Kan Lêvi 4:21 - Nau Brah Ndu Ngơi 2023

²¹ Jêh nây, ăn păng njŭn ndrôk luh padih rmlak tahan jêh ri su păng tâm ban ma păng hŏ su jêh ndrôk tal lor. Nĕ jêng ndơ ƀư brah chuai nau tih ăn ma phung tâm rƀŭn.

Kan Lêvi 4:21 ပူးပေါင်းရင်းမြစ်များ

Êsra 8:35

Phung bunuyh tă bu veng ƀư bu nă lĕ sĭt jêh, nhhơr ndơ ƀư brah gŭch ma Yêhôva Brah Ndu phung Israel geh jât ma bar mlâm ndrôk nkuăng yor lĕ rngôch phung Israel, sĭn jât ma prao mlâm biăp nkuăng; pơh jât ma pơh biăp kon, jêh ri jât ma bar mlâm be nkuăng gay ƀư ndơ ƀư brah chuai nau tih: Lĕ rngôch nhhơr da dê ƀư ndơ ƀư brah gŭch ma Brah Yêhôva.

Nau Ngluh Êjipt 29:14

Ƀiălah puăch, ntâu, jêh ri ek ndrôk nkuăng nây gŭch padih rmlak tahan. Nây jêng du nau ƀư brah chuai nau tih.

Êsêkiêl 45:22

Tâm nar nây, hađăch mra yor păng nơm jêh ri yor lĕ rngôch phung ƀon lan tâm n'gor ndrăp du mlâm ndrôk nkuăng ndăm jêng ndơ ƀư brah chuai nau tih.

Kan Lêvi 16:15

Jêh nây, Y-Arôn nkhĭt be nkuăng dŏng ƀư ndơ ƀư brah chuai nau tih ma phung ƀon lan, jêh nây djôt mham lăp tâm trôm blah bok, jêh ri sŏk đŏng mham păng mbrih ta mpeh luh nar ta ndrŭp nau yô̆ an, ntĭt jêng panăp ndrŭp nau yô̆ an, nâm bu lĕ dŏng jêh mham ndrôk.

Kan Lêvi 16:21

Y-Arôn lĕ bar ti păng pah ta klơ bôk be nkuăng hôm rêh nây, jêh ri mbơh lĕ rngôch nau djơh mhĭk phung ƀon lan Israel, jêh ri lĕ rngôch nau ƀư tih jêh ri nau tih khân păng, jêh ri dơm lĕ rngôch nau tih nây ta bôk be, jêh nây jao păng ma du huê bunuyh bu hŏ jao kan gay têk njŭn păng leo tâm bri rdah jêh ri mƀơk păng luh.

Kan Lêvi 16:27

Ndrôk nkuăng rah jêh ri be nkuăng hŏ nhhơr jêng ndơ ƀư brah chuai nau tih, jêh ri mham mpa nây bu hŏ djôt jêh lăp tâm Ntŭk Dŭt Kloh Ueh gay ƀư nau rƀŭn chuai nau tih, ăn bu djôt lơi padih ngih bok; ntâu, puăch jêh ri ek tă bơh bar ntil mpa nây su lơi tâm ŭnh.

Kan Lêvi 4:13

Tơlah lĕ rngôch phung Israel tâm rƀŭn lăn ƀư tih jêh du ntil nau tâm lĕ nau vay Brah Yêhôva ntăm, ƀư nau mâu dơi vay ƀư, yor ri lĕ tih jêh, nđâp lah khân păng mâu saơ nau nây.

Kan Lêvi 4:20

Ăn kôranh ƀư brah toyh lơn nhhơr ndrôk nây tâm ban ma nau bu nhhơr ndrôk tâm nau rƀŭn chuai nau tih. Tâm ban pônây, kôranh ƀư brah mra chuai nau tih ăn ma phung tâm rƀŭn jêh ri nau tih khân păng mra dơi yô̆ an.

Kan Lêvi 6:11

Jêh nây kôranh ƀư brah mra doh lơi kho ao păng jêh ri nsoh kho ao êng, djôt buh nĕ tât du ntŭk kloh ta padih ngih bok.

Kan Lêvi 6:23

Ăp ndơ ƀư brah rnih môi bơh kôranh ƀư brah bu mra gŭch lĕ rngôch, mâu dơi ôh sa.”

Kan Lêvi 8:17

Bi ma ndrôk, ntâu, puăch jêh ri ek, ăn Y-Môis djôt gŭch padih rmlak tahan, tĭng nâm Brah Yêhôva hŏ ntăm jêh ma păng.

Nau Kơp Bunuyh 15:24

tơlah phung tâm rƀŭn lăn ƀư tih jêh ƀiălah mâu gĭt ôh, lĕ phung tâm rƀŭn mra nhhơr du mlâm ndrôk nkuăng rah dŏng ma ndơ ƀư brah gŭch geh n'hôl ƀâu kah nhhơr ma Brah Yêhôva, ndrel ma ndơ ƀư brah rnih môi jêh ri ndơ nhhơr nhêt jêh ri du mlâm be nkuăng jêng ndơ ƀư brah chuai nau tih.

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

ហេឞ្រើ 13:11

Yor mham mpô mpa kôranh ƀư brah toyh lơn djôt leo ta Ntŭk Dŭt Kloh Ueh gay ƀư ndơ nhhơr chuai nau tih, bi săk jăn mpô mpa bu gŭch padih pôih tahan.