Kan Lêvi 25:23 - Nau Brah Ndu Ngơi 2023

²³ Mâu dơi tăch neh n'ho ro ôh yorlah neh jêng ndơ Gâp, bi khân may gŭ ndrel ma Gâp nâm bu phung bu năch jêh ri phung gŭ njưh.

Kan Lêvi 25:23 ပူးပေါင်းရင်းမြစ်များ

Nau Ntơm 23:4

“Gâp knŏng jêng du huê bunuyh bu năch rêh ta nklang phung khân may; dăn khân may ăn ma gâp du ntŭk ƀư môch tâm n'gor bri khân may, gay ma gâp dơi tâp drô ur gâp.”

Nau Ntơm 47:9

Y-Yakôb plơ̆ lah ma Pharaôn: “Dĭng lĕ năm nau rêh gâp ta neh ntu geh du rhiăng pe jât năm. Lĕ năm gâp dơi rêh jê̆ lê̆ jêh ri hŏt rgănh, jêh ri mâu ban ôh nau rêh bơh chô yau gâp ta neh ntu.”

I Phung Hađăch 21:3

Ƀiălah Y-Nabôt lah ma Y-Ahap: “Brah Yêhôva buay ma gâp lơ ăn ma may drăp ndơn bơh chô yau gâp!”

I Nau Rêh Jêng 29:15

Yorlah tanăp măt May, hên jêng phung bu năch jêh ri phung gŭ njưh nâm bu lĕ rngôch phung chô yau hên kăl e. Lĕ nar hên gŭ rêh ta neh ntu nâm bu gui rgăn gơnh, jêh ri mâu geh ôh nau kâp gân.

II Nau Rêh Jêng 7:20

nôk nây Gâp mra rôk lơi khân may luh du bơh bri Gâp hŏ ăn jêh ma khân may. Bi ma ngih brah Gâp hŏ ƀư kloh ueh ma amoh Gâp, Gâp mra mƀăr lơi păng bơh Gâp, jêh ri mra ăn păng jêng du bôk nau mprĭng ma lĕ rngôch phung ƀon lan ngơi hôr juar jêh ri gơm mpray.

Nau Mprơ Ơm 119:19

Gâp jêng bu năch ta neh ntu; Lơi dĭng pôn ma gâp tâm lĕ nau vay May ntăm.

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Nau Mprơ Ơm 39:12

Ơ Brah Yêhôva! iăt hom nau gâp mbơh sơm, Rkêng tôr iăt nau gâp kuăl; Lơi gŭ rklăk tanăp dak măt gâp Yorlah gâp jêng bu năch tâm ngih May, Phung bu năch hăn nsong ƀât lât nâm bu lĕ chô yau gâp.

Nau Mprơ Ơm 39:13

Ơ Kôranh Brah! Dăn yô̆ an ma gâp gay ma gâp geh tay nau ktang Êlor ma gâp hăn du jêh ri mâu hôm đŏng ôh!”

Nau Mprơ Ơm 85:1

Ơ Brah Yêhôva, May ăn jêh nau ueh ma n'gor May nơm; May njŭn sĭt jêh phung bu nă Yakôb.

Nau Ngluh Êjipt 19:5

Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Nau Ngluh Êjipt 2:22

H'Sêpôra deh du huê kon bu klâu jêh ri Y-Môis tâm amoh Y-Gersôm, yorlah păng lah: “Gâp gŭ njưh tâm n'gor bu năch.”

Êsai 8:8

n'ho hoch lăp tâm bri Yuđa, hoch ler kơh jêh ri rlêng kŏ tât băm trô ko. Ơ Êmanuel, nting năr păng ling luh nkŭm lĕ bri neh may!”

Êsêkiêl 48:14

Kô̆ neh nây khân păng mâu dơi tăch, mâu lah tâm rgâl ôh, mâu dơi ăn play bôk rah tă bơh neh nây ma bu êng yor păng lĕ prăp jêng kloh ăn ma Brah Yêhôva.

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Yôel 2:18

Brah Yêhôva hŏ ntôn jêh yor bri aơ, Jêh ri Păng tâm mpơl nau yô̆ nđach ma phung ƀon lan Păng.

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Kan Lêvi 25:10

Ăn khân may ƀư tâm năm tal prăm jât jêng kloh ueh jêh ri mbơh nau kon me ma lĕ rngôch phung ƀon lan gŭ tâm lam n'gor. Nây jêng năm ueh maak ma khân may; ăp nơm dơn tay drăp ndơn khân păng, jêh ri ăp nơm plơ̆ sĭt ma ndŭl mpôl păng nơm.

Kan Lêvi 25:24

Tâm lam n'gor khân may mra dơn drăp ndơn, ăn khân may nkra ma bu nau vay tâm chuai neh.

Nau Vay Nkah Tay 32:43

Hơi lĕ bri dak! Răm rhơn hom ndrel ma phung ƀon lan Kôranh Brah, Yorlah Păng mra plơng har mham bơh phung oh mon Păng, Plơng har ma phung rdâng đah Păng, Jêh ri yô̆ an nau tih ma n'gor jêh ri ma phung ƀon lan Păng.

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.