Kan Lêvi 26:8 - Nau Brah Ndu Ngơi 2023

⁸ Prăm nuyh tâm phung khân may mra tĭng lơh du rhiăng nuyh; du rhiăng nuyh khân may mra tĭng lơh du rmưn nuyh, jêh ri phung rlăng đah khân may mra prah cha lôt ma đao gưm tanăp khân may.

Kan Lêvi 26:8 ပူးပေါင်းရင်းမြစ်များ

I Nau Rêh Jêng 11:11

Aơ jêng amoh săk ma phung tahan janh ktang Y-Đavit: Y-Jasôbêam, kon bu klâu Y-Hakmônit, jêng kôranh ma “Pe Nuyh”; păng jêng nơm yơr tak păng nkhĭt pe rhiăng nuyh tâm du tơ̆.

I Nau Rêh Jêng 11:20

Y-Abisai, oh Y-Jôap, jêng kôranh ma phung pe tahan janh ktang; păng rjăng tak păng nkhĭt pe rhiăng nuyh, pôri păng geh nau lư n'găr tâm phung pe nuyh nây.

Êsther 9:16

Phung Yuđa êng gŭ tâm lĕ n'gor hađăch tâm rgum tâm ban lĕ ŭch king n'gang nau rêh khân păng, tâm lơh đah phung rlăng khân păng, jêh ri nkhĭt pơh rmưn prăm rbăn nuyh phung tâm rmot ma khân păng. Ƀiălah khân păng mâu pit in ôh drăp ndơ.

Kan Lêvi 26:7

Khân may mra tĭng lơh phung rlăng jêh ri khân păng mra prah ma đao gưm tanăp khân may.

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Nau Kơp Bunuyh 31:4

Ăp ndŭl mpôl Israel prơh hom du rbăn tahan hăn ma nau tâm lơh.”

Nau Vay Nkah Tay 28:7

Brah Yêhôva mra ƀư ma phung rlăng hao tâm rdâng đah khân may mra roh rai tanăp khân may. Khân păng mra tât lơh khân may bơh du trong, pôri khân păng nchuăt du pơh trong bơh khân may.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Yôsuê 23:10

Du huê tâm phung khân may dơi mprơh du rbăn bunuyh phung khân păng, yorlah Yêhôva Brah Ndu khân may jêng Nơm sâm tâm lơh an ma khân may tĭng nâm nau păng ton jêh ma khân may.

Phung Kôranh Phat Dôih 15:15

Păng saơ du mlâm nting kang seh bri mhe khĭt, păng yơr ti kuăn sŏk ndơ nây jêh ri dong nkhĭt du rbăn nuyh phung Philistin.