Kan Lêvi 26:40 - Nau Brah Ndu Ngơi 2023

⁴⁰ Ƀiălah tơlah khân păng mbơh nau tih khân păng nơm jêh ri nau tih phung chô yau khân păng hŏ ƀư tih, jêng nau tih chuêl nau Gâp yô̆ jêh ri tâm rđâng đah Gâp,

Kan Lêvi 26:40 ပူးပေါင်းရင်းမြစ်များ

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

I Phung Hađăch 8:48

tơlah tâm n'gor phung rlăng khân păng, ta ntŭk khân păng ƀư dĭk bu, khân păng lĕ nuih n'hâm lĕ nau mĭn ŭch plơ̆ tay ma May, mbơh sơm ma May, rle mpeh ma n'gor Kôranh Brah lĕ ăn jêh ma phung chô yau khân păng, mpeh ƀon May hŏ săch jêh ri ma ngih brah gâp ndâk jêh ma amoh May,

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Yêrêmi 14:20

Ơ Brah Yêhôva, hên gĭt saơ jêh nau djơh mhĭk hên, Jêh ri nau tih phung chô yau hên, Yorlah hên hŏ ƀư tih jêh đah May.

Nau Nhĭm Vơl 1:20

Ơ Brah Yêhôva, dăn uănh hom! Dôl gâp geh nau rêh ni ngăn; Proch khŭng gâp rung răng; nuih n'hâm gâp uh ah ngăn. Yorlah gâp dăng bôk dŭt n'hâm ngăn! Tâm trong sâng geh tak đao ntâp nkhĭt Tâm ngih vâl geh nau khĭt âk ngăn.

Êsêkiêl 14:23

Di ngăn yơh, khân păng mra ƀư ăn ma khân may geh nau bonh leng tơlah khân may saơ trong jêh ri nau kan khân păng ƀư, jêh ri khân may mra gĭt Gâp mâu ƀư ôh lĕ rngôch nau nây tâm ƀon Yêrusalem tơlah mâu geh nau,’” Brah Yêhôva lah pônây.

Êsêkiêl 36:31

Rnôk nây, khân may kah gĭt tay trong mhĭk jêh ri nau kan mâu ueh khân may nơm. Khân may tâm rmot êng khân may nơm yor nau tih jêh ri nau ƀơ̆ khân may.’

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Kan Lêvi 26:21

Tơlah khân may hôm tâm rdâng đah Gâp jêh ri mâu ŭch iăt nau Gâp ôh, Gâp mra nkhŭt nau tât ji tưp pơh tơ̆ âk lơn ma khân may yor nau tih khân may.

Kan Lêvi 26:24

Gâp mra tâm rdâng đŏng đah khân may, Gâp nơm yơh mra nkhŭt nau tât ji tưp ma khân may pơh tơ̆ âk lơn yor nau tih khân may.

Kan Lêvi 5:5

Pôri mbu nơm ƀư tih ma du ntil nau tâm lĕ nau ta klơ aơ, ăn păng mbơh nau tih păng hŏ ƀư jêh,

Nau Kơp Bunuyh 5:7

Ăn bunuyh nây mbơh nau tih jêh ri plơ̆ tay bêng tŏng, Rlau ma nây păng plơ̆ hom ntop du kô̆ tâm prăm ma bunuyh păng hŏ ƀư nau mhĭk.

Yôsuê 22:15

Khân păng văch ma phung Ruben, phung Gat, jêh ri du n'gul ndŭl mpôl Manasê tâm bri Gilêat jêh ri lah:

Yôsuê 7:19

Y-Yôsuê lah ma Y-Akan “Aơ kon, tâm rnê hom ma Yêhôva Brah Ndu Israel jêh ri tâm rnê ma Păng. Mbơh ngăn hom ma gâp nau may ƀư jêh, lơi mo du ntil ndơ ôh.”