Kan Lêvi 26:11 - Nau Brah Ndu Ngơi 2023

¹¹ Gâp mra ƀư ntŭk Gâp gŭ ta nklang khân may, nuih n'hâm Gâp mâu mra tâm rmot ma khân may ôh.

Kan Lêvi 26:11 ပူးပေါင်းရင်းမြစ်များ

II Samuel 7:7

Tâm lam ntŭk Gâp gŭ ta nklang phung ƀon lan Israel, Gâp ê hŏ mâp lah ma du kôranh chiă uănh tâm phung ndŭl mpôl Israel, jêng nơm rmăk biăp ma phung ƀon lan Gâp pô aơ: Mâm dĭng khân may mâu ndâk ôh ma Gâp du mlâm ngih brah ma tơm si sêdar?’

I Phung Hađăch 6:13

Gâp mra gŭ ta nklang phung ƀon lan Israel jêh ri mâu mra chalơi ôh phung Israel jêng phung ƀon lan Gâp.”

I Phung Hađăch 8:13

Ƀiălah gâp ndâk jêh ma May du ngih brah toyh ueh ngăn ngên, Du ntŭk prăp ma May gŭ n'ho ro.”

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

Nau Mprơ Ơm 106:40

Yor nây, nau Brah Yêhôva hao ji nuih ma phung ƀon lan Păng, Păng tâm rmot ngăn ma drăp ndơn Păng.

Nau Mprơ Ơm 76:2

Ngih Bok Păng gŭ tâm ƀon Salem. Jêh ri ntŭk Păng gŭ ta ƀon Siôn.

Nau Mprơ Ơm 78:59

Tăng nau nây, Brah Ndu ji nuih; Păng tâm rmot chalơi ngăn ma phung Israel.

Nau Ngluh Êjipt 25:8

Khân păng mra ƀư ma Gâp du Ngih Brah Kloh Ueh gay Gâp gŭ tâm nklang khân păng.

Nau Ngluh Êjipt 29:45

Jêh ri Gâp mra gŭ ta nklang phung ƀon lan Israel, jêh ri jêng Brah Ndu khân păng.

Nau Ngluh Êjipt 29:46

Khân păng mra gĭt Gâp jêng Yêhôva Brah Ndu khân păng, hŏ njŭn leo khân păng luh bơh n'gor Êjipt gay ma Gâp dơi gŭ ta nklang khân păng. Gâp jêng Yêhôva Brah Ndu khân păng.”

Yêrêmi 14:21

Yor amoh May, lơi ta mƀăr lơi, Lơi ta uănh dơm dam ôh sưng hađăch chrêk lơp May. Ăn May kah gĭt tay jêh ri lơi ta ngroh lơi Nau tâm rnglăp May hŏ njêng ma hên.

Nau Nhĭm Vơl 2:7

Păng hŏ mƀăr lơi jêh nơng ƀư brah, Tâm rmot lơi ntŭk kloh ueh; Păng hŏ jao jêh mpêr ngih hađăch ƀon Siôn Tâm ti phung rlăng; Khân păng troh nter tâm ngih Brah Yêhôva Nâm bu tâm nar rƀŭn.

Yôel 2:27

Khân may mra gĭt pô aơ Gâp gŭ ta nklang phung Israel, Jêh ri gĭt pô aơ Gâp jêng Yêhôva Brah Ndu khân may, Mâu hôm geh nơm êng ôh. Phung ƀon lan Gâp mâu mra geh nau bêk prêng đŏng ôh.

Kan Lêvi 20:23

Khân may mâu dơi ƀư tĭng ndô̆ nau vay lĕ phung ƀon lan Gâp mra nsot lơi tă bơh năp khân may, yorlah khân păng hŏ ƀư jêh lĕ nau nây jêh ri Gâp tâm rmot ngăn ma khân păng.

Kan Lêvi 26:15

dun lĕ nau vay dăp bơh Gâp jêh ri nuih n'hâm khân may dĭl khek ma nau Gâp đă, yor nây khân may mâu ƀư tĭng kơt lĕ nau vay ntăm jêh ri ƀư rai lơi nau tâm rnglăp bơh Gâp,

Kan Lêvi 26:43

Neh khân păng chalơi mra dơn lĕ năm saƀat ntrok tay năng nar ma neh nôk khân păng chalơi jêng rngot njăp mâu geh bunuyh gŭ ta nây. Khân păng mra dơn nau rmal yorlah khân păng mưch rmot nau vay Gâp ƀư jêh ri nuih n'hâm khân păng dĭl khek lĕ nau vay Gâp dăp.

Kan Lêvi 26:44

Ƀiălah, nđâp lah khân păng dôl gŭ tâm n'gor phung rlăng, Gâp mâu đŏng chalơi khân păng, mâu lĕ Gâp rmot ma khân păng kŏ tât Gâp ƀư rai lĕ khân păng jêh ri mâu chalơi nau tâm rnglăp ta nklang Gâp đah khân păng, yorlah Gâp jêng Yêhôva Brah Ndu khân păng.

Sakari 11:8

Knŏng tâm du khay, Gâp hŏ mprơh jêh pe nuyh rmăk biăp, yorlah Gâp mâu hôm dơi nsrôih đah khân păng đŏng ôh, jêh ri khân păng tâm rmot ma Gâp tâm ban lĕ.

Êphêsô 2:22

Tâm Păng yơh, khân may dơi ndâk njêng ndrel đah ngih nây, gay jêng ntŭk gŭ ma Brah Ndu tâm Brah Huêng Ueh.

Nau Vay Nkah Tay 32:19

Brah Yêhôva saơ nau nây jêh ri chalơi khân păng Yor phung kon bu klâu, bu ur Păng hŏ nsônh nau Păng ji nuih.

Yôsuê 22:19

Tơlah bri khân may pit sŏk jêh mâu ƀơ̆ ƀơch ôh, ăn khân may hăn rlet ma kô̆ neh drăp ndơn Brah Yêhôva, jêng ntŭk ngih bok Brah Yêhôva gŭ, gay dơn sŏk kô̆ neh ta nklang hên. Ƀiălah lơi ƀư nau tâm rdâng ôh đah Brah Yêhôva mâu lah tâm rdâng đah hên, gay rdâk ma khân may nơm du nơng ƀư brah êng ngăn đah nơng ƀư Brah Yêhôva Brah Ndu he.

Yôsuê 22:31

Y-Phinêas, kon bu klâu kôranh ƀư brah Y-Êlêasar, lah ma phung Ruben, phung Gat, jêh ri phung Manasê pô aơ: “Nar aơ hên gĭt năl pô aơ Brah Yêhôva gŭ tâm nklang he, yorlah khân may mâu ƀư tih nau mâu răp jăp đah Brah Yêhôva ôh, pônây khân may tâm rklaih jêh phung ƀon lan Israel bơh ti Brah Yêhôva.”

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.

Nau Tâm Mpơl 7:15

Yor ri, khân păng gŭ râng tanăp sưng hađăch Brah Ndu, măng nâm nar pah kan tâm ngih brah ma Brah Ndu; jêh ri Nơm gŭ ta sưng hađăch mra nkŭm nking khân păng.