Kan Lêvi 26:30 - Nau Brah Ndu Ngơi 2023

³⁰ Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Kan Lêvi 26:30 ပူးပေါင်းရင်းမြစ်များ

Nau Ntơm 19:13

Hên ntơm ƀư rai ntŭk aơ, yorlah nau vơh vơl phung ƀon lan tâm ƀon aơ hŏ tât ta Brah Yêhôva, jêh ri Păng hŏ đă hên hăn gay ƀư rai lơi ƀon aơ.”

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

I Phung Hađăch 13:32

Yorlah lĕ nau ngơi păng tông bâr nau ntăm Brah Yêhôva nter tâm rdâng đah nơng ƀư brah ta Bêthel jêh ri lĕ jây rhŏ brah ta klơ lĕ ntŭk prêh gŭ tâm ƀon Samari nanê̆ mra dơi tât di ngăn.”

II Phung Hađăch 23:16

Y-Jôsia rle n'gĭl uănh pakơi saơ lĕ môch ta klơ yôk. Hađăch prơh bunuyh hăn sŏk nting tâm lĕ môch nây, jêh nây gŭch nting nây ta klơ nơng ƀư brah, ƀư ƀơ̆ nơng ƀư brah, tĭng nâm nau Brah Yêhôva ngơi jêh bơh bunuyh Brah Ndu, nơm mbơh lor jêh nau nây, dôl Y-Jêrôbôam gŭ nsrâng ta nơng ƀư brah tâm nau nar rƀŭn. Hađăch Jôsia rle n'gĭl n'gơr uănh môch bunuyh Brah Ndu, jêng nơm hŏ lah lor ma lĕ nau nây.

II Phung Hađăch 23:20

Hađăch nkhĭt lĕ rngôch phung kôranh ƀư brah ma lĕ ntŭk prêh klơ ta lĕ nơng ƀư brah, jêh ri gŭch nting khân păng ta klơ nây, jêh nây plơ̆ sĭt ma ƀon Yêrusalem.

II Phung Hađăch 23:8

Hađăch Jôsia rƀŭn rgum lĕ rngôch phung kôranh ƀư brah tă bơh lĕ rngôch ƀon Yuđa, jêh ri ƀư ƀơ̆ lơi lĕ ntŭk prêh klơ, ta nây phung kôranh ƀư brah hŏ su ndơ ƀâu kah, ntơm bơh Gêba tât ma Bêr-Sêba. Hađăch ƀư rlâm lơi nơng ntŭk mbah bu hŏ njêng jêh ta mpông ƀon, êp kêng mpông pêr Y-Yôsuê, kôranh chiă uănh ƀon, gŭ ta mpeh pa chiau, ntŭk lăp mpông ƀon.

II Nau Rêh Jêng 23:17

Pakơi nây, lĕ rngôch phung ƀon lan hăn tât ta ntŭk yơk mbah brah Baal gay ƀư rlâm lơi păng; khân păng mbang nchah nơng ƀư brah jêh ri rup brah păng, jêh nây nkhĭt Y-Matan, kôranh ƀư brah ma brah Baal, ta panăp nơng ƀư brah.

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

Nau Mprơ Ơm 106:40

Yor nây, nau Brah Yêhôva hao ji nuih ma phung ƀon lan Păng, Păng tâm rmot ngăn ma drăp ndơn Păng.

Nau Mprơ Ơm 89:38

Ƀiălah aƀaơ May chalơi jêh ri mưch păng, Ji nuih ma păng nơm May troch jêh dak ngi.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Êsêkiêl 16:39

Gâp ăt jao ay tâm ti khân păng; khân păng mra ƀư rai lơi nơng ƀư brah jêh ri tŭn jot lĕ ntŭk prêh ay; doh lơi bok ao, ndơ ay nkrơ̆ gay ma ay gŭ săk hưl, rhôk.

Êsêkiêl 43:7

Bunuyh nây lah ma gâp: “Hơi kon bunuyh, aơ yơh jêng ntŭk dơm sưng hađăch Gâp, jêng ntŭk ăn mpang jâng Gâp. Ta aơ, Gâp mra gŭ ta nklang phung kon sau ƀon lan Israel kŏ tât n'ho ro. Ntơm bơh abaơ let kăndơ̆, ngih Israel lĕ rngôch phung ƀon lan jêh ri phung hađăch khân păng mâu mra ƀư ƀơ̆ đŏng ôh amoh kloh ueh Gâp yor nau văng tĭr khân păng jêh ri yor ma săk jăn khĭt phung hađăch khân păng ta klơ lĕ ntŭk prêh đŏng ôh.

Êsêkiêl 6:13

Tơlah phung bu nkhĭt khân păng lâng khĭt ta nklang phung rup brah gŭ jŭm nơng ƀư brah, ta klơ yôk prêh, ta klơ lĕ rngôch n'gơn yôk, tâm dâng ăp tơm si ndrêh jêh ri tơm n'ho pŭm, ăp ntŭk khân păng nhhơr ndơ ƀâu kah ma lĕ rngôch rup brah khân păng, nôk nây khân may mra gĭt Gâp jêng Yêhôva.

Ndrom Samƀŭt bơh Ôsê 10:2

Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Kan Lêvi 20:23

Khân may mâu dơi ƀư tĭng ndô̆ nau vay lĕ phung ƀon lan Gâp mra nsot lơi tă bơh năp khân may, yorlah khân păng hŏ ƀư jêh lĕ nau nây jêh ri Gâp tâm rmot ngăn ma khân păng.

Kan Lêvi 26:11

Gâp mra ƀư ntŭk Gâp gŭ ta nklang khân may, nuih n'hâm Gâp mâu mra tâm rmot ma khân may ôh.

Kan Lêvi 26:15

dun lĕ nau vay dăp bơh Gâp jêh ri nuih n'hâm khân may dĭl khek ma nau Gâp đă, yor nây khân may mâu ƀư tĭng kơt lĕ nau vay ntăm jêh ri ƀư rai lơi nau tâm rnglăp bơh Gâp,

Amôt 6:8

Kôranh Brah Yêhôva jêng Brah Ndu ma phung tahan; Kôranh Brah Yêhôva sơm ton Păng Nơm lah pô aơ, “Gâp tâm rmot ma phung Yakôb sưr jêh ri tâm rmot ma ngih nâp păng. Gâp mra jao ƀon toyh aơ jêh ri lĕ rngôch ndơ tâm păng ma phung rlăng.”

Amôt 7:9

Lĕ ntŭk prêh Y-Isăk mra jêng rngol, Lĕ ntŭk kloh ueh Israel mra rai, Jêh ri Gâp mra sŏk đao ƀư rai ngih Y-Jêrôbôam.”

Nau Vay Nkah Tay 32:19

Brah Yêhôva saơ nau nây jêh ri chalơi khân păng Yor phung kon bu klâu, bu ur Păng hŏ nsônh nau Păng ji nuih.