Kan Lêvi 26:13 - Nau Brah Ndu Ngơi 2023

¹³ Gâp jêng Yêhôva Brah Ndu khân may, Nơm hŏ ngluh jêh khân may luh bơh Êjipt gay ma khân may mâu hôm đŏng ƀư dĭk. Gâp hŏ nkê̆ch lơi jêh mâng mbăk ma khân may gay ma ăn khân may n'gơr prêh bôk gay hăn sŏng.’

Kan Lêvi 26:13 ပူးပေါင်းရင်းမြစ်များ

Nau Mprơ Ơm 116:16

Ơ Brah Yêhôva, gâp jêng oh mon May; Nanê̆ gâp jêng oh mon May, kon bu klâu oh mon bu ur May; May doh jêh loih nkông gâp.

Nau Ngluh Êjipt 14:8

Brah Yêhôva ƀư dăng nuih Pharaôn, hađăch Êjipt jêh ri păng hăn tĭng phung ƀon lan Israel, tâm nôk phung ƀon lan Israel hăn du luh ma nau janh.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Êsai 51:23

Gâp mra dơm păng tâm ti phung ƀư rêh ni may, Jêng phung lah jêh ma may pô aơ: ‘Lâng bê̆ch hom gay ma hên dơi rgăn!’ Jêh ri ndŭr kơi may jêng tâm ban ma mbon neh, Tâm ban ma trong bu rgăn.”

Êsai 9:3

Yorlah May hŏ pă jêh mâng mbăk jâk, Mâng rpăt ta săng nglik khân păng, Jêh ri mâng nơm tŭn jot khân păng. Nâm bu May hŏ ƀư tâm rnôk Madian.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 28:2

“Brah Yêhôva ma phung tahan, Brah Ndu Israel, lah: ‘Gâp hŏ nkê̆ch lơi mâng mbăk hađăch Babilôn.

Yêrêmi 28:4

Brah Yêhôva lah: ‘Gâp mra njŭn sĭt Y-Jêkônia, kon bu klâu Y-Jêhôjakim, hađăch Yuđa, jêh ri lĕ rngôch phung Yuđa jêng bu nă hăn gŭ jêh tâm bri Babilôn, ăt plơ̆ sĭt tâm ntŭk aơ, yorlah Gâp nkê̆ch lơi mâng mbăk hađăch Babilôn.’”

Êsêkiêl 30:18

Ta ƀon Tahpanhes nôk nar mra ngo klĕng, Tơlah Gâp nkê̆ch pă lĕ mâng mbăk phung Êjipt ta nây, Jêh ri nau dăng ktang bêng ma nau sưr rlau păng mra lôch dŭt. Păng mra geh du ndâr tŭk nkŭm ndâp, Phung kon bu ur păng mra hăn jêng bu nă.

Êsêkiêl 34:27

Tơm si nklang bri mra geh play âk jêh ri neh mra chăt hon jêng ndơ. Khân păng mra gŭ mpăn tâm bri khân păng jêh ri khân păng mra gĭt Gâp jêng Brah Yêhôva tơlah Gâp hŏ nkê̆ch pă jêh lĕ mâng mbăk khân păng, jêh ri hŏ rklaih khân păng tă bơh ti phung nhŭp khân păng ƀư jêng dĭk.

Ndrom Samƀŭt bơh Ôsê 11:4

Gâp hŏ sŏk rse nau ueh, Sŏk rse rvăk nau rŏng mphâk khân păng văch. Gâp jêng nâm bu nơm doh mâng mbăk bơh trôm mbung khân păng, Jêh ri kŭnh gay ăn khân păng sa.

Kan Lêvi 25:38

Gâp jêng Yêhôva Brah Ndu khân may, Nơm ngluh khân may luh bơh bri Êjipt, gay ăn ma khân may neh Kanaan jêh ri ƀư Brah Ndu khân may.’

Kan Lêvi 25:42

Yorlah khân păng jêng phung oh mon Gâp, phung Gâp hŏ ngluh jêh bơh bri Êjipt, bu mâu dơi tăch khân păng tâm ban ma tăch dĭk ôh.

Kan Lêvi 25:55

Yorlah phung ƀon lan Israel jêng phung oh mon Gâp, phung Gâp ngluh jêh bơh bri Êjipt. Gâp jêng Yêhôva Brah Ndu khân may.’ ”

Nahum 1:13

Ƀiălah aƀaơ aơ, Gâp mra nkê̆ch pă mâng mbăk păng tă bơh khân may Jêh ri ăn tăch lơi rse chăp kât khân may.”