Kan Lêvi 26:16 - Nau Brah Ndu Ngơi 2023

¹⁶ Gâp mra ƀư lĕ nau ma khân may: Gâp mra nkhŭt nau krit kir tât ma khân may, nau ji khô hiăn jêh ri nau ji kăt, ƀư vĭr măt khân may jêh ri ƀư rngot nuih n'hâm khân may. Khân may mra huăr srih ntil yorlah phung rlăng đah khân may mra sa lĕ ndơ nây.

Kan Lêvi 26:16 ပူးပေါင်းရင်းမြစ်များ

I Phung Hađăch 8:37

Tơlah tâm n'gor bri geh nau ji ngot, nau ji tưp, mâu lah prăng phang, hon sêt-o, krah ndrach, krah nsăt, mâu lah geh phung rlăng nchueng jŭm lĕ mpông ƀon khân păng gŭ, mâu lah ăp nau mhĭk, nau ji;

Ndrom Samƀŭt bơh Yôp 18:11

Nau klach krit gŭ jŭm ƀư krit ngăn, Jêh ri tĭng groi pakơi ndơl jâng păng.

Ndrom Samƀŭt bơh Yôp 20:25

Lah tŏk chiông hăr luh bơh săk păng, Jêh ri chiông đao ang nchrat luh bơh klơm păng, Pôri nau klach krit nchueng jŭm păng.

Ndrom Samƀŭt bơh Yôp 31:8

Pôri nơm êng mra geh kao play gâp srih, Jêh ri moh ndơ gâp tăm bu mra rôk lơi!

Nau Mprơ Ơm 109:6

Dăn njuăl bunuyh ƀai tâm rdâng đah păng. Jêh ri dơm du huê bunuyh phong gŭ mpeh pa ma păng.

Nau Mprơ Ơm 73:19

Ri, bu ƀư rai khân păng tâm ƀât lât, Nau klach toyh ƀư ma khân păng roh rai.

Nau Mprơ Ơm 78:33

Yor ri, Brah Ndu ƀư roh nar khân păng tâm nau n'hâm nsôr, Năm khay khân păng nglĕ dŭt tâm nau klach ngăn.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Hôr 3:33

Nau Brah Yêhôva rak rtăp gŭ tâm ngih phung ƀai, Ƀiălah Păng ăn nau ueh uĭn ma ngih nơm sŏng srăng.

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 62:8

Brah Yêhôva hŏ yơr ti ma Jêh ri ti nau brah Păng sơm ton: “Gâp mâu mra ăn ôh ba may Jêng ndơ sông sa ma phung rlăng đah may; Phung bu năch mâu mra dơi nhêt ndrănh krăk ƀâu mhe May hŏ ƀư jêh tâm nau jâk jêr.

Êsai 7:2

Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Yêrêmi 12:13

Khân păng srih ba ƀlê jêh ri rek pôm lok, Hŏt rgănh mâu geh nau khlay ôh. Bêk prêng hom ma kao play khân păng, Yorlah nau Brah Yêhôva ji nuih hâu ngăn!”

Yêrêmi 15:3

Brah Yêhôva lah: “Gâp mra nkhŭt ta klơ khân păng puăn ntil nau mhĭk tât: đao gay ƀư nkhĭt, so gay sa hêk săk jăn, sĭm klơ trôk jêh ri mpô mpa bri ta klơ neh gay sa rvăn jêh ri ƀư rai.

Yêrêmi 15:8

Bu ur ndrô mra hao Âk lơn choih dak mƀŭt. Gâp hŏ mprơh nơm ƀư rai tât nar nklang bôk, Ƀư nau mhĭk ma mê̆ phung tahan bu klâu ndăm. Ƀât lât, Gâp mra nkhŭt ta klơ khân păng Nau rngot klâng jêh ri klach krit.

Yêrêmi 20:4

Yorlah Brah Yêhôva lah: ‘Aơ, Gâp mra ƀư may jêng nau klach krit ngăn ăn may nơm jêh ri ma lĕ rngôch mĭt jiăng may. Khân păng mra cha lôt khĭt tâm dâng đao phung rlăng jêh ri măt may nơm saơ nau nây. Gâp mra jao lĕ rngôch phung ƀon lan Yuđa tâm ti hađăch Babilôn, hađăch nây mra njŭn leo khân păng jêng bu nă ma bri Babilôn jêh ri dŏng đao nkhĭt khân păng.

