng 29:23

Jêh nây, khân păng têk leo be nkuăng dŏng ƀư ndơ ƀư brah chuai nau tih tât tanăp măt hađăch jêh ri phung tâm rƀŭn, jêh ri khân păng pah ti khân păng ta klơ be nây.

Kan Lêvi 1:11

Nơm nhhơr ndơ nây, nkhĭt hom mpa nây ta mpeh pa lơ nơng ƀư brah, tra năp Brah Yêhôva, jêh nây phung kon sau Y-Arôn jêng phung kôranh ƀư brah mra nsrih mham jŭm nơng ƀư brah.

Kan Lêvi 1:4

Bunuyh nhhơr ndơ nhhơr mra dơm ti păng ta klơ bôk mpa ƀư ndơ ƀư brah gŭch jêh ri mpa nây mra dơi dơn nâm bu du mpa ƀư brah gay chuai nau tih ntang an ma bunuyh nây.

Kan Lêvi 1:5

Ndrôk nkuăng mra nkhĭt tanăp Brah Yêhôva, jêh nây phung kon sau Y-Arôn jêng phung kôranh ƀư brah sŏk mham păng nhhơr jêh ri djrah mham nây jŭm nơng ƀư brah ta mpông Ngih Bok Nau Tâm Rƀŭn.

Kan Lêvi 4:15

Phung bu ranh tâm phung Israel mra pah ti ta bôk ndrôk jêh nây nkhĭt păng tanăp Brah Yêhôva.

Kan Lêvi 4:24

Păng mra pah ti ta klơ bôk be nkuăng nây, jêh nây nkhĭt păng tanăp Brah Yêhôva, ta ntŭk vay nkhĭt ăp mpa ƀư ndơ ƀư brah gŭch. Nĕ jêng ndơ ƀư brah chuai nau tih.

Kan Lêvi 4:33

Păng mra pah ti ta klơ bôk mpa ƀư brah chuai nau tih jêh ri nkhĭt ăp mpa nây ƀư ndơ ƀư brah gŭch.

Kan Lêvi 4:4

Nơm nây mra têk ndrôk nây tât ta bôk mpông Ngih Bok Nau Tâm Rƀŭn tanăp Brah Yêhôva, pah ti ta bôk ndrôk jêh nây nkhĭt păng tanăp Brah Yêhôva.