Kan Lêvi 26:41 - Nau Brah Ndu Ngơi 2023

⁴¹ yor ri Gâp tâm rdâng jêh ri nsot khân păng mŭt tâm n'gor phung rlăng; tơlah nuih n'hâm mâu koh ntâu khân păng gĭt trŭnh jêh ri tông nau phat dôih yor nau tih mhĭk khân păng nơm,

Kan Lêvi 26:41 ပူးပေါင်းရင်းမြစ်များ

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

II Nau Rêh Jêng 12:12

Yorlah Y-Rôbôam ntrŭnh săk, pôri nau ji nuih bơh Brah Yêhôva du ngai đah păng jêh ri păng mâu geh roh rai lĕ rngôch ôh; jêh ri n'gor Yuđa ăt hôm dơn lĕ nau ueh.

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

Êsra 9:13

Pakơi lĕ nau mhĭk ăn tât nây ma hên, yor lĕ nau djơh jêh ri nau tih toyh hên, — hơi Brah Ndu hên! Nanê̆ ngăn Kôranh Brah mâu tâm rmal ôh hên ăn di nâm bu nau tih hên, ƀiălah hŏ ăn ma hên du kô̆ hôm e klen tâm ban pônây, —

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Nau Mprơ Ơm 39:9

Gâp mlo mâu hă trôm mbung ôh, Yorlah May ƀư jêh nau nây.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 6:10

Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Êsêkiêl 14:23

Di ngăn yơh, khân păng mra ƀư ăn ma khân may geh nau bonh leng tơlah khân may saơ trong jêh ri nau kan khân păng ƀư, jêh ri khân may mra gĭt Gâp mâu ƀư ôh lĕ rngôch nau nây tâm ƀon Yêrusalem tơlah mâu geh nau,’” Brah Yêhôva lah pônây.

Êsêkiêl 20:43

Ta nây, khân may mra kah gĭt tay trong khân may jêh ri lĕ rngôch nau khân may hŏ ƀư ƀơ̆ khân may nơm. Khân may mra nduyh êng ma khân may nơm yor lĕ rngôch nau mhĭk khân may hŏ ƀư tih jêh.

Êsêkiêl 44:7

Khân may hŏ leo jêh phung bu năch jêng phung mâu koh ntâu tâm nuih n'hâm jêh ri tâm săk jăn hăn lăp tâm ntŭk kloh ueh Gâp gay ƀư ƀơ̆ ƀơch ngih brah Gâp, tơlah khân may nhhơr piăng let, ngi jêh ri mham ma Gâp. Pônây, khân may hŏ ƀư tih ngroh lơi nau tâm rnglăp Gâp ma lĕ rngôch nau ƀơ̆ khân may.

Êsêkiêl 44:9

Kôranh Brah Yêhôva lah: ‘Mâu geh du huê bu năch mâu koh ntâu tâm nuih n'hâm jêh ri tâm săk jăn dơi lăp ntŭk kloh ueh Gâp. Rlau ma nĕ du huê phung bu năch gŭ ta nklang phung ƀon lan Israel ăt mâu dơi lăp ôh ta nây.

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Kan Lêvi 26:24

Gâp mra tâm rdâng đŏng đah khân may, Gâp nơm yơh mra nkhŭt nau tât ji tưp ma khân may pơh tơ̆ âk lơn yor nau tih khân may.

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Nau Kơp Bunuyh 5:7

Ăn bunuyh nây mbơh nau tih jêh ri plơ̆ tay bêng tŏng, Rlau ma nây păng plơ̆ hom ntop du kô̆ tâm prăm ma bunuyh păng hŏ ƀư nau mhĭk.

Mathay 23:12

Mbu nơm n'hao êng păng nơm bu mra trŭnh tâm dâng, bi mbu nơm ntrŭnh păng nơm, bu mra n'hao păng.

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Luka 18:14

Gâp mbơh ma khân may, bunuyh aơ plơ̆ sĭt ta ngih păng, dơi kơp sŏng srăng, mâu di bunuyh ri. Yorlah mbu n'hao êng mra hŭch tâm dâng, ƀiălah mbu nơm hŭch tâm dâng êng mra n'hao.”

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Nau Vay Nkah Tay 10:16

Pôri ăn khân may koh ntâu nuih n'hâm khân may jêh ri lơi hôm jêng dăng bôk ôh,

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

Nau Vay Nkah Tay 31:21

Lah geh âk nau mhĭk jêh ri nau uh ah nkhŭt ma khân păng, nau mprơ aơ mra jêng du nau mbơh tâm rdâng đah khân păng, yorlah noi deh khân păng mâu mra dơi chuêl nau mprơ aơ. Nanê̆ ngăn, Gâp hŏ gĭt lĕ nau mĭn khân păng nar aơ êlor ma Gâp njŭn khân păng lăp tâm n'gor Gâp hŏ ton jêh ăn ma khân păng.”

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Kôlôh 2:11

Tâm Păng, khân may đŏng dơn nau koh ntâu, mâu di ti kon bunuyh ƀư, ƀiălah jêng nau koh ntâu bơh Brah Krist, nâm bu ntĭt doh lơi nau ŭch tâm nglay săk he.