Kan Lêvi 26:26 - Nau Brah Ndu Ngơi 2023

²⁶ Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Kan Lêvi 26:26 ပူးပေါင်းရင်းမြစ်များ

II Phung Hađăch 6:25

Yorlah ƀon lĕ bu nchueng jŏ nar jêh, pôri ta ƀon Samari tât geh nau ji ngot toyh ngăn kŏ tât du bôk seh bri bu tăch pham jât glo prăk, jêh ri du khăl jê̆ ek sĭm plŭk bu tăch prăm glo prăk.

Nau Mprơ Ơm 105:16

Păng ăn nau ji ngot tât ta n'gor Jêh ri sŏk lơi lĕ ndơ sông sa.

Êsai 3:1

Aơ, Kôranh Brah jêng Brah Yêhôva ma phung tahan Mra sŏk rdu lơi bơh Yêrusalem jêh ri bri Yuđa Tu nau kâp kơl jêh ri ntŭk rnơm, Nĕ jêng lĕ tu ăn ma ƀănh jêh ri dak.

Êsai 5:10

Du đang krăk ƀâu klăp lah puăn hectar Geh knŏng bar jât ma bar lit ndrănh krăk ƀâu; Bar rhiăng bar jât lit găr ntil Geh knŏng bar jât ma bar lit ba.”

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Êsai 9:20

Phung Manasê tâm rdâng đah phung Êphraim, phung Êphraim tâm rdâng đah phung Manasê, Jêh ri ndrel n'grŭp khân păng tâm rdâng ma phung Yuđa. Nđâp ma lĕ nau nây kđôi, nau Păng ji nuih mâu du ôh, Ƀiălah ti Păng ăt hôm yơr!

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Êsêkiêl 4:10

Ndơ sông sa may mra sa ăp nar jâk klăp lah bar rhiăng gram; jêh ri may mra sa tĭng mông tâm nal.

Êsêkiêl 4:16

Jêh nây Păng lah tay: “Hơi kon bunuyh, aơ, Gâp mâu ăn ôh piăng let tâm ƀon Yêrusalem, khân păng mra veh piăng let sa tâm nau klach, nhueh dak nhêt tâm nau krit toyh ngăn.

Êsêkiêl 4:17

Yor pưt piăng let jêh ri dak, khân păng uănh ndrăng ma nau krit toyh jêh ri ra ai huơi yor ma nau tih khân păng nơm.”

Êsêkiêl 5:16

Gâp mra pănh tâm khân may ma lĕ chiông hăr kăch jêng nau sa sât ji ngot gay ƀư rai khân may; Gâp mra pănh gay ƀư rai khân may. Gâp mra ntop ăn nau sât ji ngot ma khân may jêh ri mâu mra ăn ndơ sông sa ma khân may.

Ndrom Samƀŭt bơh Ôsê 4:10

Khân păng mra sông sa ƀiălah mâu hơm ôh, Khân păng ƀư nau văng tĭr ƀiălah mâu bĭk rơ̆ lĕ; Yorlah khân păng lĕ chalơi jêh Brah Yêhôva, Hăn tĭng phung brah êng.

Kan Lêvi 26:27

Tơlah tât kơt nây jêh, ƀiălah khân may ăt mâu ŭch iăt Gâp, hôm ma tâm rdâng đah Gâp,

Mika 6:14

May mra sông sa ƀiălah mâu dơi hơm, Khŭng may hôm e nsoih; May mra bun ndơ ƀiălah mâu geh ôh prăp; Jêh ri moh ndơ may geh prăp pôri Gâp mra jao ma đao.

Ndrom Samƀŭt bơh Agê 1:6

Khân may srih âk ƀiălah rek ƀhôi, ƀiălah sa mâu hơm, nhêt ƀiălah mâu bah ji hir, nsoh n'gut ƀiălah mâu răm ntơh; jêh ri bunuyh pah kan nkhôm pôri prăp prăk rnoh bu nkhôm tâm trôm dŭng bluh.’