Kan Lêvi 26:36 - Nau Brah Ndu Ngơi 2023

³⁶ Bi ma phung tâm khân may hôm rêh, Gâp mra ƀư ma ra ai nuih n'hâm khân may tâm n'gor phung rlăng. Nteh n'ha si tŭp ăt ƀư ma khân may nchuăt du tâm ban ma nchuăt du panăp đao, jêh ri prah nđâp lah mâu geh bunuyh tĭng lơh.

Kan Lêvi 26:36 ပူးပေါင်းရင်းမြစ်များ

Nau Ntơm 35:5

Rnăk vâl Y-Yakôb hăn trong. Brah Ndu ăn nau klach ta lĕ rngôch ƀon jŭm nây, pôri mâu geh ôh du huê nuyh tâm phung nây nănh tĭng phung kon Y-Yakôb.

Nau Ntơm 4:12

Tơlah may pah kan mir, neh mâu mra geh play âk ma may. May mra du krap jêh ri nsong mblêng ta klơ neh ntu.”

II Nau Rêh Jêng 14:14

Khân păng hăn lơh đŏng lĕ ƀon văr jŭm Gêrar, yorlah Brah Yêhôva ƀư nau krit toyh ma lĕ ƀon nây. Phung tahan Y-Asa sŏk pit âk ngăn drăp ndơ tâm lĕ ƀon nây.

Ndrom Samƀŭt bơh Yôp 13:25

Mâm May ŭch nkrit kơt n'ha si mpăr tâm sial, Jêh ri hăn tĭng du nkong rhe kro?

Nau Mprơ Ơm 53:5

Ntŭk mâu geh nau klach krit, Ƀiălah khân păng klach krit hâu ngăn. Yorlah Brah Ndu srih nting phung hăn tâm lơh đah phung ƀon lan Păng; Jêh ri khân păng mra geh nau bêk prêng, yorlah Brah Ndu chalơi khân păng.

Nau Mprơ Ơm 53:6

Ơ! ŭch ngăn ma nau tâm rklaih phung Israel, văch tă bơh Siôn! Tơlah Brah Ndu djôt leo phung ƀon lan Păng plơ̆ sĭt tă bơh n'gor ƀư bu nă. Yakôb mra răm rhơn jêh ri phung Israel hâk maak.

Nau Mprơ Ơm 89:43

May ƀư ăn mpiăt păng plăch lơi, Mâu hôm kơl păng tâm nau tâm lơh toyh.

Nau Hôr 28:1

Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Êsai 30:17

Du huê thăm rmat, du rbăn nuyh nchuăt du; Prăm nuyh thăm rmat, khân may nchuăt da dê Kŏ tât nôk khân may hôm klen Tâm ban ma n'gâng n'ha kơ ta klơ n'gơn yôk, Tâm ban ma n'ha kơ ta klơ gôl.”

Êsai 7:2

Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Êsai 7:4

Ăn may lah ma Y-Ahas pô aơ: ‘Njrăng hom jêh ri gŭ rklăk, lơi klach ôh, lơi ăn may rdja nuih n'hâm ôh yor bar mlâm yôk ngâl knŏng hôm luh nhhŭk, nây jêng nau Y-Rêsin ji nuih, hađăch Aram, jêh ri kon bu klâu Y-Rêmalia.

Yêrêmi 37:10

Nđâp lah phung khân may dơi lơh lĕ rngôch phung tahan Kaldê lah khân păng tâm lơh đah khân may kŏ tât tâm ngih bok khân păng knŏng hôm e phung sôt rmanh, pôri ăp nơm ăt dâk su ƀon aơ ma ŭnh.”

Yêrêmi 46:16

Păng ƀư âk bunuyh chêh prah, Bunuyh aơ prah ta klơ nơm êng, jêh ri nsum ndrel: ‘Gơnh dâk, plơ̆ sĭt ma ntŭk ƀon lan gâp, Plơ̆ sĭt ta ntŭk bri me deh gâp, Du ngai bơh tak đao nơm tŭn jot!’

