Kan Lêvi 26:43 - Nau Brah Ndu Ngơi 2023

⁴³ Neh khân păng chalơi mra dơn lĕ năm saƀat ntrok tay năng nar ma neh nôk khân păng chalơi jêng rngot njăp mâu geh bunuyh gŭ ta nây. Khân păng mra dơn nau rmal yorlah khân păng mưch rmot nau vay Gâp ƀư jêh ri nuih n'hâm khân păng dĭl khek lĕ nau vay Gâp dăp.

Kan Lêvi 26:43 ပူးပေါင်းရင်းမြစ်များ

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

II Nau Rêh Jêng 36:21

Tât ngăn ƀoi nau Brah Yêhôva hŏ dŏng jêh bâr mbung Y-Yêrêmi ngơi, neh dơi ntop dơn tay năm saƀat. Tâm lĕ năng nar cha lat jêh, neh dơi rlu kŏ tât rĭng pơh jât năm.

Ndrom Samƀŭt bơh Yôp 5:17

Ueh maak ngăn ma bunuyh Brah Ndu nduyh! Pôri lơi may uănh dơm dam nau nduyh nkra Nơm Geh Lĕ Nau Brah.

Nau Mprơ Ơm 119:67

Êlor gâp geh nau rêh ni, gâp vĭ nhhơt jêh Ƀiălah aƀaơ gâp djôt prăp nau May ngơi.

Nau Mprơ Ơm 119:71

Nau rêh ni jêng nau ueh ma gâp, Tă bơh nĕ gâp dơi nti gĭt nau vay ƀư bơh May.

Nau Mprơ Ơm 119:75

Ơ Brah Yêhôva, gâp gĭt nau May phat dôih jêng sŏng srăng Jêh ri ma nau răp jăp May ăn jêh gâp rêh ni.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 50:17

Yor may tâm rmot nau nkra nti, Mƀăr lơi pakơi lĕ nau Gâp lah.

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Yêrêmi 31:19

Jêh nau vĭ nhhơt, gâp hŏ rmal nau tih; Jêh geh nau nti, gâp hŏ tŭr tang tơh nduyh tôr; Gâp prêng brâp muh măt Yorlah hŏ anh nau bu mưch rmot bơh nôk hôm mom.

Daniel 9:14

Yor nây, Brah Yêhôva kâp rơm ndrăp jêh ri nkhŭt nau mhĭk aơ ta klơ hên yor Yêhôva Brah Ndu hên jêng sŏng srăng tâm lĕ kan May pah, knŏng hên mâu ŭch tông ôh bâr May.

Kan Lêvi 26:11

Gâp mra ƀư ntŭk Gâp gŭ ta nklang khân may, nuih n'hâm Gâp mâu mra tâm rmot ma khân may ôh.

Kan Lêvi 26:15

dun lĕ nau vay dăp bơh Gâp jêh ri nuih n'hâm khân may dĭl khek ma nau Gâp đă, yor nây khân may mâu ƀư tĭng kơt lĕ nau vay ntăm jêh ri ƀư rai lơi nau tâm rnglăp bơh Gâp,

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Kan Lêvi 26:41

yor ri Gâp tâm rdâng jêh ri nsot khân păng mŭt tâm n'gor phung rlăng; tơlah nuih n'hâm mâu koh ntâu khân păng gĭt trŭnh jêh ri tông nau phat dôih yor nau tih mhĭk khân păng nơm,

Amôt 5:10

Khân păng tâm rmot ma nơm nduyh khân păng ta mpông ƀon, Jêh ri khân păng ntêh rmot ma nơm nănh ngơi nau nanê̆ ngăn.

Sakari 11:8

Knŏng tâm du khay, Gâp hŏ mprơh jêh pe nuyh rmăk biăp, yorlah Gâp mâu hôm dơi nsrôih đah khân păng đŏng ôh, jêh ri khân păng tâm rmot ma Gâp tâm ban lĕ.

Yôhan 7:7

Neh ntu mâu dơi tâm rmot ma khân may ôh ƀiălah tâm rmot ma gâp, yorlah gâp hŏ mbơh ma neh ntu gĭt pô aơ nau kan khân păng jêng djơh mhĭk.

Samƀŭt Pôl Njuăl Ăn Ma Phung Nsing Ta Ƀon Rôm 8:7

yorlah nau mĭn let ma nglay săk jêng rlăng đah Brah Ndu, yorlah păng mâu tông nau vay Brah Ndu; ngăn, păng mâu geh nau dơi ma gay tông ôh.

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.