Kan Lêvi 3:17 - Nau Brah Ndu Ngơi 2023

¹⁷ Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Kan Lêvi 3:17 ပူးပေါင်းရင်းမြစ်များ

Nau Ntơm 9:4

Ƀiălah khân may mâu dơi sa ôh puăch hôm e mham, jêng hôm nau rêh.

II Nau Rêh Jêng 29:35

Rlau ma rnoh ndơ ƀư brah gŭch âk ngăn, bi ngi ndơ ƀư brah ma nau đăp mpăn, jêh ri geh ndơ nhhơr nhêt ndrel ma mpa nhhơr gŭch. Pôri, nau yơk mbah tâm ngih Brah Yêhôva bu hŏ ndâk njêng tay jêh.

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Nau Ngluh Êjipt 27:21

Tâm Ngih Bok Nau Tâm Rƀŭn mpeh padih bok panăp Hip Nau Tâm Rnglăp, Y-Arôn jêh ri phung kon bu klâu păng mra mât mray ŭnh kađen ăn ang mro tanăp Brah Yêhôva ntơm bôk măng tât ôi. Aơ mra jêng nau vay dăp n'ho ro ma lĕ rnôk rô̆ phung ƀon lan Israel.”

Nau Ngluh Êjipt 28:43

Y-Arôn jêh ri phung kon bu klâu păng mra nsoh kho nây ăp tơ̆ khân păng lăp tâm Ngih Bok Nau Tâm Rƀŭn mâu lah nôk khân păng văch dăch nơng ƀư brah gay pah kan tâm Ntŭk Kloh Ueh; lah mâu geh khân păng mra geh nau tih jêh ri khĭt. Nây jêng du nau vay n'ho ro ma Y-Arôn jêh ri ma phung kon sau păng.”

Êsêkiêl 33:25

Yor ri, lah hom ma khân păng pô aơ: ‘Kôranh Brah Yêhôva lah: Khân may sa mham mpô mpa, muh măt n'gơr rlet mpeh ma rup brah khân may jêh ri ƀư nkhŭt mham, khân may mra dơi sŏk dơn bri neh aơ lĕ?

Êsêkiêl 44:15

“Bi phung kôranh ƀư brah noi deh Lêvi, phung kon sau Y-Sadôk, hôm e mât mray ntŭk kloh ueh Gâp tơlah phung ƀon lan Israel vĭ nhhơt du ngai đah Gâp. Lĕ rngôch phung nây mra văch dăch Gâp gay pah kan ma Gâp. Khân păng mra dâk tanăp Gâp gay nhhơr ngi jêh ri mham, Kôranh Brah Yêhôva lah pônây.

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Kan Lêvi 10:15

Khân păng mra djôt nglik hŏ nhhơr jêh ri nting rpaih nse lĕ ƀư jêh nau vay ƀư ndơ̆ đah aơ ndơ̆ đah ri, ndrel ma lĕ kô̆ ngi bơh ndơ ƀư brah gŭch ăn ŭnh sa, nhhơr tĭng nâm nau vay ƀư ndơ̆ đah aơ ndơ̆ đah ri tanăp Brah Yêhôva. Nĕ jêng ndơ prăp ma nâu jêh ri phung kon nâu, tĭng nâm nau veh jêh jêng nau Brah Yêhôva hŏ ntăm jêh.”

Kan Lêvi 10:9

“May jêh ri ăp kon bu klâu may mâu dơi nhêt ndrănh krăk ƀâu mâu lah ndơ nhêt geh ndrui, nôk lăp tâm Ngih Bok Nau Tâm Rƀŭn, klach lah phung kon mra khĭt. Nĕ jêng du nau vay dăp n'ho ro ma lĕ rngôch rnôk ăp rô̆.

