Kan Lêvi 27:8 - Nau Brah Ndu Ngơi 2023

⁸ Tơlah nơm dăn ton jêng ndĭt trơi ir, mâu dơi plơ̆ rnoh prăk hŏ veh jêh, bu mra njŭn păng tât tanăp kôranh ƀư brah. Kôranh ƀư brah mra veh rnoh ma păng tĭng nâm păng dơi geh.

Kan Lêvi 27:8 ပူးပေါင်းရင်းမြစ်များ

II Phung Hađăch 7:5

Tâm nôk ƀhit rvi ang, phung phŭng hăn trong tât ta pôih phung tahan Aram. Ƀiălah dôl tât jêh ta bôk pôih tahan, khân păng mâu saơ bunuyh gŭ ta nây.

Yêrêmi 5:7

“Mâm ƀư Gâp dơi yô̆ an ma may? Lĕ phung kon bu klâu may hŏ chalơi Gâp, Tâm amoh lĕ brah mâu di jêng brah ton ôh. Gâp hŏ mât khân păng hơm mpay, Khân păng ăt ƀư tih văng tĭr, Rgum mbŭch tâm ngih bu ur văng tir.

Kan Lêvi 12:8

Tơlah bu ur mâu tŏng nau dơi nhhơr du mlâm biăp kon, ăn păng nhhơr du kôp sĭm ntơp mâu lah du kôp plŭk kon, du mlâm prăp ma ndơ ƀư brah gŭch, du mlâm êng prăp ma ndơ ƀư brah chuai nau tih. Kôranh ƀư brah mra ƀư nau rƀŭn ƀư kloh ma păng jêh ri păng mra dơi kloh.’”

Kan Lêvi 27:7

Phung bu ranh ntơm bơh prao jât năm leo klơ, ăn khân may veh rnoh klăp lah du rhiăng pơh jât gram prăk ma du huê bu klâu jêh ri du rhiăng jât mprăm gram ma du huê bu ur.

Kan Lêvi 27:9

Tơlah du huê nơm ton sŏk mpô mpa ƀư ndơ ƀư brah nhhơr ma Brah Yêhôva, lĕ mpa bu nhhơr nây mra jêng ndơ kloh ueh.

Kan Lêvi 5:11

Tơlah păng mâu geh du kôp sĭm ntơp mâu lah du kôp plŭk kon, ăn păng njŭn leo du kilô rnih môi ba ƀlê gay ƀư ndơ ƀư brah chuai nau tih yor kan tih păng hŏ ƀư jêh; mâu dơi chê̆ dak ngi jêh ri mâu dơi dơm ndơ ƀâu kah ta klơ rnih nây, yorlah nĕ jêng du ndơ ƀư brah chuai nau tih.

Kan Lêvi 5:7

Ƀiălah tơlah păng mâu dơi tŏng nau nhhơr du mlâm kon biăp me mâu lah du mlâm kon be me gay ntrok nau tih păng hŏ ƀư jêh, ăn păng nhhơr ma Brah Yêhôva du kôp sĭm ntơp mâu lah du kôp plŭk kon: du mlâm dŏng ƀư ndơ ƀư brah chuai nau tih, du mlâm êng dŏng ƀư ndơ ƀư brah gŭch.

Markôs 14:7

Yorlah khân may geh ƀaƀơ phung o ach ndrel ma khân may, moh mông khân may ŭch ƀư nau ueh ma khân păng dơi da dê; ƀiălah Gâp mâu mra gŭ ndrel ma khân may ƀaƀơ ôh.

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.