Kan Lêvi 25:6 - Nau Brah Ndu Ngơi 2023

⁶ Play kao geh tâm năm saƀat mra dŏng ƀư ndơ sông sa ăn ma khân may, ăn ma phung oh mon bu klâu, bu ur khân may, ăn ma phung kan nkhôm, phung gŭ njưh tâm nklang ma khân may,

Kan Lêvi 25:6 ပူးပေါင်းရင်းမြစ်များ

II Phung Hađăch 19:29

Hơi Y-Hêsêkia, aơ mra jêng nau mbên ma may: Năm aơ may mra sa play kao hon êng; năm rơh bar sa play kao chăt hon bơh găr ntil êng tŭp; ƀiălah tât năm rơh pe, srih hom jêh ri rek hom, tăm tơm krăk ƀâu jêh ri sa play păng.

Nau Ngluh Êjipt 23:11

Ƀiălah tât năm tal pơh ăn neh rlu, mâu tuch tăm ôh gay ma phung o ach tâm phung ƀon lan may dơi joi ndơ sông sa tă bơh nây; moh ndơ hôm e klen ăn mpô mpa mra sa tâm mir. May ƀư kơt nây đŏng ndơ tâm đang krăk ƀâu jêh ri đang ôlive khân may nơm.

Kan Lêvi 25:20

“Klăp lah khân may mra vĭ vĕ: Moh ndơ hên mra sa ta năm tal pơh tơlah hên mâu tuch tăm mâu kăch roih?”

Kan Lêvi 25:21

Gâp mra ăn nau ueh uĭn ma khân may năm tal prao kŏ tât play kao mra dơi tŏng tâm pe năm.

Kan Lêvi 25:5

mâu dơi kăch roih ôh lĕ ndơ hon êng pakơi yan kăch jêh ri mâu đŏng pĕ ôh play krăk ƀâu bơh đang krăk ƀâu mâu mâp koh nkra. Nĕ jêng du năm ăn neh rlu.

Kan Lêvi 25:7

jêh ri ăn ma mpô mpa rong jêh ri ma mpô mpa gŭ tâm n'gor khân may. Lĕ rngôch play bơh neh dŏng ƀư ndơ sông sa da dê.’

Kôranh Oh Mon 2:44

Lĕ rngôch phung chroh rgum tâm mâp ndrel jêh ri sŏk lĕ rngôch ndô ndơ ƀư jêng ndrel.

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.