Kan Lêvi 16:29

Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 16:34

Aơ jêng nau vay dăp n'ho ro ma khân may: Du tơ̆ tâm ăp năm mra ƀư nau rƀŭn chuai nau tih ma phung ƀon lan Israel gay ƀư kloh lĕ rngôch nau tih khân păng.” Y-Arôn hŏ ƀư di nâm nau Brah Yêhôva ntăm jêh ma Y-Môis.

Kan Lêvi 17:7

Khân păng mâu dơi nhhơr ndơ ƀư brah ma phung brah mhĭk, jêng phung brah khân păng ƀư nau văng tĭr. Nây jêng nau vay dăp n'ho ro ma khân păng tâm lĕ rngôch rnôk.’

Kan Lêvi 19:26

Khân may mâu dơi sa puăch hôm mham. Mâu dơi ƀư nau n'hŭm pol mâu lah ƀư nau blau rƀên ôh.

Kan Lêvi 23:14

Khân may mâu dơi sa piăng let mâu lah găr ba vâr mâu lah nkong ba nse kŏ tât ta nar nĕ, nây jêng nar khân may nhhơr ndơ ƀư brah ma Brah Ndu khân may. Nây jêng nau vay dăp n'ho ro ma lĕ rngôch rnôk, tâm lam ntŭk khân may gŭ rêh.

Kan Lêvi 23:21

Tâm nar nây, ăn khân may kuăl rgum lĕ rngôch phung ƀon lan jêh ri geh nau tâm rƀŭn kloh ueh; mâu dơi ƀư du ntil kan vay ƀư tâm ăp nar. Nây jêng nau vay dăp n'ho ro ma lĕ rngôch rnôk khân may, tâm lam ntŭk khân may gŭ rêh.

Kan Lêvi 24:3

Y-Arôn mra n'gân kađen nây tâm Ngih Bok Nau Tâm Rƀŭn, padih bok nching nkŭm Hip Nau Tâm Rnglăp, gay mât mray ŭnh kađen hit ƀaƀơ, ntơm bơh mhaơ tât ôi tanăp Brah Yêhôva. Nây jêng nau vay dăp n'ho ro tâm lĕ rngôch rnôk khân may.

Kan Lêvi 24:9

Piăng let nĕ prăp ma Y-Arôn jêh ri ma phung kon bu klâu păng, khân păng mra sa păng tâm du ntŭk kloh ueh, yorlah păng jêng kô̆ dŭt kloh ueh prăp ma khân păng bơh lĕ ndơ ƀư brah ăn ŭnh sa nhhơr ma Brah Yêhôva. Nây jêng nau dăp n'ho ro tâm lĕ rngôch rnôk khân may.”

Kan Lêvi 3:16

Kôranh ƀư brah mra su lĕ ndơ nây ta klơ nơng ƀư brah nâm bu ndơ sông sa nhhơr ăn ŭnh sa geh n'hôl ƀâu kah. Lĕ rngôch ngi jêng ndơ Brah Yêhôva.

Kan Lêvi 4:1

Brah Yêhôva lah tay ma Y-Môis:

Kan Lêvi 6:15

Kôranh ƀư brah mra sŏk du mbăt rnih ƀlê, dak ngi jêh ri lĕ rngôch ndơ ƀâu kah bu dơm ta klơ ndơ ƀư brah rnih môi, jêh nây djôt su ta klơ nơng ƀư brah, nhhơr n'hôl ƀâu kah ma Brah Yêhôva, gay nkah ăn gĭt lĕ rngôch ndơ ƀư brah rnih môi jêng ndơ prăp ma Brah Yêhôva.

Kan Lêvi 6:18

Lĕ rngôch bu klâu tâm noi deh Y-Arôn dơi sa ndơ nây. Nĕ jêng nau vay n'ho ro ma lĕ rngôch rnôk phung kon, bơh lĕ ndơ ƀư brah ăn ŭnh sa nhhơr ma Brah Yêhôva. Mbu nơm pah ta lĕ ndơ ƀư brah nây mra jêng nau mhĭk yorlah ndơ ƀư brah nây jêng ndơ kloh ueh.

