Kan Lêvi 3:1 - Nau Brah Ndu Ngơi 2023

¹ “‘Mbu nơm ŭch nhhơr ndơ ƀư brah đăp mpăn ma ndrôk nkuăng mâu lah ndrôk me, nhhơr hom tanăp Brah Yêhôva du mlâm ndrôk mâu geh têl khap ôh.

Kan Lêvi 3:1 ပူးပေါင်းရင်းမြစ်များ

I Nau Rêh Jêng 21:26

Ta nây, Y-Đavit ndâk nơng ƀư brah ma Brah Yêhôva, nhhơr lĕ ndơ ƀư brah gŭch, ndơ ƀư brah ma nau đăp mpăn, jêh ri kuăl mbơh sơm ma Brah Yêhôva. Păng plơ̆ lah ma păng ma ŭnh tă bơh trôk trŭnh ta klơ nơng ƀư brah nhhơr ndơ ƀư brah gŭch.

Nau Ngluh Êjipt 20:24

Ăn may ndâk ma Gâp nơng ƀư brah ma neh jêh ri ta klơ nây nhhơr ndơ ƀư brah gŭch, ndơ ƀư brah ma nau đăp mpăn, mâu lah biăp mâu lah ndrôk khân may. Ta ăp ntŭk Gâp mpơl amoh Gâp gay kah gĭt, Gâp mra văch jêh ri ăn nau ueh uĭn ma may.

Nau Ngluh Êjipt 24:5

Păng đă phung bu klâu ndăm Israel nhhơr ma Brah Yêhôva ndơ ƀư brah gŭch jêh ri mpa ƀư brah ma ndrôk kon, jêng ndơ ƀư brah ma nau đăp mpăn.

Nau Ngluh Êjipt 29:28

Lĕ ndơ nhhơr tă bơh phung ƀon lan Israel mra jêng ndơ Y-Arôn jêh ri phung kon bu klâu păng tĭng nâm nau vay n'ho ro, yorlah aơ jêng ndơ mpăm sŏk tă bơh mpa ƀư brah tâm ndơ ƀư brah ma nau đăp mpăn phung ƀon lan Israel nhhơr ma Brah Yêhôva.

Nau Hôr 7:14

“Gâp hŏ nhhơr jêh ndơ nhhơr ƀư brah ma nau đăp mpăn, Nar aơ gâp mplơ̆ lôch jêh lĕ nau ton.

Êsêkiêl 43:27

Tơlah lôch lĕ nar nây, ntơm bơh nar năng pham rlet pakơi taơ, phung kôranh ƀư brah mra nhhơr ndơ ƀư brah gŭch jêh ri ndơ ƀư brah ma nau đăp mpăn khân may ta klơ nơng ƀư brah nây jêh ri Gâp mra vơt dơn khân may.’ Kôranh Brah Yêhôva lah pônây.”

Êsêkiêl 45:15

Tâm lĕ ndrêch gơ̆ nse phung Israel, geh bar rhiăng mlâm biăp mra sŏk du mlâm biăp kon gay ƀư ndơ ƀư brah rnih môi, ndơ ƀư brah gŭch, jêh ri ndơ ƀư brah ma nau đăp mpăn gay chuai nau tih phung ƀon lan khân păng, Kôranh Brah Yêhôva lah pônây.

Kan Lêvi 1:10

Tơlah ndơ bunuyh nây nhhơr jêng ndơ ƀư brah gŭch ma mpô mpa rong jê̆, mâu lah biăp mâu lah be, ăn păng nhhơr du mlâm mpô mpa nkuăng mâu geh têl khap ôh.

Kan Lêvi 1:3

Tơlah ndơ nhhơr bơh bunuyh nây jêng ndơ ƀư brah gŭch ma ndrôk, ăn păng săch du mlâm ndrôk nkuăng mâu geh têl khap ôh. Ăn bunuyh nây nhhơr ndơ nây ta mpông Ngih Bok Nau Tâm Rƀŭn tanăp Brah Yêhôva, gay ma Păng maak dơn.

Kan Lêvi 17:5

Nau vay nây gay lơi hôm ăn phung ƀon lan Israel nkhĭt mpa ƀư brah tâm mir. Ăn khân păng djôt mpa ƀư brah nây tât ma kôranh ƀư brah gay nhhơr ma Brah Yêhôva jêng ndơ ƀư brah đăp mpăn ta mpông Ngih Bok Nau Tâm Rƀŭn.

Kan Lêvi 3:6

Mbu nơm ŭch nhhơr mpa ƀư brah ma ndơ ƀư brah đăp mpăn đah biăp mâu lah be, ăn păng nhhơr hom ma Brah Yêhôva du mlâm biăp nkuăng mâu lah me mâu geh têl khap ôh.