Nau Nhĭm Vơl 1:3

Phung Yuđa hăn ƀư bu nă hŏt rgănh, Dơn ƀư jêng dĭk jâk jêr. Gŭ ta nklang phung ƀon lan, Joi ntŭk rlu mâu dơi saơ ôh. Phung tĭng lĕ ban jêh păng, Dôl păng hăn dŭt jêh trong.

Nau Nhĭm Vơl 1:6

Nau rnam kon bu ur Siôn Hŏ roh jêh. Phung kôranh păng jêng nâm bu jun Joi mâu geh ndrêch gơ̆ ôh; Mâu hôm geh n'hâm suan nchuăt du krap Tanăp phung hăn tĭng joi.

Nau Nhĭm Vơl 4:19

Phung groi tĭng hên Prăl lơn ma klang ƀŭng tâm trôk ta klơ. Khân păng hăn tĭng hên ta klơ lĕ yôk, Grem kâp hên tâm bri rdah.

Êsêkiêl 21:12

Tơlah khân păng lah ma may: ‘Mâm ƀư may lŭng nter?’ Pôri may plơ̆ lah pô aơ: ‘Yorlah mbơh tât lam ntŭk ƀư ma lĕ nuih n'hâm rung răng da dê, lĕ rngôch ti mâu geh n'hâm suan, lĕ rngôch nau mĭn huăr rgănh, lĕ rngôch kômâk ra ai nâm bu dak. Aơ, nau nây dăch geh tât mra jêng nau ngăn, Kôranh Brah Yêhôva lah pônây!’”

Êsêkiêl 21:15

Păng mplanh gay ma sreh nkhĭt; păng chrêk ral nâm bu lơp nglaih. He dơi maak răm lĕ? Mâng jra kon bu klâu Gâp tâm rmot đah lĕ rngôch mâng jra êng.

Êsêkiêl 21:7

“Hơi kon bunuyh, rle hom muh măt leo ma Yêrusalem, nti nau tâm rdâng lĕ rngôch ntŭk kloh ueh; ngơi mbơh lor hom đah bri Israel.

Ndrom Samƀŭt bơh Ôsê 8:3

Israel hŏ chalơi jêh nau ueh, Nơm rlăng mra tĭng păng.

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Kan Lêvi 26:35

Tĭng năng nar hŏ chalơi rngot jêh, neh mra geh nau rlu, yorlah neh nây mâu geh ôh rlu, tâm lĕ năm saƀat dôl khân may gŭ rêh ta klơ nây.

Nau Vay Nkah Tay 1:44

Nôk nây, phung Amôrit gŭ tâm yôk lĕ hăn n'hoch jêh gay rduh lơh đah khân may tâm ban ma sŭt tĭng jêh ri ƀư rai khân may tă bơh Sêir tât ta Hôrma.

Yôsuê 5:1

Lah lĕ rngôch phung hađăch Amôrit gŭ đah ri dak krong Yurdan mpeh nhâp nar, jêh ri lĕ rngôch phung hađăch Kanaan gŭ dăch dak mƀŭt tăng nau Brah Yêhôva hŏ ƀư jêh ma dak krong Yurdan suăt kroh tanăp phung ƀon lan Israel kŏ tât hăn rgăn lăn jêh, pôri khân păng rdja nuih n'hâm jêh ri mâu hôm blau mĭn ôh gay tâm rdâng đah phung ƀon lan Israel.

Yôsuê 7:5

Phung Ai nkhĭt klăp lah pe jât ma prao bunuyh, tĭng rgot khân păng ntơm bơh mpông ƀon tât ma Sêbarim, jêh ri lơh dôl khân păng nchuăt jŭr sop. Nuih n'hâm phung ƀon lan lĕ nchah rai nâm bu dak.

I Samuel 17:24

Lĕ rngôch phung Israel saơ bunuyh aơ, nchuăt du jêh ri klach râm ngăn.