Kan Lêvi 25:18 - Nau Brah Ndu Ngơi 2023

¹⁸ Yor nây ăn khân may ƀư tĭng lĕ nau vay dăp bơh Gâp, mât mray jêh ri ƀư tĭng lĕ nau vay ƀư bơh Gâp, gay ma khân may dơi gŭ rêh đăp mpăn tâm n'gor.

Kan Lêvi 25:18 ပူးပေါင်းရင်းမြစ်များ

I Phung Hađăch 5:5

Yor ri, gâp ŭch ƀư du mlâm ngih brah ma amoh Yêhôva Brah Ndu gâp, tĭng nâm Brah Yêhôva hŏ ntĭnh jêh ma Y-Đavit, mbơ̆ gâp pô aơ: ‘Kon bu klâu may, Gâp mra dơm ta sưng hađăch chiă uănh thoi ntrok may, mra ndâk du mlâm ngih brah ma amoh Gâp.’

Nau Mprơ Ơm 103:18

Jêng lah ăn ma mbu nơm djôt prăp nau tâm rnglăp Păng Jêh ri kah gĭt lĕ nau vay ntăm bơh Păng gay tĭng ƀư.

Nau Mprơ Ơm 4:8

Ơ Brah Yêhôva, gâp mra lâng săk jêh ri gŭ bê̆ch ma nau đăp mpăn; Yorlah knŏng du huê May mât rong gâp dơi gŭ rêh ueh mpăn.

Nau Hôr 1:33

Ƀiălah mbu nơm iăt gâp mra hôm rêh ueh mpăn, Mra dơi geh nau đăp mpăn, mâu klach nau mhĭk ôh.”

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Yêrêmi 25:5

Khân păng lah: ‘Plơ̆ sĭt hom, ăn ăp nơm tâm phung khân may chalơi hom tă bơh trong nau mhĭk jêh ri nau păng ƀư tih, jêh nây khân may mra dơi gŭ tâm bri Brah Yêhôva hŏ ăn jêh ma khân may jêh ri phung chô yau khân may bơh rnôk saơm kŏ tât ƀaƀơ n'ho ro.

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Êsêkiêl 33:29

Rnôk nây, khân păng mra gĭt Gâp jêng Brah Yêhôva tơlah Gâp hŏ ƀư ma bri aơ jêng rngol, nsoih dơm yor lĕ rngôch nau ƀơ̆ ƀơch khân păng hŏ ƀư.’

Kan Lêvi 19:19

Ăn khân may djôt prăp lĕ nau vay Gâp dăp. Lơi ăn ôh ntil mpa nây tâm gar ma ntil mpa êng; lơi srih bar ntil găr tâm mir khân may jêh ri mâu lĕ dơi nsoh kho ao bu tanh ma bar ntil brai êng êng.

Kan Lêvi 19:37

Pôri khân may djôt prăp hom jêh ri ƀư tĭng lĕ rngôch lĕ nau vay dăp jêh ri lĕ nau vay Gâp ƀư. Gâp jêng Brah Yêhôva.’”

Kan Lêvi 25:19

Neh mra deh play kao ăn ma khân may, khân may mra sa kŏ hơm jêh ri gŭ rêh ma nau đăp mpăn tâm n'gor.

Nau Vay Nkah Tay 12:10

Ƀiălah tơlah khân may rgăn jêh dak krong Yurdan jêh ri gŭ tâm n'gor Yêhôva Brah Ndu ăn khân may jêng drăp ndơn, Păng mra ăn ma khân may nau rlu, rklaih bơh nau phung rlăng nchueng, jêh ri ăn ma khân may dơi rêh tâm nau đăp mpăn.

Nau Vay Nkah Tay 33:12

Ma phung Benjamin, Y-Môis lah: “Nơm Brah Yêhôva rŏng ngăn ngên, Mra dơi rêh đăp mpăn dăch Păng. Kôranh Brah n'gang khân păng du njăr rêh, Jêh ri gŭ ta nklang dor yôk khân păng.”

Nau Vay Nkah Tay 33:28

Yorlah pônây knŏng geh du phung Israel gŭ tâm nau ueh đăp mpăn; Dak N'hor Yakôb hoch djrah an Tâm ntŭk n'gor geh ba jêh ri ndrănh, Bêng dak ngom truh tă bơh trôk.