Kan Lêvi 26:39 - Nau Brah Ndu Ngơi 2023

³⁹ Mbu nơm tâm phung khân may hôm rêh mra rngot tâm n'gor phung rlăng yor nau djơh mhĭk khân păng nơm. Yor nau djơh mhĭk phung chô yau khân păng, khân păng mra rngot tâm n'gor phung rlăng tâm ban ma phung chô yau khân păng nơm.

Kan Lêvi 26:39 ပူးပေါင်းရင်းမြစ်များ

II Nau Rêh Jêng 34:24

Brah Yêhôva lah: Aơ, ‘Gâp mra ăn tât nau mhĭk ma ntŭk aơ jêh ri ma phung ƀon lan gŭ ta ntŭk aơ tĭng nâm lĕ rngôch nau bu rtăp rak hŏ nchih jêh tâm ndrom samƀŭt bu hŏ răk jêh tanăp măt hađăch Yuđa.

Êsra 9:7

Ntơm rnôk chô yau hên kăl e tât aƀaơ aơ, hên hŏ ƀư tih toyh jêh. Yor nau djơh hên nơm, yor ri phung kon, phung hađăch, phung kôranh ƀư brah hên, lĕ jao jêh hên tâm ti phung hađăch bri bu năch, ma đao tak, bu nhŭp ƀư bu nă, bu pit in drăp ndơ, jêh ri bu gơm mưch kŏ tât ta nar aơ.

Nêhêmi 1:9

bi tơlah khân may lah plơ̆ sĭt tay ma Gâp jêh ri djôt prăp lĕ nau vay Gâp ntăm, nđâp lah phung khân may lĕ nchah rai pru pra jêh tât bôl dŭt trôk, Gâp mra rgum tay rƀŭn khân păng plơ̆ sĭt jêh ri djôt leo khân may hăn tât ta ntŭk Gâp hŏ săch gay ăn amoh Gâp gŭ ta nây.’

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 34:7

Djôt prăp nau rŏng kŏ tât rbăn rô̆ nuyh, Yô̆ an nau djơh mhĭk, nau ƀư tih jêh ri nau tih; Ƀiălah mâu kơp nơm geh nau tih ôh jêng mâu geh nau tih, Ƀiălah yor nau tih phung chô yau mra rmal ma phung kon sau kŏ tât pe, puăn rô̆ nuyh.”

Êsai 14:21

Yor nau kue mbơ̆ chô khân păng, Nkra hom du ntŭk tâm nkhĭt ma phung kon sau khân păng; Klach lah khân păng plơ̆ dâk jêh ri sŏk pit neh, Jêh ri ndâk ƀon toyh khân păng lam klơ neh ntu!

Êsai 24:16

Bơh lĕ ntŭk dŭt neh ntu, hên hŏ tăng bâr bu mprơ: “Nau chrêk rmah prăp ma Nơm Sŏng Srăng.” Ƀiălah gâp lah: “Gâp hŏt rgănh jêh, gâp hŏt rgănh jêh! Rêh ni ngăn ma gâp, phung mâu gŭ răp jăp! Phung mâu gŭ răp jăp ăt thoi đŏng mâu gŭ răp jăp!”

Yêrêmi 29:12

Nôk nây khân may mra kuăl dăn Gâp, văch mbơh sơm ma Gâp, jêh ri Gâp mra iăt nau khân may.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 31:29

“Tâm lĕ nar nây, khân păng mâu hôm lah ôh: ‘Mbơ̆ sa play krăk ƀâu srat Ƀiălah kon sau kĭr sêk.’

Nau Nhĭm Vơl 1:3

Phung Yuđa hăn ƀư bu nă hŏt rgănh, Dơn ƀư jêng dĭk jâk jêr. Gŭ ta nklang phung ƀon lan, Joi ntŭk rlu mâu dơi saơ ôh. Phung tĭng lĕ ban jêh păng, Dôl păng hăn dŭt jêh trong.

