Kan Lêvi 27:3 - Nau Brah Ndu Ngơi 2023

³ Tơlah păng jêng bu klâu bơh bar jât năm tât ta prao jât năm, ăn khân may kơp rnoh bơi tât prao rhiăng gram prăk, tĭng nâm sêkel prăk di tâm Ntŭk Kloh Ueh.

Kan Lêvi 27:3 ပူးပေါင်းရင်းမြစ်များ

II Phung Hađăch 12:4

Y-Jôas lah ma phung kôranh ƀư brah pô aơ: “Lĕ rngôch prăk bu djôt ƀư ndơ ƀư brah kloh ueh ma ngih Brah Yêhôva, jêng rnoh prăk chuai nau rêh ma ăp nơm chê̆ pi tĭng nâm nau vay nal nôk bu kơp rnoh bunuyh, jêh ri prăk phung ƀon lan nhhơr tâm ngih Brah Yêhôva ma nuih n'hâm lŏng;

Nau Ngluh Êjipt 30:13

Aơ jêng pi ăp nơm hŏ kơp dơi chê̆ hom: klăp lah prao gram tĭng nâm ndơ nhueh bơh Ntŭk Kloh Ueh (jêng ăp sêkel nhueh jâk jât ma bar gram); prao gram nây jêng ndơ nhhơr ma Brah Yêhôva.

Nau Ngluh Êjipt 38:24

Rnoh kơp mah hŏ nhhơr jêh dŏng kan ndâk njêng Ntŭk Kloh Ueh klăp lah du rbăn kilô, tĭng nâm ndơ nhueh bơh Ntŭk Kloh Ueh.

Kan Lêvi 27:14

Tơlah geh nuyh ŭch nhhơr ngih păng ƀư ndơ kloh ueh ma Brah Yêhôva, kôranh ƀư brah mra veh rnoh ngih nây tĭng nâm ueh mâu lah mhĭk; dŭm âk kôranh ƀư brah veh rnoh, rnoh kơt nây yơh.

Kan Lêvi 27:25

Nau veh rnoh ăn kơt tĭng sêkel di tâm Ntŭk Kloh Ueh. Du sêkel mra jêng bar jât gêra.

Kan Lêvi 27:4

Tơlah nơm nây jêng bu ur, ăn khân may veh rnoh klăp lah pe rhiăng prăm jât gram prăk.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Kan Lêvi 6:6

Ăn păng njŭn leo ma kôranh ƀư brah du mlâm biăp nkuăng mâu têl khap ôh, nhŭp tă bơh ndŭl mpôl biăp, di ma rnoh hŏ veh jêh, gay nhhơr ma Brah Yêhôva ƀư mpa ƀư brah chuai nau ƀư tih.

Nau Kơp Bunuyh 18:16

Ma rnoh chuai tay, may mra chuai tay lĕ kon ntơm bơh du khay leo klơ jêh ri tâm nal rnoh jêng prăm jât prăm gram prăk, tĭng nâm sêkel tâm ntŭk kloh ueh; du sêkel jêng bar jât gêra.

Nau Kơp Bunuyh 3:47

ăn may sŏk prăm sêkel prăk tĭng nâm sêkel tâm ntŭk kloh ueh; du sêkel jêng bar jât gêra.