Kan Lêvi 26:9 - Nau Brah Ndu Ngơi 2023

⁹ Gâp mra mât mray khân may, ƀư ăn khân may jêng bĭk rơ̆ dŭt âk, jêh ri ƀư nâp nau tâm rnglăp đah khân may.

Kan Lêvi 26:9 ပူးပေါင်းရင်းမြစ်များ

Nau Ntơm 1:28

Brah Ndu ăn nau ueh uĭn ma bunuyh jêh ri lah: “Ăn khân may deh kon, ăn bĭk rơ̆ âk râk jêh ri ƀư ăn bêng neh; ƀư hom ăn neh tông bâr, chiă uănh hom ntil ka tâm dak mƀŭt, ntil sĭm mpăr klơ trôk jêh ri lĕ rngôch mpa vơr ta neh.”

Nau Ntơm 17:20

Bi ma Y-Ismaêl, Gâp iăt jêh nau may mbơh sơm. Aơ, Gâp mra ăn nau ueh uĭn ma păng, ƀư ma păng bĭk rơ̆ dŭt âk. Păng mra jêng chô yau ma jât ma bar kon hađăch, jêh ri Gâp mra ƀư ma păng jêng du phung mpôl băl toyh.

Nau Ntơm 22:17

Gâp mra ăn nau ueh uĭn ma may âk ngăn, ƀư ma noi deh may âk tâm ban nâm mănh tâm trôk, âk tâm ban nâm choih kơh dak mƀŭt, jêh ri noi deh may mra dơi pit mpông ƀon phung rlăng.

Nau Ntơm 26:4

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may;

Nau Ntơm 28:14

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

Nau Ntơm 28:3

Dăn Brah Ndu Geh Lĕ Nau Brah ăn nau ueh uĭn ma may, ƀư ăn noi deh kon bĭk rơ̆ dŭt âk jêh ri dơi jêng du phung ƀon lan âk.

Nau Ntơm 48:4

Păng lah: ‘Aơ, Gâp mra ăn may bĭk rơ̆ dŭt âk. Gâp mra ăn may jêng du phung mpôl băl glom âk phung ƀon lan jêh ri ăn ma noi deh may n'gor aơ jêng drăp ndơn n'ho ro.’

Nau Ntơm 6:18

Ƀiălah Gâp mra ƀư nau tâm rnglăp đah may, jêh nây may mra lăp tâm kumpăn nđâp ma ur may, phung kon bu klâu jêh ri phung ƀăn may.

I Phung Hađăch 3:8

Oh mon May gŭ ta nklang phung ƀon lan May hŏ săch jêh, du phung ƀon lan âk râk mâu dơi kơp ôh.

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

Nêhêmi 2:20

Gâp plơ̆ lah ma khân păng pô aơ: “Brah Ndu tâm lĕ ndâr trôk mra kơl ma hên dơi jêng. Hên jêng phung oh mon Păng, hên mra ntơm ndâk njêng tay, ƀiălah khân may mâu geh du kô̆ mâu lah nau dơi ăn kah gĭt tâm ƀon Yêrusalem ôh.”

Nêhêmi 9:23

Kôranh Brah hŏ ƀư jêh ma noi deh khân păng âk nâm bu mănh klơ trôk, Jêh ri njŭn khân păng tât ta n'gor Kôranh Brah hŏ ton ăn jêh ma phung chô yau khân păng ăn khân păng mra lăp pit sŏk n'gor bri nây.

Nau Mprơ Ơm 107:38

Brah Ndu ăn nau ueh uĭn ma khân păng, jêh ri khân păng bĭk âk. Păng mâu ăn phung mpô mpa rong khân păng geh nau n'hŭch.

Nau Mprơ Ơm 89:3

May lah: “Gâp ndâk jêh nau tâm rnglăp đah nơm Gâp săch jêh, Gâp ton jêh đah Y-Đavit, oh mon Gâp, pô aơ:

Nau Ngluh Êjipt 1:7

Kon sau Y-Israel deh kon âk râk ngăch ngăn; rnoh bunuyh hao âk bĭk rơ̆, bêng ăp n'gor jêh ri mra jêng dŭt dăng ngăn ngên.

Nau Ngluh Êjipt 2:25

Brah Ndu treng uănh phung ƀon lan Israel jêh ri gĭt nanê̆ ngăn nau tât ma khân păng.

Nau Ngluh Êjipt 6:4

Gâp hŏ ƀư jêh nau tâm rnglăp đah khân păng gay ăn n'gor Kanaan, jêng n'gor khân păng hŏ gŭ njưh nâm phung bu năch.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 23:3

Gâp nơm mra rgum biăp hôm klen luh bơh lĕ rngôch bri dak Gâp hŏ mprơh jêh khân păng tât. Gâp mra njŭn khân păng plơ̆ sĭt ma ndrêch gơ̆ khân păng nơm; khân păng mra bĭk rơ̆ dŭt âk ngăn.

Yêrêmi 23:4

Gâp mra dơm phung rmăk biăp gay chiăp leo khân păng jêh ri khân păng mâu hôm klach, mâu lĕ rdja klach krit đŏng ôh, jêh ri mâu mra nhhơt roh du mlâm biăp lĕ,” Brah Yêhôva lah pônây.

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Êsêkiêl 16:62

Gâp mra ƀư nau tâm rnglăp Gâp đah ay, jêh ri ay mra gĭt Gâp jêng Brah Yêhôva.

Êsêkiêl 36:9

Aơ, Gâp gŭ mpeh ma khân may, plơ̆ n'gĭl tay ma khân may jêh ri khân may mra dơi pŏk rlơk srih ntil.

Kan Lêvi 26:15

dun lĕ nau vay dăp bơh Gâp jêh ri nuih n'hâm khân may dĭl khek ma nau Gâp đă, yor nây khân may mâu ƀư tĭng kơt lĕ nau vay ntăm jêh ri ƀư rai lơi nau tâm rnglăp bơh Gâp,

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,

Nau Vay Nkah Tay 28:11

Brah Yêhôva mra ƀư nau chăt hao ma khân may, play bơh ndŭl proch săk jăn khân may, play bơh mpô mpa rong, kao play tâm mir khân may mra dơi geh âk ngăn tâm n'gor Păng mra ăn ma khân may tĭng nâm nau ton ma phung chô yau khân may.

Nau Vay Nkah Tay 28:4

Play bơh ndŭl proch săk jăn khân may, kao play bơh neh khân may, play bơh phung mpô mpa rong khân may, jêh ri phung biăp kon nđâp ma ndrôk kon khân may mra dơi ăn nau ueh uĭn da dê.

Nau Vay Nkah Tay 7:13

Păng mra rŏng ma khân may, ăn nau ueh uĭn ma khân may, ƀư ma rnoh bunuyh khân may bĭk rơ̆. Păng mra ăn nau ƀŭn lap ma noi deh khân may, ma play bơh neh khân may, ba khân may, ndrănh jêh ri dak ngi khân may, ma mpôl ndrôk jêh ri ma mpôl seh bri khân may bĭk rơ̆, tâm n'gor Păng ton jêh ma phung chô yau khân may mra ăn ma khân may.

ហេឞ្រើ 8:9

Mâu di nâm bu nau tâm rnglăp Gâp ƀư jêh đah phung chô yau khân păng ôh, Tâm nar Gâp kuăn ti khân păng têk njŭn du luh tă bơh n'gor Êjipt. Yorlah khân păng mâu răp jăp djôt prăp nau tâm rnglăp Gâp, Pôri Gâp chalơi khân păng,” Kôranh Brah lah pônây: