Kan Lêvi 24:22 - Nau Brah Ndu Ngơi 2023

²² Phung kon knŏng geh du nau vay dơi dŏng ăn ma bunuyh gŭ njưh jêh ri ma bunuyh ƀon tơm; yorlah Gâp jêng Yêhôva Brah Ndu khân may.’”

Kan Lêvi 24:22 ပူးပေါင်းရင်းမြစ်များ

Nau Ngluh Êjipt 12:49

Nây jêng du nau vay nsum ăn ma bunuyh tơm bri nđâp ma bu năch gŭ njưh ta klang khân may.”

Kan Lêvi 17:10

‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Kan Lêvi 19:34

Phung bu năch gŭ njưh ndrel ma khân may ăn khân may uănh nâm bu bunuyh ƀon tơm; ăn khân may rŏng ma khân păng nâm bu khân may nơm lĕ, yorlah khân may hŏ tă jêng phung bu năch gŭ tâm n'gor Êjipt. Gâp jêng Yêhôva Brah Ndu khân may.

Kan Lêvi 24:23

Y-Môis ntăm tay ma phung ƀon lan Israel lĕ nau aơ. Khân păng njŭn nơm ngơi sưr luh bơh ngih bok jêh ri klŭp lŭ ta păng. Phung ƀon lan Israel ƀư di tĭng nâm nau Brah Yêhôva hŏ ntăm jêh ma Y-Môis.

Nau Kơp Bunuyh 15:29

Knŏng geh du nau vay nsum dŏng ma ăp mbu nơm ƀư tih mâu ŭch ƀư, nđâp lah phung ƀon lan Israel mâu lah bunuyh bu năch gŭ njưh ƀât lât ta nklang khân păng.

Nau Kơp Bunuyh 9:14

Tơlah du huê bu năch gŭ ta nklang khân may, jêh ri ŭch kah gĭt prăp Rƀŭn Nau Găn ma Brah Yêhôva, ƀư hom tĭng nâm nau vay dăp jêh ri nau vay ma Rƀŭn Nau Găn. Khân may mra geh du nau vay dăp nsum ma nơm gŭ njưh ƀât lât jêh ri ma bunuyh ƀon lan nơm.’

Nau Vay Nkah Tay 1:16

Nôk nây gâp hŏ ntĭnh jêh ma phung kôranh phat dôih khân may: ‘Gŭ iăt hom phung oh nâu khân may jêh ri phat hom dôih ma nau sŏng, nđâp lah ta nklang phung Israel đah ndrăng khân păng, mâu lah ta nklang phung Israel đah phung bu năch gŭ ndrel ma khâm may.