Kan Lêvi 26:20 - Nau Brah Ndu Ngơi 2023

²⁰ n'hâm suan khân may mra roh dơm dam, neh tâm n'gor khân may mâu deh kao play ôh, tơm si mâu geh play.

Kan Lêvi 26:20 ပူးပေါင်းရင်းမြစ်များ

Nau Ntơm 4:12

Tơlah may pah kan mir, neh mâu mra geh play âk ma may. May mra du krap jêh ri nsong mblêng ta klơ neh ntu.”

I Phung Hađăch 18:2

Y-Êli hăn tâm mâp đah Y-Ahap. Rnôk nây, ta Samari geh nau ji ngot toyh hâu ngăn.

Ndrom Samƀŭt bơh Yôp 31:40

Pôri ăn pôm lok hon ntrok ba ƀlê, Jêh ri gơ̆ mhĭk ntrok ma ba ôrgơ!” Tât ta aơ nau Y-Yôp ngơi lôch jêh.

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Nau Mprơ Ơm 127:1

Tơlah Brah Yêhôva mâu rdâk ngih Phung rdâk pah kan dơm dam. Tơlah Brah Yêhôva mâu gak njrăng ƀon, Pôri nơm tahan gak rngeh lĕ măng jêng dơm dam .

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 17:11

Ta nar may tăm, may saơ păng văch ma toyh, Tâm kêng ôi, găr ntil chăt nse jêh ri dang kao; Ƀiălah tâm nar geh nau rngot ji ngăn Pôri yan kăch roih roh lĕ!

Êsai 49:4

Bi gâp, gâp lah: “Gâp hŏ pah kan jêh dơm dam, Gâp hŏ dŏng nau n'hâm suan ma nau dơm dam jêh ri mâu dơi jêng ôh.” Ƀiălah Brah Yêhôva mra phat dôih sŏng ma gâp, Kôranh Bah mra ăn nau nkhôm ma gâp.

Yêrêmi 12:13

Khân păng srih ba ƀlê jêh ri rek pôm lok, Hŏt rgănh mâu geh nau khlay ôh. Bêk prêng hom ma kao play khân păng, Yorlah nau Brah Yêhôva ji nuih hâu ngăn!”

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.

Kan Lêvi 26:4

Gâp mra ăn ma khân may dak mih di yan sial di keh, neh mra geh kao play jêh ri tơm si tâm mir mra geh play.

Habakuk 2:13

Nĕ, mâm mâu di jêng tă bơh Brah Yêhôva ma phung tahan Dĭng phung ƀon lan pah kan hŏt rơah gay ƀư ndơ prăp ma ŭnh sa, Jêh ri lĕ bri dak hŏt rgănh ma nau dơm dam lĕ?

Ndrom Samƀŭt bơh Agê 2:16

pôri mâm ƀư tâm rnôk nây? Lah bu tât ndrel ta du mbŭch ba tâm di bar jât ndơ nhueh, geh knŏng jât dơm; jêh ri lah bu văch ndrel tât ta drŏng păt ndrănh tâm di prăm jât ndơ nhueh geh knŏng bar jât.

I Kôrintô 3:6

Gâp tăm jêh, Y-Apôlôs djrah dak jêh, ƀiălah Brah Ndu hŏ ƀư văch ma toyh jêh.

Galati 4:11

Gâp rvê klach ma khân may, klach lah gâp pah kan jâk jêr dơm dam jêh ma khân may.

Nau Vay Nkah Tay 11:17

ƀư ma Yêhôva ji nuih ma khân may, jêh nây Păng nchăng lĕ ndâr trôk gay mâu ăn ôh geh dak mih, neh mâu geh kao play ôh, jêh ri khân may mra rai lôch ro bơh n'gor ueh Brah Yêhôva ăn ma khân may.

Nau Vay Nkah Tay 28:18

Play bơh ndŭl proch săk jăn khân may, kao play bơh neh khân may, lĕ biăp kon nđâp ndrôk kon khân may mra geh nau rak rtăp da dê.

Nau Vay Nkah Tay 28:42

Krah mra sa lĕ jêh tơm si jêh ri play do bơh neh khân may.

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.