Kan Lêvi 26:5 - Nau Brah Ndu Ngơi 2023

⁵ Yan mprah ba mra nđom jong kŏ tât yan pĕ play krăk ƀâu, yan pĕ play krăk ƀâu mra nđom jong kŏ tât yan tuch tăm. Khân may mra sa piăng let kŏ hơm jêh ri gŭ đăp mpăn tâm n'gor khân may.

Kan Lêvi 26:5 ပူးပေါင်းရင်းမြစ်များ

Nau Mprơ Ơm 144:13

Dăn lĕ jay prăp hên bêng ler Ma lĕ rngôch ntil play kao; Dăn phung biăp hên bĭk rơ̆ âk rbăn, âk rmưn Tâm lĕ mir hên.

Nau Mprơ Ơm 90:1

Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

Nau Ngluh Êjipt 16:8

Y-Môis lah: “Mhaơ aơ Brah Yêhôva mra ăn puăch ma khân may sa, jêh ri kêng ôi ăn piăng let mra rmeh ler yorlah Brah Yêhôva hŏ tăng jêh nau khân may nduyh Păng. Bi ma hên mbu jêng? Mâu di ma hên ôh khân may nduyh, ƀiălah nduyh ma Brah Yêhôva ya.”

Nau Hôr 1:33

Ƀiălah mbu nơm iăt gâp mra hôm rêh ueh mpăn, Mra dơi geh nau đăp mpăn, mâu klach nau mhĭk ôh.”

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 1:19

Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Êsai 30:23

Kôranh Brah mra ăn trôk mih ma găr ntil khân may srih jêh ta neh; ndơ sông sa jêng play kao bơh neh mra jêng ngăn jêh ri rmeh ler. Tâm nar nây, phung mpô mpa khân may rong mra sa gơ̆ tâm ndrêch huy.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Ndrom Samƀŭt bơh Ôsê 2:20

Di yơh, Gâp mra nđăp ay đah Gâp tâm nau răp jăp; Jêh ri ay mra gĭt Brah Yêhôva.”

Yôel 2:19

Brah Yêhôva lĕ plơ̆ lah jêh ri lah ma phung ƀon lan Păng pô aơ: “Aơ, Gâp mra ăn ma khân may: Ba răch, ndrănh mhe jêh ri dak ngi, Khân may mra hơm mpay ma lĕ ndơ nây. Gâp mâu mra ƀư ăn khân may Geh nau bêk prêng ta nklang phung mpôl băl bunuyh đŏng ôh.

Yôel 2:22

Hơi phung mpô mpa bri, lơi klach ôh, Yorlah lĕ ndrêch gơ̆ ta bri rdah mra chăt nse jêh, Tơm si mra luh play, Tơm rvi jêh ri tơm krăk ƀâu ăn play âk râk.

Yôel 2:26

Khân may mra sông sa jêh ri dơi hơm mpay, Jêh ri mra tâm rnê ma amoh Yêhôva Brah Ndu khân may, Jêng Nơm ƀư jêh nau khlay ngăn ngên ma khân may. Phung ƀon lan Gâp mâu mra geh nau bêk prêng đŏng ôh.

Amôt 9:13

Brah Yêhôva lah: “Aơ lĕ nar mra tât, tơlah nơm kai mra tĭng ban nơm rek, Nơm jot play krăk ƀâu tĭng ban nơm srih ntil. Phung yôk ăn truh ndrănh njŭng, Jêh ri ăp yôk mra hoch.

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

Nau Vay Nkah Tay 11:15

Păng mra ăn đŏng gơ̆ tâm mir khân may prăp ma mpô mpa rong khân may. Khân may mra sông sa nhêt hơm.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!