Kan Lêvi 24:9 - Nau Brah Ndu Ngơi 2023

⁹ Piăng let nĕ prăp ma Y-Arôn jêh ri ma phung kon bu klâu păng, khân păng mra sa păng tâm du ntŭk kloh ueh, yorlah păng jêng kô̆ dŭt kloh ueh prăp ma khân păng bơh lĕ ndơ ƀư brah ăn ŭnh sa nhhơr ma Brah Yêhôva. Nây jêng nau dăp n'ho ro tâm lĕ rngôch rnôk khân may.”

Kan Lêvi 24:9 ပူးပေါင်းရင်းမြစ်များ

Nau Ngluh Êjipt 27:21

Tâm Ngih Bok Nau Tâm Rƀŭn mpeh padih bok panăp Hip Nau Tâm Rnglăp, Y-Arôn jêh ri phung kon bu klâu păng mra mât mray ŭnh kađen ăn ang mro tanăp Brah Yêhôva ntơm bôk măng tât ôi. Aơ mra jêng nau vay dăp n'ho ro ma lĕ rnôk rô̆ phung ƀon lan Israel.”

Kan Lêvi 10:12

Y-Môis lah ma Y-Arôn jêh ri ma bar hê kon bu klâu păng hôm e jêng Y-Êlêasar jêh ri Y-Ithamar: “Sŏk hom kô̆ ndơ ƀư brah rnih môi hôm e lah jêh ăn ŭnh sa nhhơr ma Brah Yêhôva ƀư jêng ƀănh mâu geh ndrui jêh ri sa păng ta meng nơng ƀư brah, yorlah nĕ jêng ndơ dŭt kloh ueh.

Kan Lêvi 10:17

“Mâm ƀư khân may mâu sa puăch mpa ƀư brah chuai nau tih tâm du ntŭk kloh ueh? Nĕ jêng du kô̆ dŭt kloh ueh, ndơ Brah Yêhôva hŏ ăn jêh ma khân may gay ma khân may dơi tuy nau tih tâm lĕ phung tâm rƀŭn jêh ri ƀư ndơ ƀư brah chuai nau tih ma khân păng tanăp Brah Yêhôva.

Kan Lêvi 21:22

Nơm nây dơi sa ndơ sông sa ma Brah Ndu, nđâp ma lĕ ndơ dŭt kloh ueh jêh ri lĕ ndơ prăp êng ma nau kloh ueh,

Kan Lêvi 24:10

Geh du huê kon bu klâu, me păng jêng phung Israel, mbơ̆ păng jêng bunuyh Êjipt, nsong ta nklang phung ƀon lan Israel jêh ri tâm lơh đah du huê phung Israel tâm ngih bok.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Kan Lêvi 6:11

Jêh nây kôranh ƀư brah mra doh lơi kho ao păng jêh ri nsoh kho ao êng, djôt buh nĕ tât du ntŭk kloh ta padih ngih bok.

Kan Lêvi 6:16

Y-Arôn jêh ri phung kôranh ƀư brah tâm noi deh Y-Arôn mra sa moh ndơ hôm e, ƀiălah khân păng mra sa piăng let mâu geh ndrui jêh ri sa tâm du ntŭk kloh ueh, jêng ntŭk tâm ndring Ngih Bok Nau Tâm Rƀŭn.

Kan Lêvi 6:9

“Ăn may ntăm hom nau aơ ma Y-Arôn jêh ri phung kon sau păng: Aơ jêng lĕ nau vay ma ndơ ƀư brah gŭch. Ăn ndơ ƀư brah gŭch dơm ta klơ ŭnh ta klơ nơng ƀư brah ntơm bơh măng kŏ tât ôi, jêh ri mât mray ŭnh ta klơ nơng ăn hit ƀaƀơ.

Kan Lêvi 8:3

jêh ri rgum lĕ rngôch phung ƀon lan ta mpông Ngih Bok Nau Tâm Rƀŭn.”

Kan Lêvi 8:31

Y-Môis lah ma Y-Arôn jêh ri ma phung kon bu klâu păng: “Gâm hom puăch ta mpông Ngih Bok Nau Tâm Rƀŭn jêh ri sa păng ta nây ndrel ma piăng let tâm bĭ dŏng tâm rƀŭn n'hao kan, tĭng nâm Kôranh Brah hŏ ntăm jêh: ‘Y-Arôn jêh ri phung kon bu klâu păng mra sa lĕ ndơ nây.’

Malachi 1:12

Ƀiălah khân may ƀư rngot amoh Gâp nôk khân may ngơi pô aơ: “Nơng ƀư brah Brah Yêhôva jêng ƀơ̆ ƀơch, ndơ sa ta klơ păng jêng di ma nau mưch rmot.”

Mathay 12:4

Păng lăp tâm ngih Brah Ndu jêh ri sa piăng let nhhơr, piăng let nây păng jêh ri phung hăn ndrel păng mâu dơi vay sa ôh, knŏng prăp êng ma phung kôranh ƀư brah.

Markôs 2:26

Tâm rô̆ Y-Abiathar ƀư kôranh ƀư brah toyh lơn, Y-Đavit hŏ lăp tâm ngih Brah Ndu jêh ri sa piăng let nhhơr jêh ri ăn ma phung bunuyh hăn tĭng păng sa đŏng, nđâp lah piăng let nây knŏng ăn phung kôranh ƀư brah dơm dơi vay sa.”

Luka 6:4

Păng lăp tâm ngih Brah Ndu sŏk piăng let nhhơr sa jêh ri ăn ma phung bunuyh hăn tĭng sa đŏng, nđâp tơlah piăng let nây knŏng phung kôranh ƀư brah dơi vay sa.”

I Samuel 21:6

Jêh nây kôranh ƀư brah ăn piăng let kloh ueh ma păng, yorlah ta nây mâu geh ôh piăng let êng padih piăng let nhhơr hŏ dơm jêh tanăp Brah Ndu, bu sŏk tă bơh tanăp Brah Yêhôva gay tâm rgâl đah piăng let mhe tâm nar bu rgâl piăng let ơm.