Kan Lêvi 3:5 - Nau Brah Ndu Ngơi 2023

⁵ Phung kon sau Y-Arôn mra gŭch lĕ ndơ nây ta nơng ƀư brah ndrel ma ndơ ƀư brah gŭch hŏ n'gân ta klơ long dôl hit ŭnh. Nĕ jêng du ntil ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 3:5 ပူးပေါင်းရင်းမြစ်များ

I Phung Hađăch 8:64

Tâm nar nây, hađăch prăp êng ma nau kloh ueh ntŭk ta nklang ndring panăp ngih Brah Yêhôva, gay ƀư ntŭk nhhơr lĕ ndơ ƀư brah gŭch, ndơ ƀư brah rnih môi, jêh ri ngi bơh ndơ ƀư brah ma nau đăp mpăn, yorlah nơng ƀư brah ma kông ăn tanăp măt Brah Yêhôva jê̆ ir, mâu dơi tŏng ntŭk gay n'gân lĕ ndơ ƀư brah gŭch, ndơ ƀư brah rnih môi jêh ri ngi bơh ndơ ƀư brah ma nau đăp mpăn.

II Nau Rêh Jêng 35:14

Jêh nau nây, khân păng ndrăp nkra ma khân păng nơm jêh ri ma phung kôranh ƀư brah, yorlah lĕ rngôch phung kôranh ƀư brah, jêng kon sau Y-Arôn, gŭ pah kan nhhơr ndơ ƀư brah gŭch da dê jêh ri ngi kŏ tât măng. Yor nây, phung Lêvi ndrăp ma khân păng nơm jêh ri ma phung kôranh ƀư brah, jêng kon sau Y-Arôn.

Nau Ngluh Êjipt 29:13

Ăn may sŏk lĕ rngôch ndâr ngi nkŭm proch klơm ta trôm ndŭl, lĕ ndâr ngi bơh klơm, bar ơ̆ leh jêh ri ngi klơ nây, gŭch ta klơ nơng ƀư brah.

Êsêkiêl 44:15

“Bi phung kôranh ƀư brah noi deh Lêvi, phung kon sau Y-Sadôk, hôm e mât mray ntŭk kloh ueh Gâp tơlah phung ƀon lan Israel vĭ nhhơt du ngai đah Gâp. Lĕ rngôch phung nây mra văch dăch Gâp gay pah kan ma Gâp. Khân păng mra dâk tanăp Gâp gay nhhơr ngi jêh ri mham, Kôranh Brah Yêhôva lah pônây.

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:17

jêh nây bu mra nkhêk bar năr sĭm nây, ƀiălah mâu nkhêk tăch ôh. Kôranh ƀư brah mra gŭch păng ta klơ nơng ƀư brah ta ntŭk ŭnh dôl hit. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.’”

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 3:11

Kôranh ƀư brah mra gŭch lĕ ndơ nây ta klơ nơng ƀư brah nâm bu jêng ndơ sông sa ăn ŭnh sa nhhơr ma Brah Yêhôva.

Kan Lêvi 3:4

bar mlâm leh, ngi ta bar mlâm leh dăch bŭt jêh ri ndơ dŭt kah ta klơm, păng mra hoal ndơ nây ndrel ma bar mlâm leh.

Kan Lêvi 4:31

Păng ăt hoal lĕ rngôch ngi tâm ban ma nau bu ƀư tâm ndơ ƀư brah đăp mpăn, jêh nây djôt gŭch ta klơ nơng ƀư brah, ƀư ma ndơ ƀư brah geh n'hôl ƀâu kah ƀư maak nuih n'hâm ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.

Kan Lêvi 4:35

Păng ăt hoal lĕ rngôch ngi tâm ban ma nau bu ƀư ma biăp kon nhhơr tâm ndơ ƀư brah đăp mpăn jêh nây djôt gŭch mpa nây ta klơ nơng ƀư brah, nđâp ma lĕ ndơ ƀư brah ăn ŭnh sa nhhơr ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.”

Kan Lêvi 6:12

Ŭnh ta klơ nơng ƀư brah ăn hit ƀaƀơ, mâu ăn rngơt ôh. Ăp ôi, kôranh ƀư brah mra ntop long, dơm ndơ ƀư brah gŭch ta klơ jêh ri gŭch ngi ndơ ƀư brah đăp mpăn ta klơ nơng ƀư brah.

Kan Lêvi 7:28

Brah Yêhôva hôm ntĭnh đŏng ma Y-Môis:

Kan Lêvi 9:17

Jêh nây păng nhhơr ndơ ƀư brah rnih môi. Păng kuak bêng du mbăt ndơ ƀư brah rnih môi jêh ri su păng ta klơ nơng ƀư brah, ndrel ndơ ƀư brah gŭch kêng ôi.

Nau Kơp Bunuyh 15:8

Nôk nhhơr du mlâm ndrôk kon ma ndơ ƀư brah gŭch, mâu lah jêng ndơ ƀư brah ƀư nanê̆ nau ton, mâu lah jêng ndơ ƀư brah ma nau đăp mpăn ma Brah Yêhôva

Nau Kơp Bunuyh 18:17

Ƀiălah may mâu mra tâm chuai tay ôh kon bôk rah bơh ndrôk me mâu lah bơh biăp me mâu lah be me; khân păng jêng lĕ ndơ kloh ueh. May mra nsrih mham khân păng ta klơ nơng ƀư brah jêh ri gŭch ngi khân păng jêng ndơ ƀư brah ăn ŭnh sa nhhơr geh n'hôl ƀâu kah ƀư maak nuih n'hâm ma Brah Yêhôva.

Nau Kơp Bunuyh 28:12

nhhơr ndrel ma pe kilô rnih môi pach đah dak ngi dŏng ma ndơ ƀư brah rnih môi ma ăp mlâm ndrôk nkuăng, bar kilô rnih môi pach đah dak ngi dŏng ma ndơ ƀư brah rnih môi ma du mlâm biăp nkuăng;

Nau Kơp Bunuyh 28:3

Pôri may lah hom ma phung ƀon lan Israel pô aơ: ‘Aơ jêng ndơ ƀư brah ăn ŭnh sa khân may mra nhhơr ma Brah Yêhôva: Ăp nar bar mlâm biăp kon nkuăng du năm deh, mâu geh ntŭk mhĭk ôh, jêng ndơ ƀư brah gŭch mro mrăng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.