Kan Lêvi 4:24 - Nau Brah Ndu Ngơi 2023

²⁴ Păng mra pah ti ta klơ bôk be nkuăng nây, jêh nây nkhĭt păng tanăp Brah Yêhôva, ta ntŭk vay nkhĭt ăp mpa ƀư ndơ ƀư brah gŭch. Nĕ jêng ndơ ƀư brah chuai nau tih.

Kan Lêvi 4:24 ပူးပေါင်းရင်းမြစ်များ

II Phung Hađăch 12:16

Bi rnoh prăk ma ndơ ƀư brah chuai nau tih jêh ri ndơ ƀư brah chuai nau tih nây mâu dơi leo ôh lăp tâm ngih Brah Yêhôva; rnoh prăk nây jêng ndơ ma phung kôranh ƀư brah.

II Nau Rêh Jêng 29:23

Jêh nây, khân păng têk leo be nkuăng dŏng ƀư ndơ ƀư brah chuai nau tih tât tanăp măt hađăch jêh ri phung tâm rƀŭn, jêh ri khân păng pah ti khân păng ta klơ be nây.

Nau Ngluh Êjipt 29:38

“Aơ jêng ndơ ăn may nhhơr ƀaƀơ ta klơ nơng ƀư brah: ăp nar may nhhơr bar mlâm biăp kon du năm:

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Kan Lêvi 1:11

Nơm nhhơr ndơ nây, nkhĭt hom mpa nây ta mpeh pa lơ nơng ƀư brah, tra năp Brah Yêhôva, jêh nây phung kon sau Y-Arôn jêng phung kôranh ƀư brah mra nsrih mham jŭm nơng ƀư brah.

Kan Lêvi 1:4

Bunuyh nhhơr ndơ nhhơr mra dơm ti păng ta klơ bôk mpa ƀư ndơ ƀư brah gŭch jêh ri mpa nây mra dơi dơn nâm bu du mpa ƀư brah gay chuai nau tih ntang an ma bunuyh nây.

Kan Lêvi 1:5

Ndrôk nkuăng mra nkhĭt tanăp Brah Yêhôva, jêh nây phung kon sau Y-Arôn jêng phung kôranh ƀư brah sŏk mham păng nhhơr jêh ri djrah mham nây jŭm nơng ƀư brah ta mpông Ngih Bok Nau Tâm Rƀŭn.

Kan Lêvi 14:13

Jêh nây kôranh ƀư brah nkhĭt biăp nây tâm ntŭk bu vay nkhĭt mpa ƀư brah chuai nau tih jêh ri ndơ ƀư brah gŭch, tâm ntŭk kloh ueh; yorlah ndơ ƀư brah chuai nau ƀư tih ăt prăp ma kôranh ƀư brah nâm ndơ ƀư brah chuai nau tih, nĕ jêng ndơ dŭt kloh ueh.

Kan Lêvi 16:15

Jêh nây, Y-Arôn nkhĭt be nkuăng dŏng ƀư ndơ ƀư brah chuai nau tih ma phung ƀon lan, jêh nây djôt mham lăp tâm trôm blah bok, jêh ri sŏk đŏng mham păng mbrih ta mpeh luh nar ta ndrŭp nau yô̆ an, ntĭt jêng panăp ndrŭp nau yô̆ an, nâm bu lĕ dŏng jêh mham ndrôk.

Kan Lêvi 3:13

pah ti păng nơm ta klơ bôk mlâm be jêh nây nkhĭt păng tanăp Ngih Bok Nau Tâm Rƀŭn. Phung kon sau Y-Arôn mra nsrih mham mpa nây jŭm nơng ƀư brah.

Kan Lêvi 3:2

Bunuyh nây mra pah ti ta bôk mpa ƀư brah jêh nây nkhĭt păng ta bôk mpông Ngih Bok Nau Tâm Rƀŭn. Phung kon sau Y-Arôn, jêng phung kôranh ƀư brah, mra nsrih mham jŭm nơng ƀư brah.

Kan Lêvi 3:8

pah ti păng ta klơ bôk biăp jêh nây nkhĭt păng tanăp bôk mpông Ngih Bok Nau Tâm Rƀŭn. Phung kon sau Y-Arôn mra nsrih mham mpa nây jŭm nơng ƀư brah.

Kan Lêvi 6:18

Lĕ rngôch bu klâu tâm noi deh Y-Arôn dơi sa ndơ nây. Nĕ jêng nau vay n'ho ro ma lĕ rngôch rnôk phung kon, bơh lĕ ndơ ƀư brah ăn ŭnh sa nhhơr ma Brah Yêhôva. Mbu nơm pah ta lĕ ndơ ƀư brah nây mra jêng nau mhĭk yorlah ndơ ƀư brah nây jêng ndơ kloh ueh.

Kan Lêvi 6:22

Tâm phung kon bu klâu Y-Arôn, mbu nơm kôranh ƀư brah dơn nau bu tŏ dak ngi gay ma tâm thoi kan kôranh ƀư brah toyh, nhhơr da dê ndơ ƀư brah nây ma Brah Yêhôva. Nĕ jêng du nau vay n'ho ro. Ndơ ƀư brah rnih môi ăn ŭnh sa lĕ rngôch.

Kan Lêvi 6:25

“Ăn may ntăm hom nau vay ndơ ƀư brah chuai nau tih ma Y-Arôn jêh ri phung kon sau păng ta nâm pô aơ: Mpa ƀư brah ma nau rƀŭn chuai nau tih mra nkhĭt tanăp Brah Yêhôva, mpeh pa lơ ta nơng ƀư brah, ta ntŭk vay nkhĭt lĕ mpa ƀư ndơ ƀư brah gŭch. Nĕ jêng mpa ƀư brah dŭt kloh ueh.

Kan Lêvi 7:2

Nkhĭt hom mpa ƀư brah nau chuai nau ƀư tih ta ntŭk nkhĭt mpa ƀư ndơ ƀư brah gŭch, jêh ri nsrih mham păng jŭm nơng ƀư brah.