Kan Lêvi 26:22 - Nau Brah Ndu Ngơi 2023

²² Gâp mra mƀơk âk mpô mpa bri janh tât jêh ri ntŭng sŏk phung kon khân may, ƀư rai mpô mpa rong jêh ri ƀư ma rnoh bunuyh khân may n'hŭch kŏ tât lĕ trong jêng hŏng.

Kan Lêvi 26:22 ပူးပေါင်းရင်းမြစ်များ

II Phung Hađăch 17:25

Tơlah khân păng ntơm gŭ ta nây, khân păng mâu klach yơk ôh ma Brah Yêhôva, yor nây Brah Yêhôva prơh yau mŭr hăn tât kăp nkhĭt âk bunuyh tâm khân păng.

II Phung Hađăch 2:24

Păng n'gĭl uănh pakơi jêh ri sŏk amoh Brah Yêhôva gay rak rtăp khân păng. Ta nây ro geh bar mlâm kau me luh tă bơh tâm krŏng, kăp nkhêk puăn jât ma bar nuyh tâm phung kon se ndăm nây.

II Nau Rêh Jêng 15:5

Tâm rnôk nây, mâu geh du huê nuyh luh mâu lah lăp dơi geh nau đăp mpăn ôh, yorlah lĕ rngôch ƀon lan bơh lĕ bri dak geh nau rŭng răng da dê.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Êsai 33:8

Trong toyh jêng rngot njăp, Bu mâu hôm hăn ta trong ôh; Bu hŏ ƀư rai nau tâm rnglăp, Mưch rmot ma phung mbơh, Mâu chrê ma bunuyh ôh.

Yêrêmi 15:3

Brah Yêhôva lah: “Gâp mra nkhŭt ta klơ khân păng puăn ntil nau mhĭk tât: đao gay ƀư nkhĭt, so gay sa hêk săk jăn, sĭm klơ trôk jêh ri mpô mpa bri ta klơ neh gay sa rvăn jêh ri ƀư rai.

Yêrêmi 42:2

văch tât da dê lah ma nơm mbơh lor Y-Yêrêmi: “Dăn may dơn hom nau ŭch dăn hên gay mbơh sơm ma Yêhôva Brah Ndu may ăn ma hên, jêng phung bunuyh hôm klen gŭ ta aơ. Nâm bu may saơ jêh, hên knŏng hôm e djê̆ dơm mâu geh âk tâm ban ma saơm.

Nau Nhĭm Vơl 1:4

Trong hăn ma ƀon Siôn rngot klâng ngăn Yorlah mâu hôm geh nơm tât tâm nar rƀŭn. Lĕ rngôch mpông pêr păng jêng rngol, Phung kôranh ƀư brah nter vơl; Phung bu ur druh tang tat păng rngot klâng. Nau rêh păng gŭ tâm nau rngot ngăn.

Êsêkiêl 14:15

Tơlah Gâp ăn mpa bri janh hăn ăp ntŭk ƀư rai lơi jêh ri ƀư ăn ma bri nây jêng rngol, kŏ tât mâu hôm geh bunuyh hăn prot yorlah klach mpô mpa nây;

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Êsêkiêl 33:28

Gâp mra ƀư bri aơ jêng rngol, rngot njăp, nau dăng ktang păng ƀư sưr rlau mra rai lôch; lĕ yôk Israel mra jêng rngol kŏ tât mâu geh du huê nuyh prot rgăn ta nây đŏng ôh.

Êsêkiêl 5:17

Gâp mra nkhŭt nau sa sât ji ngot tât ma khân may jêh ri njuăl mpô mpa bri sa hêk phung kon khân may. Nau ji tưp jêh ri nau pling mham mra tât ma ta nklang khân may, jêh ri Gâp mra dŏng tak đao tât đŏng ma khân may. Gâp yơh jêng Brah Yêhôva hŏ lah jêh pônây!”

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!

Sakari 7:14

Gâp ƀư ăn pru pra khân păng nâm bu sial vănh blông ta nklang lĕ rngôch ntil mpôl bunuyh khân păng mâu mâp gĭt năl ôh. Pôri bri neh pakơi khân păng kŏ tât jêng rngol mâu hôm geh ôh bunuyh brô̆ nsong. Khân păng hŏ ƀư ăn bri dak ueh maak jêng rngot.’”

Nau Vay Nkah Tay 32:24

Khân păng mra huănh hươi yor ma nau ji ngot, Lĕ huăr yorlah nau duh hâu ngăn, Roh rai yor nau ji tưp mhĭk. Gâp mra đă mpa bri janh, Jêh ri dak kăch bơh lĕ ntil bêh tâm ndruyh neh văch mra ƀư mhĭk khân păng.

Phung Kôranh Phat Dôih 5:6

Tâm nar Y-Samgar, kon bu klâu Y-Anat, Tâm rnôk H'Jael, bu chalơi lĕ trong toyh, Bu năch hăn jâng ƀoi lĕ rlong kue.