Kan Lêvi 24:15 - Nau Brah Ndu Ngơi 2023

¹⁵ Jêh nây ăn may lah ma phung ƀon lan Israel pô aơ: ‘Mbu nơm rak rtăp Brah Ndu mra tuy nau tih păng nơm.

Kan Lêvi 24:15 ပူးပေါင်းရင်းမြစ်များ

I Phung Hađăch 21:10

Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

Nau Ngluh Êjipt 20:7

May mâu dơi dŏng blă blơ amoh Yêhôva Brah Ndu, yorlah Brah Yêhôva mâu mra yô̆ an mbu dŏng blă blơ amoh Păng.

Nau Ngluh Êjipt 22:28

May mâu dơi ôh sưr rlau ma Brah Ndu, mâu lĕ dơi rtăp rak ma kôranh chiă uănh phung ƀon lan khân may.

Kan Lêvi 18:21

Lơi djôt kon khân may nhhơr ma brah Môlek, yorlah ƀư kơt nây jêng ngơi sưr ma amoh Brah Ndu may nơm. Gâp jêng Brah Yêhôva.

Kan Lêvi 5:1

“Lah du huê ƀư tih yor păng mâu ŭch mbơh du nau kan păng hŏ saơ jêh mâu lah lĕ gĭt, nđâp lah bu đă păng ngơi nau ton ma nau păng saơ nây, pôri păng mra tuy nau tih păng nơm.

Nau Kơp Bunuyh 9:13

Ƀiălah nơm jêng kloh jêh ri mâu nsong ôh ntŭk ngai, ƀiălah mâu kah gĭt prăp ôh Rƀŭn Nau Găn, bu mra nsot lơi nơm nây luh bơh phung ƀon lan păng nơm, yorlah păng mâu mâp nhhơr ôh ndơ ƀư brah ma Brah Yêhôva ta nar tâm nal jêh. Nơm nây mra anh nau tih păng.