Kan Lêvi 24:16 - Nau Brah Ndu Ngơi 2023

¹⁶ Mbu nơm ngơi sưr ma amoh Brah Yêhôva bu mra nkhĭt lơi păng; lĕ rngôch phung tâm rƀŭn mra klŭp lŭ ta păng. Nđâp lah bunuyh gŭ njưh mâu lah bunuyh ƀon tơm, mbu ngơi sưr ma amoh Brah Yêhôva, bu mra nkhĭt păng.’

Kan Lêvi 24:16 ပူးပေါင်းရင်းမြစ်များ

II Samuel 6:2

Jêh nây Y-Đavit hăn trong, nđâp ma lĕ rngôch phung tĭng ndô̆ păng tât Baale tâm Yuđa gay tung leo Hip Nau Tâm Rnglăp Brah Ndu plơ̆ sĭt. Nĕ jêng hip tuy amoh Brah Yêhôva ma phung tahan, Nơm hôm gŭ ta nklang phung chêrubim ta klơ nây.

Nau Mprơ Ơm 139:20

Khân păng srôih ngơi lĕ nau mhĭk ƀai ma May, Phung rlăng dâk tâm rdâng đah May jêng dơm dam.

Nau Mprơ Ơm 74:10

Ơ Brah Ndu! Ndah nâm jŏ nơm tâm rdâng mra bêk prêng ma May? Nơm rlăng mra suai ma amoh May mro lĕ?

Nau Mprơ Ơm 74:18

Ơ Brah Yêhôva, ăn kah gĭt ma nau nơm rlăng suai rak, Jêh ri du mpôl băl rluk ngơi mhĭk ma amoh May.

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Kan Lêvi 20:2

“Ăn may lah hom ma phung ƀon lan Israel pô aơ: ‘Ăp phung Israel mâu lah bunuyh gŭ njưh tâm n'gor Israel, lah păng djôt nhhơr phung kon sau păng ma Môlek, ăn bu nkhĭt lơi păng; phung ƀon lan tâm n'gor mra klŭp păng ma lŭ.

Mathay 12:31

Pôri, Gâp lah ma khân may: Lĕ rngôch nau tih jêh ri nau ngơi sưr rlau bu mra yô̆ an ma kon bunuyh; ƀiălah nau ngơi sưr rlau đah Brah Huêng Ueh bu mâu mra dơi yô̆ ôh.

Mathay 26:66

Khân păng plơ̆ lah: “Păng khư ma nau khĭt.”

Markôs 14:64

Khân may tăng jêh nau ngơi sưr rlau nây! Moh nau khân may tâm nal?” Lĕ rngôch khân păng phat dôih Păng jêng khư ma nau khĭt.

Yôhan 19:7

Phung Yuđa plơ̆ lah: “Hên geh nau vay, tĭng nâm nau vay nây păng mra khĭt, yorlah păng mbơh êng păng nơm jêng Kon Brah Ndu.”

Kôranh Oh Mon 26:11

Gâp hăn ƀaƀơ lam lĕ ngih rƀŭn gay ma rmal khân păng jêh ri nchâp khân păng dun nau chroh; gâp ji nuih kŏ tât hăn ta ƀon phung bu năch gay ma ƀư djơh khân păng.

Kôranh Oh Mon 7:58

têk păng du luh padih ƀon, jêh ri klŭp lŭ ma păng. Phung nơm mbơh nkoch sŏk kho ao khân păng dơm ta jâng du huê bu klâu ndăm, amoh păng Y-Sôl.

I Timôthê 1:13

nđâp lah kăl e ri gâp jêng nơm sưr rlau, ƀư mhĭk, hăt janh ƀai. Ƀiălah gâp hŏ dơn jêh nau yô̆ nđach, yorlah nôk nây gâp ƀư tâm nau rluk mâl bơh nuih n'hâm mâu chroh.

Yakơ 2:7

Mâu di hĕ khân păng jêng nơm ngơi djơh tât amoh dŭt khlay khân may kuăl jêh?