Kan Lêvi 3:13 - Nau Brah Ndu Ngơi 2023

¹³ pah ti păng nơm ta klơ bôk mlâm be jêh nây nkhĭt păng tanăp Ngih Bok Nau Tâm Rƀŭn. Phung kon sau Y-Arôn mra nsrih mham mpa nây jŭm nơng ƀư brah.

Kan Lêvi 3:13 ပူးပေါင်းရင်းမြစ်များ

Êsai 52:15

Đŏng kơt nây, May mra ƀư kloh phung ndŭl mpôl bunuyh; Phung hađăch mra mêm mbung yor May. Yorlah khân păng mra saơ nau bu mâu mâp nkoch bri ma khân păng ôh, Jêh ri mra gĭt rbăng nau khân păng mâu mâp tăng ôh.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Kan Lêvi 1:4

Bunuyh nhhơr ndơ nhhơr mra dơm ti păng ta klơ bôk mpa ƀư ndơ ƀư brah gŭch jêh ri mpa nây mra dơi dơn nâm bu du mpa ƀư brah gay chuai nau tih ntang an ma bunuyh nây.

Kan Lêvi 3:12

Tơlah ndơ nhhơr bơh nơm nây jêng du mlâm be me, nhhơr păng hom tanăp Brah Yêhôva,

Kan Lêvi 3:14

Jêh nây sŏk du kô̆ bơh ndơ ƀư brah ma nau đăp mpăn ƀư ndơ nhhơr ăn ŭnh sa nhhơr ma Brah Yêhôva. Nĕ jêng ndâr ngi nkŭm proch khŭng jêh ri ndâr ngi iang ta proch khŭng,

Kan Lêvi 3:8

pah ti păng ta klơ bôk biăp jêh nây nkhĭt păng tanăp bôk mpông Ngih Bok Nau Tâm Rƀŭn. Phung kon sau Y-Arôn mra nsrih mham mpa nây jŭm nơng ƀư brah.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

ហេឞ្រើ 12:24

dăch ma Brah Yêsu, Nơm Tâm Nklang ma nau tâm rnglăp mhe, nâm bu ntĭt dăch ma mham nkhŭt jêh, jêng mham ueh lơn ma mham Y-Abel.

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;