Kan Lêvi 6:22

Tâm phung kon bu klâu Y-Arôn, mbu nơm kôranh ƀư brah dơn nau bu tŏ dak ngi gay ma tâm thoi kan kôranh ƀư brah toyh, nhhơr da dê ndơ ƀư brah nây ma Brah Yêhôva. Nĕ jêng du nau vay n'ho ro. Ndơ ƀư brah rnih môi ăn ŭnh sa lĕ rngôch.

Kan Lêvi 7:23

“Ăn kon đă hom ma phung ƀon lan Israel: Mâu dơi sa ôh ngi, ngi ndrôk, ngi biăp mâu lah ngi be.

Kan Lêvi 7:34

Tă bơh mpa ƀư brah đăp mpăn, Gâp sŏk jêh ri ăn ma kôranh ƀư brah Y-Arôn jêh ri phung kon bu klâu păng nting rpaih nse hŏ ƀư jêh nau vay ƀư ndơ̆ đah aơ ndơ̆ đah ri jêh ri nglik jêng ndơ phung ƀon lan hŏ nhhơr ma Gâp, tĭng nâm nau vay n'ho ro tâm phung ƀon lan Israel djôt prăp.

Kan Lêvi 7:36

Nĕ jêng nau Brah Yêhôva ntăm jêh ma phung ƀon lan Israel ăn jao ma khân păng tâm nar bu tŏ dak ngi ta khân păng. Aơ jêng du nau vay n'ho ro tâm lĕ rngôch rnôk khân păng.”

Nau Kơp Bunuyh 19:21

Aơ mra jêng ma du nau vay dăp n'ho ro ma phung ƀon lan. Mbu nơm nsrih dak ma dak jut tho nau ƀơ̆ mra pih kho ao păng; mbu nơm pah dak jut tho nau ƀơ̆ mra jêng ƀơ̆ ƀơch tât kêng măng.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Mathay 26:28

Yorlah aơ jêng mham Gâp, mham nau tâm rnglăp nkhŭt jêh ăn ma âk bunuyh dơi yô̆ an nau tih.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Êphêsô 5:26

gay ƀư kloh ueh Phung Ngih Brah Ndu jêh dŏng dak jêh ri nau ngơi Păng ƀư kloh Phung Ngih Brah Ndu,

Nau Vay Nkah Tay 12:16

Ƀiălah khân may mâu dơi ôh sa mham; ăn khân may nkhŭt lơi mham ta neh nâm bu nkhŭt dak.

Nau Vay Nkah Tay 12:23

Ƀiălah mâu dơi ôh sa mham, yorlah mham jêng nau rêh, rĭ dĭng khân may mâu dơi sa puăch nđâp ma nau rêh.

Nau Vay Nkah Tay 12:24

Khân may mâu dơi ôh sa mham, nkhŭt hom ta neh nâm bu nkhŭt dak.

Nau Vay Nkah Tay 15:23

Ƀiălah khân may mâu dơi sa mham, nkhŭt lơi hom mham ta neh nâm bu nkhŭt dak.”

Nau Vay Nkah Tay 32:14

Sa dak toh ndrôk kŏt, dak toh ndrêh bơh biăp, Ndrel ma ngi biăp kon jêh ri biăp nkuăng Bơh phung ndrôk jêh ri be bơh n'gor Basan, Ndrel ma ba ƀlê ueh lơn. Khân may mra nhêt ndrănh krăk ƀâu mâu geh rlŭk chăng tâm ban ma mham.

I Timôthê 4:4

Yorlah lĕ rngôch ndô ndơ Brah Ndu njêng jêh jêng ueh da dê, mâu geh ndơ mƀăr lơi ôh, knŏng tơlah sŏk dơn ma nuih n'hâm gĭt lah ueh;