Kan Lêvi 26:42 - Nau Brah Ndu Ngơi 2023

⁴² Gâp mra kah gĭt tay nau tâm rnglăp hŏ ƀư jêh đah Y-Yakôb, Gâp mra kah gĭt tay nau tâm rnglăp hŏ ƀư jêh đah Y-Isăk, tâm ban đŏng ma nau tâm rnglăp đah Y-Abraham, jêh ri Gâp mra kah gĭt tay ma n'gor aơ.

Kan Lêvi 26:42 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 26:2

Brah Yêhôva tâm mpơl ma păng jêh ri lah: “Lơi hăn ôh ta n'gor Êjipt, ăn gŭ hom tâm n'gor Gâp mra ntĭm ma may.

Nau Ntơm 26:24

Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!”

Nau Ntơm 26:5

yor Y-Abraham hŏ tông jêh bâr Gâp, djôt prăp lĕ nau Gâp ntĭm nti, nđâp ma lĕ nau vay ntăm, nau vay dăp jêh ri nau vay bơh Gâp.”

Nau Ntơm 28:13

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Nau Ntơm 28:15

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Nau Ntơm 35:11

Brah Ndu lah tay ma păng: “Gâp jêng Brah Ndu Geh Lĕ Nau Brah; ăn deh hom kon jêh ri bĭk rơ̆ âk râk. Du phung ƀon lan jêh ri du phung ƀon lan toyh mra luh tă bơh may, jêh ri tă bơh noi deh may mra luh phung hađăch.

Nau Ntơm 35:12

N'gor gâp hŏ ăn jêh ma Y-Abraham jêh ri ma Y-Isăk, Gâp mra ăn đŏng ma may jêh ri ma noi deh may.”

Nau Ntơm 9:15

Gâp mra kah gĭt nau tâm rnglăp Gâp hŏ ƀư đah khân may, tâm ban đŏng đah lĕ rngôch mpa rêh, lĕ ntil mlay săk, dak mâu hôm ôh mra jêng dak lêng gay ƀư rai lĕ ntil nglay săk.

Nau Ntơm 9:16

Tơlah bêh tŭng tĭng mpơl ta klơ ndâr tŭk, Gâp uănh păng gay kah gĭt tay nau tâm rnglăp n'ho ro vah vang Brah Ndu jêh ri lĕ rngôch mpa rêh, lĕ ntil nglay săk klơ neh.”

Êsther 4:14

Tơlah ay gŭ rklăk tâm nôk aơ, nanê̆ phung Yuđa mra dơi geh nau kơl jêh ri nau tâm rklaih tă bơh ntŭk êng, ƀiălah ay jêh ri ngih mbơ̆ ay mra rai lôch lĕ. Ƀiălah mbu gĭt pô aơ yorlah mông kơt aơ ay dơi jêng hađăch bu ur lĕ?”

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 136:23

Nơm kah gĭt lĕ nau rêh hên hŏt rgănh, Yor nuih n'hâm ueh Păng hôm tât n'ho ro;

Nau Ngluh Êjipt 2:24

Brah Ndu tăng nau khân păng lung nter jêh ri kah gĭt tay nau tâm rnglăp hŏ ƀư đah Y-Abraham, Y-Isăk, jêh ri Y-Yakôb.

Nau Ngluh Êjipt 6:5

Gâp hŏ tăng đŏng nau phung ƀon lan Israel nter yor phung Êjipt nhŭp khân păng ƀư dĭk jêh ri kah gĭt tay nau Gâp tâm rnglăp.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsêkiêl 16:60

Nđâp tơlah pônây, ăt Gâp mra kah gĭt tay nau tâm rnglăp Gâp nơm ƀư jêh đah ay tâm rnôk ay hôm druh mom, jêh ri Gâp mra ƀư nau tâm rnglăp đah ay du nau tâm rnglăp n'ho ro.

Yôel 2:18

Brah Yêhôva hŏ ntôn jêh yor bri aơ, Jêh ri Păng tâm mpơl nau yô̆ nđach ma phung ƀon lan Păng.

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,

Nau Vay Nkah Tay 4:31

Yorlah Yêhôva Brah Ndu khân may jêng Brah Ndu bêng ma nau yô̆ nđach; Păng mâu mra chalơi khân may, mâu ƀư rai khân may, mâu đŏng chuêl nau tâm rnglăp Păng hŏ ton ma phung chô yau khân may.”

Nau Vay Nkah Tay 9:27

Dăn Kôranh Brah kah gĭt ma phung oh mon May jêng Y-Abraham, Y-Isăk jêh ri Y-Yakôb, lơi klăp ndăng ôh ma nau nuih n'hâm dăng ko, djơh mhĭk jêh ri ma nau tih phung ƀon lan aơ.

Phung Kôranh Phat Dôih 2:1

Tông mpăr Brah Yêhôva hăn hao bơh Gilgal tât ta Bôkim jêh ri lah pô aơ: “Gâp hŏ leo jêh khân may du luh bơh n'gor Êjipt, njŭn leo khân may lăp tâm n'gor Gâp sơm ton ăn ma phung chô yau khân may. Gâp hŏ lah: ‘Gâp mâu mra chalơi ôh nau tâm rnglăp Gâp hŏ rdâk jêh đah khân may,