Kan Lêvi 27:30 - Nau Brah Ndu Ngơi 2023

³⁰ ‘Lĕ rngôch ndơ du kô̆ tâm jât play bơh neh, ntơm bơh grăp ba tâm mir tât ma kao play bơh tơm si jêng ndơ Brah Yêhôva da dê; nĕ jêng ndơ kloh ueh nhhơr ma Brah Yêhôva.

Kan Lêvi 27:30 ပူးပေါင်းရင်းမြစ်များ

Nau Ntơm 14:20

Tâm rnê ma Brah Ndu Dŭt Prêh Nơm hŏ jao phung rlăng tâm ti may!” Y-Abram nhhơr ma hađăch du kô̆ tâm jât lĕ ndơ sŏk jêh.

Nau Ntơm 28:22

Lŭ gâp hŏ ndâk jêng meh gâng mra jêng ngih Brah Ndu, jêh ri gâp mra nhhơr ma May du kô̆ tâm jât bơh lĕ ntil ndơ May ăn ma gâp.”

Nau Ntơm 47:24

Tât yan kăch, khân may ăn du kô̆ tâm prăm ma Pharaôn, bi ma puăn kô̆ ri ma khân may nơm gay jêng găr ntil jêh ri ndơ sông sa ma khân may, ma phung tâm ngih jêh ri ma phung kon khân may.”

Nau Ntơm 47:26

Pôri Y-Yôsep njêng du nau vay dăp ma neh ntu ta n'gor Êjipt, n'ho hôm tât aƀaơ, ăn ma Pharaôn du kô̆ tâm prăm ndơ khân păng geh. Knŏng neh phung kôranh ƀư brah mâu ôh jêng drăp Pharaôn.

II Nau Rêh Jêng 31:12

khân păng răp jăp djôt lĕ ndô ndơ nhhơr, du kô̆ tâm jât jêh ri lĕ ndơ kloh êng êng. Kôranh mât chiă ndơ nây jêng Y-Kênania, phung Lêvi, ndrel ma Y-Simei oh păng jêng nơm groi kâp kơl.

Nêhêmi 12:44

Tâm nar nây, bu njêng phung mât uănh lĕ jrô prăp lĕ ndơ nhhơr, kao play bôk yan, jêh ri lĕ ndơ nhhơr du kô̆ tâm jât. Tă bơh lĕ mir jŭm ƀon, khân păng djôt leo ta jay prăp ma phung kôranh ƀư brah jêh ri phung Lêvi tĭng nau vay hŏ veh jêh, yorlah phung Yuđa di nuih n'hâm ma nau pah kan bơh phung kôranh ƀư brah jêh ri bơh phung Lêvi.

Nêhêmi 13:12

Rnôk nây lĕ rngôch phung Yuđa djôt leo da dê du kô̆ tâm jât ba ƀlê, ndrănh mhe jêh ri dak ngi ôlive ăn tâm jay prăp.

Nêhêmi 13:5

jêh ri jêng mpôl băl ma Y-Tôbia, hŏ ăn ma Y-Tôbia du jrô toyh jêng ta ntŭk nây ntơm saơm bu dŏng gay prăp ndơ ƀư brah rnih môi, ndơ ƀâu kah, ndơ dŏng, du kô̆ tâm jât ma ba ƀlê, ndrănh mhe jêh ri dak ngi ôlive, jêng lĕ ndơ tĭng nau vay ntăm prăp ma phung Lêvi, ma phung mprơ jêh ri ma phung gak njrăng mpông pêr, nđâp ma ndơ nhhơr prăp ma phung kôranh ƀư brah.

Kan Lêvi 27:29

Du huê bunuyh hŏ jao jêh tâm nau rai lôch, bu mâu dơi vay chuai tay ôh; bunuyh nây mra nkhĭt.’

Kan Lêvi 27:31

Tơlah mbu nơm ŭch chuai tay moh ndơ tă bơh du kô̆ tâm jât nây ăn păng plơ̆ ntop đŏng du kô̆ tâm prăm ma du kô̆ tâm jât nây.

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Luka 11:42

Rêh ni yơh ma khân may, phung Pharisi! Yorlah khân may chê̆ du kô̆ tâm jât klôih, ndơ ƀâu kah, nđâp lĕ rngôch ntil trau, ƀiălah chuêl ma nau di jêh ri ma nuih n'hâm yơk rŏng Brah Ndu! Ăn khân may ƀư lă nau aơ ƀiălah mâu dơi đŏng chuêl lĕ nau ri.

Luka 18:12

Gâp ât sông sa bar tơ̆ tâm du pơh, jêh ri chê̆ du kô̆ tâm jât lĕ ndơ gâp geh.’

Nau Vay Nkah Tay 18:8

Nơm nây mra dơn kô̆ ndơ sông sa tâm ban ma lĕ rngôch oh nâu păng nơm, mâu kơp ma mpa păng geh bơh ndơ păng tăch drăp ndơ mbơ̆ păng.”

Nau Vay Nkah Tay 26:12

Tâm năm tal pe, jêng năm tê̆ pi du kô̆ tâm jât, khân may sŏk du kô̆ tâm jât play khân may geh ăn ma phung Lêvi, ma nơm gŭ njưh ƀât lât, ma kon se kon đơi jêh ri bu ur ndrô, gay ma khân păng dơi tŏng ndơ sa tâm ƀon khân may,