Kan Lêvi 26:7 - Nau Brah Ndu Ngơi 2023

⁷ Khân may mra tĭng lơh phung rlăng jêh ri khân păng mra prah ma đao gưm tanăp khân may.

Kan Lêvi 26:7 ပူးပေါင်းရင်းမြစ်များ

I Nau Rêh Jêng 19:15

Tơlah phung Ammôn saơ phung tahan Aram nchuăt du jêh, khân păng tâm ban đŏng nchuăt du bơh Y-Abisai, oh Y-Jôap, jêh ri plơ̆ sĭt ma ƀon. Jêh nau nây, Y-Jôap plơ̆ sĭt ta Yêrusalem.

Êsther 9:16

Phung Yuđa êng gŭ tâm lĕ n'gor hađăch tâm rgum tâm ban lĕ ŭch king n'gang nau rêh khân păng, tâm lơh đah phung rlăng khân păng, jêh ri nkhĭt pơh rmưn prăm rbăn nuyh phung tâm rmot ma khân păng. Ƀiălah khân păng mâu pit in ôh drăp ndơ.

Nau Mprơ Ơm 81:15

Phung tâm rmot ma Yêhôva mra pah kan ma Păng Bi ma phung ƀon lan Gâp mra hôm e n'ho ro.

Kan Lêvi 26:36

Bi ma phung tâm khân may hôm rêh, Gâp mra ƀư ma ra ai nuih n'hâm khân may tâm n'gor phung rlăng. Nteh n'ha si tŭp ăt ƀư ma khân may nchuăt du tâm ban ma nchuăt du panăp đao, jêh ri prah nđâp lah mâu geh bunuyh tĭng lơh.

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Kan Lêvi 26:8

Prăm nuyh tâm phung khân may mra tĭng lơh du rhiăng nuyh; du rhiăng nuyh khân may mra tĭng lơh du rmưn nuyh, jêh ri phung rlăng đah khân may mra prah cha lôt ma đao gưm tanăp khân may.

Nau Vay Nkah Tay 28:7

Brah Yêhôva mra ƀư ma phung rlăng hao tâm rdâng đah khân may mra roh rai tanăp khân may. Khân păng mra tât lơh khân may bơh du trong, pôri khân păng nchuăt du pơh trong bơh khân may.

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Yôsuê 23:10

Du huê tâm phung khân may dơi mprơh du rbăn bunuyh phung khân păng, yorlah Yêhôva Brah Ndu khân may jêng Nơm sâm tâm lơh an ma khân may tĭng nâm nau păng ton jêh ma khân may.

Phung Kôranh Phat Dôih 15:15

Păng saơ du mlâm nting kang seh bri mhe khĭt, păng yơr ti kuăn sŏk ndơ nây jêh ri dong nkhĭt du rbăn nuyh phung Philistin.

Phung Kôranh Phat Dôih 4:16

Y-Barak hăn tĭng ndeh seh jêh ri phung tahan rlăng kŏ tât ta Harôset phung bu năch. Lĕ rngôch phung tahan Y-Sisêra khĭt ma đao, mâu hôm klen du huê dơi rêh.

Phung Kôranh Phat Dôih 7:23

Phung tahan Israel bơh phung Naptali, phung Aser, jêh ri lĕ phung Manasê, bu rgum hăn tĭng phung Madian.

I Samuel 14:13

Y-Jônathan vơr hao klơ ma jâng ti, jêh ri nơm tuy ndơ tâm lơh vơr tĭng păng. Phung Philistin cha lôt panăp Y-Jônathan, jêh ri nơm tuy ndơ tâm lơh nkhĭt khân păng khĭt pakơi păng.