Kan Lêvi 9:18

Păng nkhĭt đŏng ndrôk jêh ri biăp nkuăng jêng mpa ƀư brah đăp mpăn ma phung ƀon lan. Phung kon bu klâu Y-Arôn djôt mham mpa ƀư brah ăn ma păng jêh ri păng nsrih jŭm nơng ƀư brah.

Kan Lêvi 9:4

du mlâm ndrôk jêh ri du mlâm biăp nkuăng gay ƀư ndơ ƀư brah đăp mpăn nhhơr tanăp Brah Yêhôva jêh ri du ndơ ƀư brah rnih môi geh pot dak ngi, yorlah nar aơ Brah Yêhôva mra tâm mpơl ma khân may.’”

Amôt 5:22

Nđâp tơlah khân may nhhơr ma Gâp ndơ ƀư brah gŭch jêh ri ndơ ƀư brah rnih môi, Gâp mâu mra dơn ôh ndơ nây; Gâp mâu treng uănh ôh ma lĕ mpô mpa lay khân may dŏng ƀư ndơ ƀư brah ma nau đăp mpăn.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Malachi 1:8

Lah khân may nhhơr du mlâm mpô mpa chieh măt ƀư brah nau nĕ mâm mâu di jêng nau tih? Lah khân may nhhơr du mlâm mpô mpa kuet rôi mâu lah geh nau ji nau nĕ mâm mâu di jêng nau tih? Rlong nâl nhhơr păng ma kôranh chiă uănh may, uănh păng geh nau maak nuih n'hâm lĕ jêh ri dơn ma may đŏng?” Brah Yêhôva ma phung tahan lah pô aơ.

Nau Kơp Bunuyh 15:8

Nôk nhhơr du mlâm ndrôk kon ma ndơ ƀư brah gŭch, mâu lah jêng ndơ ƀư brah ƀư nanê̆ nau ton, mâu lah jêng ndơ ƀư brah ma nau đăp mpăn ma Brah Yêhôva

Nau Kơp Bunuyh 6:14

păng nhhơr hom ndơ ƀư brah ăn ma Brah Yêhôva, geh du mlâm biăp nkuăng du năm mâu geh têl khap ôh jêng ndơ ƀư brah gŭch, du mlâm biăp me du năm mâu geh têl khap ôh jêng ndơ ƀư brah chuai nau tih jêh ri du biăp nkuăng mâu geh têl khap jêng ndơ ƀư brah ma nau đăp mpăn,

Nau Kơp Bunuyh 7:17

jêh ri bar mlâm ndrôk nkuăng, prăm biăp mlâm nkuăng, prăm be nkuăng jêh ri prăm mlâm biăp kon du năm dŏng ma ndơ ƀư brah ma nau đăp mpăn. Nây jêng ndơ nhhơr Y-Nahsôn, kon bu klâu Y-Aminadap.

Nau Kơp Bunuyh 7:59

jêh ri bar mlâm ndrôk nkuăng, prăm mlâm biăp nkuăng, prăm mlâm be nkuăng jêh ri prăm mlâm biăp kon du năm dŏng ma ndơ ƀư brah ma nau đăp mpăn. Nây jêng ndơ nhhơr Y-Gamaliel, kon bu klâu Y-Pêdasur.

Nau Vay Nkah Tay 12:27

jêh nây nhhơr lĕ puăch jêh ri mham păng ƀư ndơ ƀư brah gŭch ta klơ nơng ƀư Brah Yêhôva Brah Ndu khân may. Lĕ mham mpa ƀư brah ăn khân may nkhŭt ta klơ nơng ƀư Brah Yêhôva Brah Ndu, bi puăch khân may dơi vay sa.

Kôlôh 1:20

Jêh ri ma mham Păng hoch jêh ta si tâm rkăng, Brah Ndu ăn nau đăp mpăn jêh ri tâm njĭr lĕ rngôch mpa ta neh ntu jêh ri tâm trôk ăn tâm rnglăp đah Păng Nơm.

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

Phung Kôranh Phat Dôih 20:26

Rnôk nây, lĕ rngôch phung ƀon lan Israel hăn hao ma Bêthel, gŭ dâk ta nây jêh ri nhĭm tanăp Brah Yêhôva. Khân păng ât sông sa tâm nar nây kŏ tât kêng măng jêh ri nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

Phung Kôranh Phat Dôih 21:4

Nar ôi taơ, phung ƀon lan kah rngăl ơm, rdâk du mlâm nơng ƀư brah, jêh nây nhhơr ndơ ƀư brah gŭch jêh ri ndơ ƀư brah ma nau đăp mpăn.