Kan Lêvi 26:33 - Nau Brah Ndu Ngơi 2023

³³ Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Kan Lêvi 26:33 ပူးပေါင်းရင်းမြစ်များ

I Phung Hađăch 8:46

Tơlah khân păng ƀư tih đah Kôranh Brah — yorlah mâu geh du huê bunuyh mâu ƀư tih — ƀư ăn May ji nuih ma khân păng jêh ri jao khân păng ăn ma phung rlăng ăn bu nhŭp khân păng ƀư dĭk tâm n'gor phung rlăng, mâu lah ntŭk ngai mâu lah dăch.

II Phung Hađăch 25:9

Păng su rai ngih brah Brah Yêhôva, ngih hađăch, jêh ri lĕ rngôch ngih tâm ƀon Yêrusalem; păng su lĕ rngôch ngih phung ndrŏng.

II Nau Rêh Jêng 7:19

Ƀiălah tơlah khân may teng trong êng jêh ri chalơi lĕ nau vay dăp jêh ri lĕ nau vay ntăm bơh Gâp hŏ n'gân jêh panăp khân may, hăn tĭng phung brah êng jêh ri yơk mbah ma khân păng,

Nêhêmi 1:3

Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 1:8

Dăn Kôranh Brah kah gĭt tay nau May hŏ ntăm jêh ma Y-Môis, nơm oh mon May pô aơ: ‘Tơlah khân may ƀư tih, Gâp mra ƀư ma khân may nchah rai pru pra ta nklang phung mpôl bunuyh;

Êsther 3:8

Y-Haman lah ma hađăch Y-Asuêrus pô aơ: “Geh du phung ƀon lan chah rai, gŭ lam ta nklang phung mpôl băl tâm lĕ ƀon bri hađăch; nau vay khân păng êng đah nau vay phung mpôl băl êng, jêh ri khân păng mâu djôt prăp ôh nau vay hađăch. Yor ri, ăn nau yô̆ ma khân păng mâu jêng ueh ôh ma hađăch.

Nau Mprơ Ơm 106:27

Ƀư ma phung noi deh khân păng cha lôt khĭt nklang lĕ bri dak, Jêh ri nchah du khân păng tâm lĕ n'gor bri.”

Nau Mprơ Ơm 44:11

May ăn hên jêng tâm ban ma biăp bu djôt hăn ƀư puăch Jêh ri ăn hên nchah rai pru pra tâm lĕ bri dak.

Nau Mprơ Ơm 44:12

May tăch jêh phung ƀon lan May ma rnoh mâu khlay Uănh khân păng mâu khlay ôh.

Êsai 1:7

Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Yêrêmi 13:24

Pônây Gâp mra srih khân may ăp ntŭk nâm bu njŏk Geh sail bri rdah khôm rdu.

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Yêrêmi 8:3

Ndrel đah lĕ phung hôm e klen bơh phung ndŭl mpôl ƀai nây tâm lam ntŭk Gâp mprơh khân păng tât, pôri khĭt ueh lơn đah rêh.” Brah Yêhôva ma phung tahan lah pônây.

Yêrêmi 9:16

Gâp mra ƀư ăn khân păng nchah rai pru pra ta nklang ndŭl mpôl bunuyh khân păng jêh ri phung chô yau khân păng mâu mâp gĭt; Gâp hôm njuăl tak đao hăn tĭng kŏ tât hŏ ƀư rai khân păng.”

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Nau Nhĭm Vơl 1:3

Phung Yuđa hăn ƀư bu nă hŏt rgănh, Dơn ƀư jêng dĭk jâk jêr. Gŭ ta nklang phung ƀon lan, Joi ntŭk rlu mâu dơi saơ ôh. Phung tĭng lĕ ban jêh păng, Dôl păng hăn dŭt jêh trong.

Nau Nhĭm Vơl 4:15

Bu kuăl huy: “Du der! Nây jêng ndơ ƀơ̆! Du der! Du der ngai! Lơi ta pah bi!” Yor nây, khân păng du der jêh ri nsong mblêng ta aơ ta ri; Phung mpôl bunuyh tâm lĕ bri dak lah: “Khân păng mâu dơi gŭ ta aơ đŏng ôh.”

Nau Nhĭm Vơl 4:16

Brah Yêhôva hŏ ƀư chah rai khân păng, Păng mâu uănh treng khân păng đŏng ôh. Kôranh ƀư brah mâu nănh n'gơr măt, Phung bu ranh mâu geh nau bu yơk ôh.

Êsêkiêl 12:20

Ƀon toyh geh âk bunuyh gŭ mra jêng rai, bri dak mra jêng rngol jêh ri khân may mra gĭt Gâp jêng Brah Yêhôva.’”

Êsêkiêl 20:23

Tâm ban lĕ Gâp hŏ yơr ti ton đah khân păng tâm bri rdah pô aơ Gâp mra ƀư ma khân păng chah rai pru pra ta nklang lĕ rngôch phung ƀon lan jêh ri mprơh du tâm âk bri dak,

Êsêkiêl 22:15

Gâp mra ƀư ma may chah rai pru pra du ta nklang ntil mpôl bunuyh êng, mprơh may lam bri dak êng, jêh ri Gâp mra ƀư rai lơi nau ƀơ̆ ƀơch tă bơh nklang may.

Êsêkiêl 5:2

Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Amôt 9:4

Nđâp tơlah khân păng hăn jêng bu nă Ta nây, Gâp mra ntĭnh ma đao, hăn nkhĭt lơi khân păng. Nanê̆ ngăn măt Gâp mra gŭ uănh khân păng Gay ƀư nau mhĭk mâu di nau ueh ôh.”

Sakari 7:14

Gâp ƀư ăn pru pra khân păng nâm bu sial vănh blông ta nklang lĕ rngôch ntil mpôl bunuyh khân păng mâu mâp gĭt năl ôh. Pôri bri neh pakơi khân păng kŏ tât jêng rngol mâu hôm geh ôh bunuyh brô̆ nsong. Khân păng hŏ ƀư ăn bri dak ueh maak jêng rngot.’”

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Vay Nkah Tay 4:27

Brah Yêhôva mra tâm nkhah khân may ta nklang phung ndŭl mpôl bunuyh, knŏng hôm e djê̆ dơm tâm ăp bri dak, ntŭk Brah Yêhôva mra nsot khân may tât.

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!