Kan Lêvi 24:14 - Nau Brah Ndu Ngơi 2023

¹⁴ “Djôt leo hom nơm rak rtăp nĕ luh padih ngih bok. Đơ lĕ rngôch phung hŏ tăng jêh nau păng ngơi, ăn pah hom ti khân may ta bôk păng jêh ri ăn lĕ rngôch phung ƀon lan Israel klŭp păng ma lŭ.

Kan Lêvi 24:14 ပူးပေါင်းရင်းမြစ်များ

I Phung Hađăch 21:10

Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

Kan Lêvi 13:46

Moh nar păng hôm khan nau ji păng ăt hôm jêng ƀơ̆ jêh ri ăn păng gŭ êng tâm du ntŭk padih rmlak.

Kan Lêvi 20:2

“Ăn may lah hom ma phung ƀon lan Israel pô aơ: ‘Ăp phung Israel mâu lah bunuyh gŭ njưh tâm n'gor Israel, lah păng djôt nhhơr phung kon sau păng ma Môlek, ăn bu nkhĭt lơi păng; phung ƀon lan tâm n'gor mra klŭp păng ma lŭ.

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Kan Lêvi 24:13

Brah Yêhôva lah ma Y-Môis:

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.

Nau Vay Nkah Tay 17:5

dôl nây ăn khân may djôt leo bu klâu mâu lah bu ur hŏ ƀư jêh nau djơh mhĭk nây tât ta mpông ƀon jêh ri klŭp păng ma lŭ kŏ tât khĭt.

Nau Vay Nkah Tay 17:7

Phung mbơh jêng nơm lor lơn nto ti lơh nkhĭt nơm nây, jêh ma nây mơ phung ƀon lan nto ti. Pôri mơ khân may mra ngluh lơi nau djơh mhĭk luh bơh khân may.”

Nau Vay Nkah Tay 21:21

Nôk nây lĕ rngôch bunuyh tâm ƀon mra klŭp păng ma lŭ tât nkhĭt. Tâm ban pônây khân may mra ƀư kloh lơi nau djơh mhĭk bơh ta nklang khân may, jêh ri lĕ rngôch phung Israel mra klach da dê lah gĭt nau aơ.”

Nau Vay Nkah Tay 22:21

pôri ăn khân păng njŭn leo bu ur druh nây tât ta mpông ngih mbơ̆ păng, jêh ri phung ƀon lan tâm ƀon mra klŭp păng ma lŭ tât khĭt, yorlah păng ƀư nau bêk tâm n'gor Israel, ƀư tih văng tĭr dôl hôm gŭ tâm ngih mbơ̆ păng. Ƀư rai lơi nau tih mhĭk bơh khân may.

Yôsuê 7:25

Y-Yôsuê lah: “Mâm ƀư may ăn nau uh ah ma phung he? Brah Yêhôva mra ăn tât nau uh ah ma may nar aơ.” Jêh nây lĕ rngôch phung Israel klŭp păng ma lŭ; khân păng su phung nây ma ŭnh jêh ri brôi lơi ma lŭ.