Yêrêmi 5:17

Khân păng mra sa lĕ ba jêh ri ndơ sông sa may, Sa kon bu klâu, kon bu ur may; Sa lĕ phung biăp phung ndrôk may, Sa tơm krăk ƀâu jêh ri tơm rvi may. Sŏk đao ƀư rai lĕ ƀon nâp may, May vay rnơm nsing!”

Êsêkiêl 24:23

Bok khân may mra dơm ta klơ bôk mro, ntâu jot khân may mra nsoh mro tâm jâng; khân may mâu kuăl nhĭm ôh, nhhiăng nhĭm ƀiălah mra huănh hươi yor nau tih khân ay may nơm, jêh ri khân may tâm vơl ndrel ndrăng nơm dơm.

Êsêkiêl 33:10

Hơi kon bunuyh, lah hom ma ngih Israel pô aơ: ‘Khân may lah: Yor nau mhĭk jêh ri nau tih hên bun jâk ta klơ hên ƀư ăn ma hên rgănh hâu ngăn yor păng; mâm dơi hên rêh?’

Amôt 5:11

Yorlah khân may tŭn jot bunuyh o ach, Jêh ri đă khân păng chê̆ pi ba ƀlê; Yor ri, lĕ ngih khân may ndâk ma lŭ trah Ƀiălah khân may mâu mra gŭ ôh, Khân may hŏ tăm jêh lĕ đang krăk ƀâu kah njŭng, Ƀiălah mâu mra nhêt ndrănh păng ôh.

Mika 6:15

May mra srih ƀiălah mâu geh ôh rek; May mra păt dak ngi ôlive ƀiălah mâu geh mhĭng dak ƀâu kah; May mra jot dak krăk ƀâu ƀiălah mâu geh ôh nhêt ndrănh.

Ndrom Samƀŭt bơh Agê 1:6

Khân may srih âk ƀiălah rek ƀhôi, ƀiălah sa mâu hơm, nhêt ƀiălah mâu bah ji hir, nsoh n'gut ƀiălah mâu răm ntơh; jêh ri bunuyh pah kan nkhôm pôri prăp prăk rnoh bu nkhôm tâm trôm dŭng bluh.’

Sakari 14:12

Aơ jêng nau rêh ni Brah Yêhôva ƀư gay phat dôih tâm rmal ma lĕ rngôch phung ƀon lan hăn tâm lơh đah Yêrusalem: Păng mra ƀư ma ăp nơm, dôl jâng khân păng hôm dâk nglay săk khân păng mra ôm, măt khân păng ôm tâm trôm ndăr măt, mpiăt khân păng ôm tâm trôm mbung păng.

Malachi 2:3

“Aơ, yor khân may, Gâp mra nduyh ma noi deh khân may, jêh ri mra srih ek ta muh măt khân may, nâm bu ntĭt ek mpa ƀư brah khân may nhhơr tâm ăp nau rƀŭn; bu mra mprơh khân may du ndrel ma ek nây.

Nau Vay Nkah Tay 28:51

Khân păng mra sa mpô mpa rong, play kao bơh neh khân may kŏ tât khân may rai lôch. Khân păng mâu mra lơi ôh ma khân may ba, ndrănh, dak ngi, ndrôk kon mâu lah biăp kon kŏ tât khân may rai lôch.

Nau Vay Nkah Tay 32:25

Padih đao mra nkhĭt phung kon, Tâm trôm nau krit kir ngăn Ƀư ma bu klâu ndăm jêh ri bu ur druh, Jêh ri kon se dôl gŭ pu toh nđâp ma bu klâu ranh mra rai lôch da dê.

ហេឞ្រើ 10:31

Tŭp tâm ti Brah Ndu rêh jêng nau klach krit ngăn.

Phung Kôranh Phat Dôih 6:11

Dôl nôk nây tông mpăr Brah Yêhôva tât gŭ tâm dâng tơm n'ho ta ƀon Ôphra, tơm si nây jêng ndơ Y-Jôas, phung Abiêser. Dôl nây kon bu klâu Y-Jôas jêng Y-Gidêôn gŭ mprah ba ôrgơ ta ntŭk bu păt ndrănh gay der ma phung Madian.

I Samuel 2:33

Bi mbu tâm ngih may ma Gâp mâu mprơh ôh tă bơh nơng ƀư brah Gâp, gay ƀư ma măt may hŏt rgănh, nuih n'hâm may geh nau rngot rvê; ƀiălah lĕ rngôch kon sau tâm ngih may mra khĭt dôl hôm ndăm.