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Êsêkiêl 18:19

Khân may hôm e ngơi pô aơ: ‘Mâm ƀư kon păng mâu anh nau tih mbơ̆ păng?’ Yorlah kon păng nây hŏ ƀư tĭng nau di, djôt prăp nau sŏng jêh ri ƀư tĭng lĕ rngôch nau vay dăp Gâp. N'hêl nanê̆ păng mra rêh.

Êsêkiêl 20:43

Ta nây, khân may mra kah gĭt tay trong khân may jêh ri lĕ rngôch nau khân may hŏ ƀư ƀơ̆ khân may nơm. Khân may mra nduyh êng ma khân may nơm yor lĕ rngôch nau mhĭk khân may hŏ ƀư tih jêh.

Êsêkiêl 24:23

Bok khân may mra dơm ta klơ bôk mro, ntâu jot khân may mra nsoh mro tâm jâng; khân may mâu kuăl nhĭm ôh, nhhiăng nhĭm ƀiălah mra huănh hươi yor nau tih khân ay may nơm, jêh ri khân may tâm vơl ndrel ndrăng nơm dơm.

Êsêkiêl 33:10

Hơi kon bunuyh, lah hom ma ngih Israel pô aơ: ‘Khân may lah: Yor nau mhĭk jêh ri nau tih hên bun jâk ta klơ hên ƀư ăn ma hên rgănh hâu ngăn yor păng; mâm dơi hên rêh?’

Êsêkiêl 36:31

Rnôk nây, khân may kah gĭt tay trong mhĭk jêh ri nau kan mâu ueh khân may nơm. Khân may tâm rmot êng khân may nơm yor nau tih jêh ri nau ƀơ̆ khân may.’

Êsêkiêl 4:17

Yor pưt piăng let jêh ri dak, khân păng uănh ndrăng ma nau krit toyh jêh ri ra ai huơi yor ma nau tih khân păng nơm.”

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Sakari 10:9

Gâp mra srih khân păng ta nklang phung ƀon lan, Ƀiălah tâm bri n'gor ngai, khân păng mra kah gĭt ma Gâp; Khân păng mra rêh ndrel ma phung kon khân păng jêh ri mra plơ̆ sĭt.

Nau Kơp Bunuyh 14:18

‘Brah Yêhôva mâu gơnh nuih ôh, Jêh ri ndrŏng ma nuih n'hâm yô̆ nđach, Yô̆ an nau tih jêh ri nau tâm rdâng, Ƀiălah mâu kơp nơm geh nau tih ôh jêng mâu geh nau tih, Jêh ri rmal ma phung kon sau kŏ tât pe puăn rô̆ nuyh Yorlah nau tih phung chô yau.’

Nau Vay Nkah Tay 28:65

Ta nklang phung ndŭl mpôl aơ khân may mâu geh nau đăp mpăn ôh, mâu mra geh ntŭk rlu ôh ma mpang jâng. Ta nây, Brah Yêhôva mra ăn ma nuih n'hâm khân may klach râm sâr, bar đah măt rgănh huơi jêh ri huêng rngot rvê.

Nau Vay Nkah Tay 30:1

“Lah lĕ rngôch nau aơ hŏ tât ma khân may, jêng lĕ nau ueh lăng jêh ri nau rak rtăp gâp hŏ tâm mpơl jêh tanăp khân may, jêh ri lah khân may dôl rêh ta nklang ăp bri dak Yêhôva Brah Ndu nsot jêh ăn khân may tât, khân may kah gĭt mĭn rvê tay ma nau nây

Nau Vay Nkah Tay 5:9

May mâu dơi chon mbah ôh tanăp lĕ rup nây mâu lah yơk mbah khân păng, yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât pe puăn rô̆ nuyh.

Nau Vay Nkah Tay 8:20

Khân may mra rai lôch nâm bu phung mpôl băl Brah Yêhôva ƀư rai lơi tanăp măt khân may, yorlah khân may mâu ŭch tông bâr Yêhôva Brah Ndu khân may.”