Kan Lêvi 3:11 - Nau Brah Ndu Ngơi 2023

¹¹ Kôranh ƀư brah mra gŭch lĕ ndơ nây ta klơ nơng ƀư brah nâm bu jêng ndơ sông sa ăn ŭnh sa nhhơr ma Brah Yêhôva.

Kan Lêvi 3:11 ပူးပေါင်းရင်းမြစ်များ

Nau Mprơ Ơm 22:14

Gâp bu nkhŭt lơi nâm bu dak, Jêh ri nting gâp lêt rgănh da dê; Play nuih gâp nâm bu mpêt Lêk tâm săk jăn gâp.

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Kan Lêvi 21:17

“Lah hom ma Y-Arôn: ‘Tâm lĕ rngôch rnôk, mâu ôh ăn du huê tâm phung kon sau may geh ntŭk kuet ji dơi hăn dăch gay ma nhhơr ndơ sông sa ma Brah Ndu păng nơm.

Kan Lêvi 21:6

Khân păng prăp êng ăn kloh ueh ma Brah Ndu jêh ri mâu dơi ngơi sưr ôh amoh Brah Ndu, yorlah khân păng jêng lĕ phung nhhơr ndơ ƀư brah ăn ŭnh sa ma Brah Yêhôva, jêng ndơ sông sa ma Brah Ndu khân păng; yor nây ăn khân păng jêng kloh ueh.

Kan Lêvi 21:8

Yor ri ăn khân may uănh kôranh ƀư brah nâm bu kloh ueh yorlah păng nhhơr ndơ sông sa ma Brah Ndu khân may. Khân păng jêng kloh ueh đah khân may, yorlah Gâp, Brah Yêhôva jêng kloh ueh, jêng Nơm ƀư kloh ueh khân may.

Kan Lêvi 22:25

Lĕ khân may mâu dơi dơn ôh du mpô mpa tâm ban pônây tă bơh du huê bu năch gay ƀư ndơ sông sa ma Brah Ndu. Lĕ mpa nây mâu mra dơi dơn ôh yor khân păng geh sôt jêh ri geh têl khap.’”

Kan Lêvi 3:16

Kôranh ƀư brah mra su lĕ ndơ nây ta klơ nơng ƀư brah nâm bu ndơ sông sa nhhơr ăn ŭnh sa geh n'hôl ƀâu kah. Lĕ rngôch ngi jêng ndơ Brah Yêhôva.

Kan Lêvi 3:5

Phung kon sau Y-Arôn mra gŭch lĕ ndơ nây ta nơng ƀư brah ndrel ma ndơ ƀư brah gŭch hŏ n'gân ta klơ long dôl hit ŭnh. Nĕ jêng du ntil ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Malachi 1:7

“Khân may nhhơr piăng let ƀơ̆ ƀơch ta nơng ƀư Brah Gâp, jêh ri lah: ‘Phung hên ntŭk hŏ geh ƀư ƀơ̆ ƀơch ma May?’ Khân may mĭn rvê pô aơ: ‘Nơng bơh Brah Yêhôva jêng ndơ mưch rmot.’

Nau Kơp Bunuyh 28:2

“Đă hom nau ntăm aơ ma phung ƀon lan Israel jêh ri lah: ‘Ăn khân may nhhơr ma Gâp tâm di yan lĕ ndơ ƀư brah jêh ri ndơ sông sa gay ƀư ndơ ƀư brah, ăn ŭnh sa nhhơr hao geh n'hôl ƀâu kah ma Gâp.’

Nau Kơp Bunuyh 28:24

Ăn khân may ăn ŭnh sa nhhơr lĕ ndơ ƀư brah mro mrăng kơt nĕ dôl pơh nar gay geh n'hôl ƀâu kah, maak ma Brah Yêhôva. Ăn may nhhơr ndơ ƀư brah nây padih ndơ ƀư brah gŭch mro mrăng jêh ri ndơ nhhơr nhêt.

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.