Kan Lêvi 25:21 - Nau Brah Ndu Ngơi 2023

²¹ Gâp mra ăn nau ueh uĭn ma khân may năm tal prao kŏ tât play kao mra dơi tŏng tâm pe năm.

Kan Lêvi 25:21 ပူးပေါင်းရင်းမြစ်များ

Nau Vay Nkah Tay 28:8

Brah Yêhôva mra ăn nau ueh lăng tâm jay ba khân may jêh ri tâm lĕ rngôch kan ti khân may ƀư. Păng mra ăn nau ueh uĭn ma khân may tâm n'gor Yêhôva Brah Ndu ăn ma khân may.

Nau Hôr 10:22

Nau ueh uĭn bơh Brah Yêhôva ƀư ăn ndrŏng; Păng mâu hôm ntop ôh nau hŏt rgănh jâk jêr.

II Kôrintô 9:10

Nơm ăn găr ntil ma nơm srih jêh ri piăng let jêng ndơ sông sa mra ăn găr ntil ma khân may jêh ri ƀư bĭk rơ̆ dŭt âk, lŏ ntop đŏng kao play ma nau sŏng srăng khân may.

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Vay Nkah Tay 28:3

Khân may mra geh nau ueh uĭn tâm ƀon tâm ban ma tâm mir đŏng.

Nau Ngluh Êjipt 16:29

Ăn khân may kah gĭt hom Brah Yêhôva ăn jêh ma khân may nar saƀat, yor nây tâm nar prao Păng ăn ma khân may piăng let tŏng ma bar nar. Tâm nar pơh, ăn ăp nơm gŭ ta ntŭk păng nơm, lơi ăn bunuyh du luh ôh tă bơh ngih khân păng.”

Nau Ntơm 41:47

Tâm pơh năm yan geh ba, neh geh âk play rmeh ler.

Nau Ntơm 26:12

Y-Isăk tuch tăm ntil găr tâm n'gor nây jêh ri năm nây păng geh hao âk lơn du rhiăng tơ̆, yor Brah Yêhôva ăn nau ueh uĭn ma păng.

Kan Lêvi 25:4

Ƀiălah năm tal pơh mra jêng năm saƀat gay ăn neh rlu, jêng năm saƀat ma Brah Yêhôva, khân may mâu dơi tuch tăm ôh tâm mir mâu lah koh nkra đang krăk ƀâu khân may;

Kan Lêvi 25:6

Play kao geh tâm năm saƀat mra dŏng ƀư ndơ sông sa ăn ma khân may, ăn ma phung oh mon bu klâu, bu ur khân may, ăn ma phung kan nkhôm, phung gŭ njưh tâm nklang ma khân may,

Êsêkiêl 34:26

Gâp mra ƀư ăn khân păng đah lĕ ntŭk văr jŭm yôk Gâp jêng tu nau ueh uĭn. Gâp mra ăn tŭp dak mih tâm di yan; dak mih nây mra jêng nau ueh uĭn.

Nau Ngluh Êjipt 16:5

Ta nar prao, khân păng mra dônh âk lơn đah nar aƀă gay nkrem ma nar ôi taơ.”