Kan Lêvi 4:27 - Nau Brah Ndu Ngơi 2023

²⁷ Tơlah du huê tâm phung ƀon lan lăn ƀư tih jêh du ntil nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh.

Kan Lêvi 4:27 ပူးပေါင်းရင်းမြစ်များ

Nau Mprơ Ơm 19:13

Dăn Kôranh Brah mât oh mon Kôranh Brah bơh mĭn ŭch ƀư tih; Ăn nau tih nây lơi chiă uănh gâp Pôri gâp mâu mra dơi geh nau nduyh ôh, Jêh ri mâu ƀư tih toyh.

Nau Ngluh Êjipt 12:49

Nây jêng du nau vay nsum ăn ma bunuyh tơm bri nđâp ma bu năch gŭ njưh ta klang khân may.”

Êsêkiêl 45:17

Ƀiălah hađăch djôt prăp ndrăp nkra lĕ ndơ ƀư brah gŭch, ndơ ƀư brah rnih môi jêh ri ndơ nhhơr nhêt tâm lĕ nar tâm rƀŭn, nar luh khay mhe, nar saƀat ndrel ma lĕ rngôch nar rƀŭn tâm ngih Israel. Hađăch mra nhhơr ndơ ƀư brah chuai nau tih, ndơ ƀư brah rnih môi, ndơ ƀư brah gŭch jêh ri ndơ ƀư brah ma nau đăp mpăn gay chuai nau tih ăn ma ngih Israel.”

Êsêkiêl 45:20

Năng pơh tâm khay nây, ăt may ƀư tâm ban pônây ăn ma phung yor mâu gĭt rbăng mâu lah rluk ƀư tih. Nâm pônây, may mra ƀư brah chuai nau tih ăn ma ngih brah.

Kan Lêvi 4:13

Tơlah lĕ rngôch phung Israel tâm rƀŭn lăn ƀư tih jêh du ntil nau tâm lĕ nau vay Brah Yêhôva ntăm, ƀư nau mâu dơi vay ƀư, yor ri lĕ tih jêh, nđâp lah khân păng mâu saơ nau nây.

Kan Lêvi 4:2

“May ngơi hom ma phung ƀon lan Israel pô aơ: Tơlah geh du huê bunuyh mâu mĭn ƀư tih tâm du ntil lĕ nau vay Brah Yêhôva ntăm jêh ri ƀư nau mâu dơi vay ƀư ôh:

Kan Lêvi 4:22

Dôl geh du huê kôranh chiă uănh lăn ƀư tih jêh tâm du ntil nau tâm lĕ nau vay Brah Yêhôva ntăm, jêng Brah Ndu păng nơm, ƀư nau mâu dơi vay ƀư ôh, yor ri lĕ tih jêh.

Kan Lêvi 5:17

Tơlah du huê lăn ƀư tih ta du nau tâm lĕ nau vay Brah Yêhôva ntăm, ƀư nau mâu dơi vay ƀư ôh, yor ri lĕ tih jêh, jêh ri păng mra tuy nau rmal.

Kan Lêvi 9:15

Jêh nây, păng djôt ndơ ƀư brah bơh phung ƀon lan nhhơr. Păng nhŭp be nkuăng gay ƀư ndơ ƀư brah chuai nau tih phung ƀon lan, nkhĭt păng jêh ri nhhơr ndơ ƀư brah chuai nau tih nâm bu ndơ ƀư brah chuai nau tih hŏ ƀư êlor.

Nau Kơp Bunuyh 15:16

Mra geh du nau vay jêh ri du nau vay nal du ai tâm ban ma khân may jêh ri ma nơm gŭ njưh ƀât lât tâm nklang khân may.’”

Nau Kơp Bunuyh 15:22

“‘Nôk khân may lăn ƀư tih, mâu ƀư tĭng ndô̆ ôh lĕ rngôch nau vay Brah Yêhôva ntăm hŏ ngơi jêh ma Y-Môis,

Nau Kơp Bunuyh 15:27

Ƀiălah tơlah knŏng du huê bunuyh lĕ lăn ƀư tih ma nau mâu mra ŭch ôh, ăn păng nhhơr du mlâm be me geh du năm jêng ndơ ƀư brah chuai nau tih.

Nau Kơp Bunuyh 15:29

Knŏng geh du nau vay nsum dŏng ma ăp mbu nơm ƀư tih mâu ŭch ƀư, nđâp lah phung ƀon lan Israel mâu lah bunuyh bu năch gŭ njưh ƀât lât ta nklang khân păng.

Nau Kơp Bunuyh 5:6

“Lah hom ma phung ƀon lan Israel: ‘Tơlah du huê bu klâu mâu lah bu ur ƀư nau mhĭk ma bunuyh êng, jêng ƀư tih mâu răp jăp ôh đah Brah Yêhôva, bunuyh nây jêng tih jêh.