Kan Lêvi 26:29 - Nau Brah Ndu Ngơi 2023

²⁹ Khân may mra sa puăch kon bu klâu kon bu ur khân may nơm;

Kan Lêvi 26:29 ပူးပေါင်းရင်းမြစ်များ

Yêrêmi 19:9

Gâp mra ƀư ăn khân păng sa puăch phung kon bu klâu kon bu ur khân păng nơm. Dôl rnôk bu nchueng jŭm, geh phung rlăng jêh ri phung joi ŭch ƀư rai nau rêh njŭn ma nau rêh ni, khân păng sa puăch ndrăng băl khân păng nơm.’

Nau Nhĭm Vơl 2:20

Ơ Brah Yêhôva dăn mêt uănh! Mbu may hŏ ƀư nâm bu pô aơ? Mâm ƀư me păng sa lơi play proch khŭng păng nơm, Nây jêng phung kon păng nơm dôl ut ra u tâm ti? Mâm ƀư kôranh ƀư brah jêh ri nơm mbơh lor Geh lĕ bu nkhĭt tâm jrô kloh ueh Kôranh Brah?

Nau Nhĭm Vơl 4:10

Bar ti mê̆ bêng ma nuih n'hâm yô̆ klâng ngăn, Hôm gâm puăch kon păng nơm; Njêng khân păng jêng ndơ sông sa Tâm nôk bu jot plên phung bu ur ƀon lan gâp.

Êsêkiêl 5:10

Yor ri, tâm nklang may, mbơ̆ mra sa puăch kon, kon mra sa puăch mbơ̆. Gâp mra ƀư ăn nau phat dôih tât ta may, jêh ri Gâp mra ƀư lĕ rngôch phung bunuyh may hôm e klen ăn păng nchah rai pru pra tĭng ăp mpeh sial.’”

Mathay 24:19

Tâm lĕ nar nây, rêh ni ngăn yơh ma bu ur bă ntreo nđâp ma bu ur hôm ăn kon pu toh!

Luka 23:29

Yorlah aơ, lĕ nar dăch tât, bu mra lah: ‘Ueh maak yơh ma bu ur mâu bă kon, ma ndŭl proch mâu bă ntreo jêh ri toh mâu ăn ma kon pu toh!’