Kan Lêvi 26:4 - Nau Brah Ndu Ngơi 2023

⁴ Gâp mra ăn ma khân may dak mih di yan sial di keh, neh mra geh kao play jêh ri tơm si tâm mir mra geh play.

Kan Lêvi 26:4 ပူးပေါင်းရင်းမြစ်များ

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

Ndrom Samƀŭt bơh Yôp 5:10

Păng ăn mih ta neh, Ăn dak djrah lam mir;

Nau Mprơ Ơm 104:13

Bơh jrô prêh, Păng djrah phung yôk; Neh ntu dơi hơm ma play bah kan May.

Nau Mprơ Ơm 67:6

Neh ntu hon geh kao play, Brah Ndu jêng Brah Ndu phung he mra ăn nau ueh lăng ma he.

Nau Mprơ Ơm 67:7

Brah Ndu mra ăn nau ueh lăng ma hên Jêh ri lĕ bunuyh gŭ lam rplay neh mra klach yơk ma Păng da dê.

Nau Mprơ Ơm 68:9

Ơ Brah Ndu, ăn dak mih tŭp âk ta klơ drăp ndơn May; Tơlah păng sơh kro, May ăn păng sĭt n'hâm suan.

Nau Mprơ Ơm 85:12

Di yơh, Brah Yêhôva mra ăn ndơ ueh, Jêh ri neh he mra geh kao play.

Nau Mprơ Ơm 85:13

Nau sŏng srăng mra hăn tanăp Păng, Jêh ri nkra trong ăn jâng Păng chuat.

Êsai 30:23

Kôranh Brah mra ăn trôk mih ma găr ntil khân may srih jêh ta neh; ndơ sông sa jêng play kao bơh neh mra jêng ngăn jêh ri rmeh ler. Tâm nar nây, phung mpô mpa khân may rong mra sa gơ̆ tâm ndrêch huy.

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Êsêkiêl 36:30

Gâp mra ntop âk kao play jêh ri kao play tă bơh mir gay ma khân may mâu geh nau bêk prêng ta nklang lĕ bri dak bu yor nau sa sât ji ngot.

Yôel 2:22

Hơi phung mpô mpa bri, lơi klach ôh, Yorlah lĕ ndrêch gơ̆ ta bri rdah mra chăt nse jêh, Tơm si mra luh play, Tơm rvi jêh ri tơm krăk ƀâu ăn play âk râk.

Kan Lêvi 25:19

Neh mra deh play kao ăn ma khân may, khân may mra sa kŏ hơm jêh ri gŭ rêh ma nau đăp mpăn tâm n'gor.

Kan Lêvi 25:21

Gâp mra ăn nau ueh uĭn ma khân may năm tal prao kŏ tât play kao mra dơi tŏng tâm pe năm.

Sakari 8:12

“Yorlah gŭ ta nây mra geh găr ntil đăp mpăn; tơm krăk ƀâu mra geh play jêh ri neh mra geh play âk tât yan păng, lĕ ndâr trôk mra ăn truh dak tŭk. Gâp mra ăn phung ƀon lan hôm klen dơi dơn lĕ ndơ aơ.

Mathay 5:45

gay ma khân may plơ̆ jêng phung kon ma Mbơ̆ khân may gŭ ta klơ trôk, yorlah Păng ƀư ăn nar luh nchrat ang ma phung djơh mhĭk nđâp ma phung ueh, ăn dak mih ma phung sŏng srăng nđâp ma phung kue.

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

Nau Vay Nkah Tay 11:13

Pônây tơlah khân may tông ngăn lĕ nau vay ntăm bơh gâp ntĭnh ma khân may nar aơ, rŏng ma Yêhôva Brah Ndu khân may jêh ri pah kan ma Păng ma lĕ nuih n'hâm, ma lĕ huêng khân may,

Nau Vay Nkah Tay 11:14

pôri Păng mra ăn dak mih tâm n'gor di yan, nđâp dak mih yan mih jêh ri dak mih yan kao, gay ma khân may dơi bun prăp ba, ndrănh jêh ri dak ngi.

Nau Vay Nkah Tay 28:12

Brah Yêhôva mra pơk jay ndơ khlay Păng tă tâm trôk gay ăn ma khân may, ăn dak mih di yan ta tâm n'gor khân may jêh ri ăn nau ueh uĭn ma lĕ rngôch kan ti khân may ƀư. Khân may mra ăn ma âk ndŭl mpôl manh ƀiălah khân may mâu mra manh bu ôh.

Yakơ 5:7

Yor ri, hơi oh nâu, srôih hom ma tât nar Kôranh Brah plơ̆ văch. Uănh hom bunuyh kan mir gŭ kâp play kao khlay tă bơh neh, srôih kŏ tât nôk geh dak mih bôk rah jêh ri dak mih dŭt yan.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.