Kan Lêvi 26:17 - Nau Brah Ndu Ngơi 2023

¹⁷ Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Kan Lêvi 26:17 ပူးပေါင်းရင်းမြစ်များ

Nau Ntơm 4:12

Tơlah may pah kan mir, neh mâu mra geh play âk ma may. May mra du krap jêh ri nsong mblêng ta klơ neh ntu.”

I Phung Hađăch 8:33

Tơlah Israel, phung ƀon lan May, yor ƀư tih đah May, jêh nây phung rlăng lơh rai khân păng, tơlah khân păng plơ̆ sĭt ma May, mbơh amoh May jêh ri mbơh sơm vơl dăn ma May tâm ngih brah aơ,

II Phung Hađăch 13:3

Yor ri, Brah Yêhôva ji nuih ma phung Israel, Păng jao khân păng tâm ti Y-Hasael, hađăch Aram, jêh ri tâm ti Y-Ben-Hadat, kon bu klâu Y-Hasael, tâm rnôk rô̆ bar hê phung hađăch nây chiă uănh.

II Phung Hađăch 13:7

Kôranh Brah mâu hôm ôh om moh ndơ ma phung tahan Y-Jôacha, knŏng om ma păng prăm jât nuyh tahan ncho seh, jât bôk ndeh seh, jêh ri du rmưn tahan hăn jâng. Yorlah hađăch Aram ƀư rai jêh ri ƀư nchah rai phung tahan Israel nâm bu ndruyh neh tâm ntŭk mprah ba.

Nau Mprơ Ơm 44:10

May ăn hên rŭch jêh tanăp phung rlăng Jêh ri phung tâm rmot ma hên ntŭng pit drăp ndơ.

Nau Mprơ Ơm 53:5

Ntŭk mâu geh nau klach krit, Ƀiălah khân păng klach krit hâu ngăn. Yorlah Brah Ndu srih nting phung hăn tâm lơh đah phung ƀon lan Păng; Jêh ri khân păng mra geh nau bêk prêng, yorlah Brah Ndu chalơi khân păng.

Nau Mprơ Ơm 53:6

Ơ! ŭch ngăn ma nau tâm rklaih phung Israel, văch tă bơh Siôn! Tơlah Brah Ndu djôt leo phung ƀon lan Păng plơ̆ sĭt tă bơh n'gor ƀư bu nă. Yakôb mra răm rhơn jêh ri phung Israel hâk maak.

Nau Hôr 28:1

Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Êsai 30:17

Du huê thăm rmat, du rbăn nuyh nchuăt du; Prăm nuyh thăm rmat, khân may nchuăt da dê Kŏ tât nôk khân may hôm klen Tâm ban ma n'gâng n'ha kơ ta klơ n'gơn yôk, Tâm ban ma n'ha kơ ta klơ gôl.”

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Yêrêmi 19:7

Ta ntŭk aơ, Gâp mra ƀư rai lơi nau ƀư nchră phung Yuđa jêh ri phung Yêrusalem, Gâp mra ăn ma khân păng cha lôt prah tâm dâng mpiăt đao tanăp phung rlăng, jêh ri tâm dâng ti ma phung joi ŭch ƀư rai nau rêh khân păng. Gâp mra jao săk jăn khĭt khân păng ƀư ndơ sa ăn ma sĭm klơ trôk jêh ri mpô mpa bri.

Yêrêmi 44:11

Yor nây, Brah Yêhôva ma phung tahan, Brah Ndu Israel, lah: ‘Aơ, Gâp tâm nal nkhŭt nau mhĭk tât ăn ma khân may jêh ri ngroh lơi lĕ rngôch phung Yuđa.

Nau Nhĭm Vơl 1:5

Phung rlăng păng jêng nơm chiă uănh, Phung rlăng păng geh nau chăt hao, Yorlah Brah Yêhôva ƀư ăn ma păng rêh ni Yor nau tih păng âk ir. Phung kon păng lĕ bu nhŭp jêh, Njŭn leo hăn ƀư bu nă tanăp phung rlăng.

Nau Nhĭm Vơl 2:4

Păng van jêh na păng nâm bu phung rlăng, Ti pa ma Păng yơr hao nâm bu du huê rlăng; Păng hŏ nkhĭt lĕ rngôch phung ƀư maak măt hên uănh. Păng nkhŭt nau păng ji nuih nâm bu ŭnh Tâm ngih bok kon druh Siôn.

Êsêkiêl 15:7

Gâp mra rle muh măt tâm rdâng đah khân păng. Khân păng mra luh tă bơh ŭnh ƀiălah ŭnh mra sa khân păng, jêh ri tơlah Gâp rle muh măt tâm rdâng đah khân păng, pôri khân may mra gĭt Gâp jêng Brah Yêhôva.

Kan Lêvi 17:10

‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Yôsuê 7:4

Pônây geh klăp lah tâm pe rbăn nuyh hăn hao ta nây ƀiălah khân păng nchuăt du panăp phung Ai.

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.

Phung Kôranh Phat Dôih 3:14

Phung ƀon lan Israel pah kan ma Y-Êglon, hađăch n'gor Môap, tâm jât ma pham năm.

Phung Kôranh Phat Dôih 3:8

Yor ri, Brah Yêhôva hao ji nuih ma phung Israel, Păng jao khân păng tâm ti Y-Kusan-Risathaim, hađăch Aram Naharadim. Ăn phung ƀon lan Israel pah kan Y-Kusan-Risathaim tâm pham năm.

Phung Kôranh Phat Dôih 6:2

Ti phung Madian tŭn jot phung Israel. Yor klach ma phung Madian rĭ dĭng phung ƀon lan Israel hŏ ƀư ntŭk du krap tâm trôm yôk, trôm ntu, jêh ri ƀư pôih.

I Samuel 12:15

Bi tơlah khân may mâu tông ôh bâr Brah Yêhôva, ƀiălah tâm rdâng đah nau vay Păng ntăm, ti Brah Yêhôva mra ƀư mhĭk ma khân may nâm bu păng hŏ ƀư mhĭk ma chô yau khân may.

I Samuel 31:1

Rnôk nây, phung Philistin tâm lơh đah phung Israel. Phung tahan Israel nchuăt du panăp phung Philistin, jêh ri âk nuyh tâm phung khân păng bu khĭt, cha lôt khĭt ta klơ yôk Gilbôa.

I Samuel 4:10

Phung Philistin tâm lơh, jêh ri dơi lơh phung Israel, ăp nơm nchuăt du sĭt leo ma pôih khân păng nơm. Nây jêng du nau tâm lơh roh rai toyh ngăn ngên, geh pe rmưn nuyh tahan hăn jâng Israel lĕ cha lôt khĭt jêh.