Kan Lêvi 25:10 - Nau Brah Ndu Ngơi 2023

¹⁰ Ăn khân may ƀư tâm năm tal prăm jât jêng kloh ueh jêh ri mbơh nau kon me ma lĕ rngôch phung ƀon lan gŭ tâm lam n'gor. Nây jêng năm ueh maak ma khân may; ăp nơm dơn tay drăp ndơn khân păng, jêh ri ăp nơm plơ̆ sĭt ma ndŭl mpôl păng nơm.

Kan Lêvi 25:10 ပူးပေါင်းရင်းမြစ်များ

Êsra 1:3

Tâm khân may, mbu moh jêng phung ƀon lan Păng — dăn Brah Ndu gŭ ndrel ma păng — hăn hao hom ma ƀon Yêrusalem tâm n'gor Yuđa gay ndâk tay đŏng ngih brah Brah Yêhôva, jêng Brah Ndu phung Israel, Păng hôm gŭ ta Yêrusalem.

Nau Mprơ Ơm 146:7

Păng ƀư nau di ma phung bu tŭn jot, Jêh ri ăn ndơ sông sa ma phung ji ngot. Brah Yêhôva rklaih phung bu nă jêng kon me.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Êsai 49:9

Gay lah ma phung bu nă: ‘Luh hom,’ Lah ma phung gŭ tâm nau ngo, ‘Mpơl hom tâm nau ang!’ Khân păng mra chiăp phung biăp ta rŏ trong, Jêh ri ndrêch gơ̆ khân păng mra gŭ ta klơ lĕ rngôch yôk hil.

Êsai 63:4

Yorlah nuih n'hâm Gâp hŏ dăp nal jêh ma nar plơng bôk, Jêh ri năm Gâp tâm chuai tât jêh.

Yêrêmi 34:10

Lĕ rngôch phung kôranh jêh ri phung ƀon lan dơi râng da dê ma nau tâm rnglăp nây, ăp nơm mra mƀơk lơi phung dĭk păng, bu klâu tâm ban ma bu ur, mâu dơi kân gay ƀư dĭk đŏng ôh.” Khân păng hŏ iăt nau jêh ri mƀơk ma lĕ khân păng.

Yêrêmi 34:8

Jêh hađăch Sêdêkia ƀư jêh du nau tâm rnglăp đah lĕ rngôch phung ƀon lan ta ntŭk Yêrusalem, mbơh nau kon me ăn ma khân păng pôri geh nau Brah Yêhôva lah ma Y-Yêrêmi:

Êsêkiêl 46:17

Ƀiălah tơlah hađăch sŏk du ntil tâm drăp ndơ păng geh ăn ma du huê tâm phung oh mon păng pôri ndơ nây mra jêng ndơ bunuyh oh mon kŏ tât ma năm nau jêng kon me; rnôk nây ndơ nây mra mplơ̆ sĭt ma hađăch nơm. Drăp ndơ hađăch mra jêng ndơ phung kon bu klâu păng.

Kan Lêvi 25:11

Năm prăm jât nây jêng năm ueh maak ma khân may; dôl nây khân may mâu dơi tuch tăm mâu lah kăch roih ôh moh ndơ hon êng tă bơh neh, mâu lĕ pĕ play bơh đang krăk ƀâu mâu mâp koh nkra,

Kan Lêvi 25:13

‘Tâm năm ueh maak, ăp nơm tâm phung khân may mra dơn tay drăp ndơn khân păng nơm.

Kan Lêvi 25:41

Dôl nây, păng dơi jêng kon me, păng ndrel ma kon păng plơ̆ sĭt ma rnăk vâl păng nơm jêh ri dơn tay drăp ndơn bơh phung chô yau păng.

Kan Lêvi 25:54

Tơlah păng mâu dơi geh nau chuai tâm ban pônây, tâm năm ueh maak, bu mra plơ̆ păng jêh ri ndrel ma oh kon păng.

Luka 1:74

Pô aơ nôk he dơi kơl rklaih tă bơh ti phung rlăng, Păng mra ăn ma he dơi pah kan ma Păng mâu geh nau klach ôh,

II Kôrintô 3:17

Kôranh Brah jêng Brah Huêng Ueh, moh ntŭk geh Brah Huêng Ueh Kôranh Brah gŭ, ntŭk nây geh nau kon me.

Galati 4:25

H'Agar nâm bu ntĭt yôk Sinai tâm n'gor Arabi, nâm bu ƀon Yêrusalem aƀaơ aơ, yorlah ƀon nây ndrel ma phung kon jêng dĭk da dê.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

I Pêtrôs 2:16

Jêng oh mon Brah Ndu, khân may gŭ rêh hom tâm ban ma phung bunuyh kon me, ƀiălah mâu dŏng ôh nau kon me khân may nơm ƀư bok nkŭm nau djơh mhĭk.