Kan Lêvi 27:26 - Nau Brah Ndu Ngơi 2023

²⁶ Ƀiălah, mâu geh nơm dơi nhhơr kon bôk rah ndrôk mâu lah biăp bơh mpô mpa khân may, yorlah lĕ kon bôk rah jêng ndơ Brah Yêhôva jêh.

Kan Lêvi 27:26 ပူးပေါင်းရင်းမြစ်များ

II Phung Hađăch 7:5

Tâm nôk ƀhit rvi ang, phung phŭng hăn trong tât ta pôih phung tahan Aram. Ƀiălah dôl tât jêh ta bôk pôih tahan, khân păng mâu saơ bunuyh gŭ ta nây.

Nêhêmi 10:36

Tĭng nâm nau hŏ nchih tâm nau vay, hên djôt leo kon bôk rah tâm phung kon bu klâu hên jêh ri kon bôk rah tâm mpô mpa rong hên tâm ban biăp mâu lah ndrôk tât ta ngih Brah Ndu jêh ri jao ăn phung kôranh ƀư brah pah kan tâm ngih Brah Ndu hên.

Nau Ngluh Êjipt 13:2

“Ăn may nhhơr hom ma Gâp lĕ rngôch kon bôk rah bu deh jêh tâm phung Israel, nđâp bunuyh nđâp mpô mpa, yorlah lĕ rngôch kon dak bôk jêng ndơ Gâp da dê.”

Nau Ngluh Êjipt 22:30

Ăn khân may ƀư kơt nĕ đŏng ma biăp jêh ri ndrôk khân may. Ăn hom kon dak bôk gŭ ndrel me păng tâm pơh nar, tât ta nar tal pham khân may mra nhhơr păng ma Gâp.

Kan Lêvi 27:27

Bi tơlah mpa jêng mpa ƀơ̆, bu dơi rvăt tay păng tĭng nâm rnoh hŏ veh jêh, ntop đŏng du kô̆ tâm prăm ma păng; bi tơlah bu mâu chuai tay păng ôh, bu mra tăch păng tĭng nâm rnoh hŏ veh jêh.

Nau Kơp Bunuyh 18:17

Ƀiălah may mâu mra tâm chuai tay ôh kon bôk rah bơh ndrôk me mâu lah bơh biăp me mâu lah be me; khân păng jêng lĕ ndơ kloh ueh. May mra nsrih mham khân păng ta klơ nơng ƀư brah jêh ri gŭch ngi khân păng jêng ndơ ƀư brah ăn ŭnh sa nhhơr geh n'hôl ƀâu kah ƀư maak nuih n'hâm ma Brah Yêhôva.

Nau Kơp Bunuyh 3:13

yorlah lĕ rngôch kon bôk rah jêng ndơ Gâp. Ta nar Gâp rmal lĕ rngôch kon bôk rah tâm n'gor Êjipt, Gâp hŏ prăp êng ăn ma Gâp lĕ rngôch kon bôk rah tâm Israel, nđâp ma bunuyh jêh ri mpô mpa mra jêng ndơ Gâp. Gâp jêng Brah Yêhôva.”

Nau Vay Nkah Tay 15:19

“Ăn khân may prăp êng ma Yêhôva Brah Ndu khân lĕ rngôch kon nkuăng deh dak bôk tâm mpôl ndrôk, mpôl biăp mâu lah mpôl be khân may. Lơi dŏng ôh ndrôk nkuăng deh dak bôk ƀư kan, mâu đŏng kreh rsau biăp nkuăng deh dak bôk.