piăng let nhhơr, ndơ ƀư brah rnih môi ƀaƀơ, ndơ ƀư brah gŭch nhhơr ƀaƀơ, ndơ ƀư brah nhhơr tâm nar saƀat, tâm nar tal nguay jêh ri lĕ nau rƀŭn, nau rƀŭn nhhơr kloh ueh, jêh ri ndơ ƀư brah chuai nau tih ma phung Israel jêh ri lĕ rngôch nau kan tâm ngih Brah Ndu hên.
Hên jêng phung kôranh ƀư brah, phung Lêvi jêh ri phung ƀon lan, tâm nchroh ma nau nhhơr lŏng ăp năm tĭng năng hŏ tâm nal jêh, tĭng nâm ăp ndŭl mpôl jêh ri djôt leo tât ta ngih Brah Ndu gay su long nây ta klơ nơng ƀư brah ma Yêhôva Brah Ndu hên, tĭng nâm nau hŏ nchih tâm nau vay.
Du mlâm nơng ƀư brah ma tơm si prêh du met n'gul, jong du met. Lĕ njônh, ndap jêh ri lĕ blon nơng ƀư brah đah tơm si da dê. Păng lah ma gâp pô aơ: “Aơ jêng sưng gŭ tanăp măt Brah Yêhôva.”