Kan Lêvi 27:28 - Nau Brah Ndu Ngơi 2023

²⁸ Padih nĕ, tâm lĕ rngôch ndơ nhhơr lah geh du huê bunuyh hŏ nhhơr jêh ma Brah Yêhôva, gĭt lah bunuyh mâu lah mpô mpa, mâu lah neh rnăk vâl păng, bu mâu dơi vay tăch mâu lah tâm chuai tay ôh. Lĕ rngôch mpa hŏ nhhơr jêng dŭt kloh da dê ma Brah Yêhôva.

Kan Lêvi 27:28 ပူးပေါင်းရင်းမြစ်များ

II Nau Rêh Jêng 31:14

Y-Kôrê, kon bu klâu Y-Imna bunuyh Lêvi, jêng nơm chiă uănh mpông pêr mpeh luh nar, jêng nơm mât lĕ ndơ nhhơr nđơr êng ma Brah Ndu, gay tâm pă lĕ ndơ bu nhhơr prăp jêh ma Brah Yêhôva jêh ri lĕ ndơ nhhơr dŭt kloh ueh.

Nau Ngluh Êjipt 22:20

Mbu nhhơr mpa ƀư brah ma lĕ rngôch brah êng mâu tăp ma Brah Yêhôva ôh ăn bu nkhĭt lơi păng.

Êsêkiêl 44:29

Khân păng mra siăm khân păng nơm ma ndơ ƀư brah rnih, ndơ ƀư brah geh tih jêh ri ƀư brah chuai nau tih. Lĕ rngôch moh ndơ phung ƀon lan bri Israel, nhhơr mra jêng ndơ khân păng.

Êsêkiêl 48:14

Kô̆ neh nây khân păng mâu dơi tăch, mâu lah tâm rgâl ôh, mâu dơi ăn play bôk rah tă bơh neh nây ma bu êng yor păng lĕ prăp jêng kloh ăn ma Brah Yêhôva.

Kan Lêvi 21:22

Nơm nây dơi sa ndơ sông sa ma Brah Ndu, nđâp ma lĕ ndơ dŭt kloh ueh jêh ri lĕ ndơ prăp êng ma nau kloh ueh,

Kan Lêvi 27:21

Tât năm ueh maak, mir luh tă bơh ti nơm rvăt mra jêng neh kloh ueh yorlah hŏ nhhơr jêh ma Brah Yêhôva; mir nây mra jêng ndơ kôranh ƀư brah.

Kan Lêvi 27:27

Bi tơlah mpa jêng mpa ƀơ̆, bu dơi rvăt tay păng tĭng nâm rnoh hŏ veh jêh, ntop đŏng du kô̆ tâm prăm ma păng; bi tơlah bu mâu chuai tay păng ôh, bu mra tăch păng tĭng nâm rnoh hŏ veh jêh.

Kan Lêvi 27:29

Du huê bunuyh hŏ jao jêh tâm nau rai lôch, bu mâu dơi vay chuai tay ôh; bunuyh nây mra nkhĭt.’

Nau Kơp Bunuyh 18:14

Lĕ rngôch moh ndơ phung Israel nhhơr jêh mra jêng ndơ may.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Samƀŭt Pôl Njuăl Ăn Ma Phung Nsing Ta Ƀon Rôm 9:3

Yorlah gâp ŭch dơi suai rak gâp nơm jêh ri chalơi bơh Brah Krist ntrok an ma phung oh nâu jêng phung ndŭl mpôl gâp;

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

Galati 3:10

Bi lĕ rngôch bunuyh rnơm ma kan nau vay mra geh nau rtăp rak; yorlah geh nau nchih: “Khư ma rak rtăp ngăn ma mbu nơm mâu nâp djôt prăp lĕ ntil hŏ nchih tâm ndrom samƀŭt nau vay!”

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Nau Vay Nkah Tay 25:19

Yor ri, lah Yêhôva Brah Ndu khân may ăn jêh ma khân may nau rlu jêh ri rklaih an khân may bơh lĕ rngôch phung rlăng nchueng jŭm tâm n'gor Yêhôva Brah Ndu khân may ăn jêh ma khân may jêng drăp ndơn, pôri ăn khân may jut lơi ăn lĕ nau kah gĭt bơh phung Amalek tâm neh aơ. Khân may mâu dơi chuêl ôh!”

Nau Vay Nkah Tay 7:26

Lơi djôt ôh ndơ tâm rmot nây nglăp tâm ngih khân may yorlah khân may mra geh nau rak rtăp nâm bu ndơ nây. Ăn khân may ƀơ̆ ƀơch jêh ri tâm rmot ngăn ma ndơ nây, yorlah ndơ nây jêng nau rai lôch lĕ.”

Yôsuê 6:26

Rnôk nây, Y-Yôsuê ton lah: “Mbu ndâk jêh ri rdâk njêng đŏng ƀon Yêrikô aơ Mra geh nau rak rtăp tanăp Brah Yêhôva! Mbu nơm n'gân tay mbon, kon bu klâu bôk rah păng khĭt; Mbu nơm rdâk tay mpông, kon mpô̆t păng khĭt.”

Yôsuê 7:1

Ƀiălah phung ƀon lan Israel hŏ ƀư tih, yor mâu răp jăp ma lĕ ndơ prăp ma nau ƀư rai, yorlah Y-Akan, kon bu klâu Y-Karmi, sau Y-Sapdi, se Y-Sêra, bơh ndŭl mpôl Yuđa, hŏ geh sŏk ndơ prăp ma nau ƀư rai, jêh ri Brah Yêhôva ji nuih ngăn đah phung ƀon lan Israel.

Yôsuê 7:25

Y-Yôsuê lah: “Mâm ƀư may ăn nau uh ah ma phung he? Brah Yêhôva mra ăn tât nau uh ah ma may nar aơ.” Jêh nây lĕ rngôch phung Israel klŭp păng ma lŭ; khân păng su phung nây ma ŭnh jêh ri brôi lơi ma lŭ.

Phung Kôranh Phat Dôih 21:11

Aơ jêng nau khân may mra ƀư: “Nkhĭt hom lĕ rngôch bu klâu jêh ri phung bu ur hŏ geh sai.”

Phung Kôranh Phat Dôih 21:18

Ƀiălah, he mâu dơi ăn ôh kon bu ur he jêng ur ma khân păng, yorlah phung ƀon lan Israel ton jêh: ‘Rak rtăp ma nơm ăn du huê ur ma phung Benjamin!’ ”

Phung Kôranh Phat Dôih 21:5

Phung ƀon lan Israel ôp: “Mbu tâm lĕ rngôch băl mpôl Israel mâu hăn ôh ma nau tâm rƀŭn tanăp Brah Yêhôva?” Yorlah khân păng ƀư jêh nau ton pô aơ: “Mbu moh mâu tâm mpơl măt ôh tanăp Brah Yêhôva ta Mispa bu mra nkhĭt păng!”

I Samuel 15:18

Brah Yêhôva prơh jêh may hăn nđâp ma nau ntăm: ‘Hăn hom, ƀư rai lĕ rngôch phung tih mhĭk nây, jêng phung Amalek, jêh ri tâm lơh đah khân păng kŏ tât nôk may ƀư rai lĕ khân păng.’

I Samuel 15:3

Pôri aƀaơ, hăn hom tâm lơh đah phung Amalek jêh ri ƀư rai lĕ rngôch ndơ khân păng geh. May mâu mra yô̆ nđach ôh khân păng, nkhĭt lơi lĕ bu klâu, bu ur, phung kon se, lĕ ndrôk, biăp, seh samô jêh ri seh bri.’”